" តុកៗៗ ចៅហ្វាយមានអ្នកចង់ជួប " អ៊ុនវូ គោះទ្វារបន្ទប់ចៅហ្វាយទាំងព្រលឹម ការប្រឡែងគ្នារបស់គូស្នេហ៍មួយនេះក៏ត្រូវបញ្ឈប់ព្រោះមានអ្នករំខាន ។
"អ្នកណាមករកបងទាំងព្រឹក ?"
"អត់ដឹងទេ តោះចុះទៅជាមួយទេ? " ជុងហ្គុកយល់ថាគេម្នាក់នោះប្រាកដជាមានការសំខាន់ហេីយ
" បងទៅចុះ អូនសុំងូតទឹកសិនចាំចុះទៅចាំក្រោយ "
" បងទៅតែមួយភ្លែតទេ ចាំបងមកងូតជាមួយគ្នាណា៎ "
" អូនងូតម្នាក់ឯង !" ថេហ្យុងថាចប់ក៏ក្រោកឡេីង យកកន្សែងពោះគោចូលទៅបន្ទប់ទឹកដោយមិនភ្លេចអេីតក លៀនអណ្ដាតដាក់ ជុងហ្គុកក្នុងន័យឌឺ។
ជុងហ្គុកញញឹមអស់សំណេីចដាក់ថេហ្យុងខ្នាញ់ណាស់នាយទ្រាំមិនបានទេ ម្ដងៗនាយសឹងតែហក់ទៅសង្គ្រប់គេនឹងកន្លែង។ ពេលថេហ្យុងចូលទៅបន្ទប់ទឹកបាត់ នាយផ្លាស់ប្ដូរទឹកមុខទៅជារាបស្មេីសម្ដៅទៅបេីកទ្វារ អ៊ុនវូមិនទាន់ទៅណាឡេីយ គេនៅឈរមុខបន្ទប់នៅឡេីយ ។
" លោកឈិន មករកចៅហ្វាយ " អ៊ុនវូ
ជុងហ្គុកបង្កេីនកម្លាំងជេីងដេីរឲ្យលឿនជាងមុន នឹងអាលបានទៅឆាប់និយាយជាមួយគាត់ ព្រោះបេីទុកយូរខ្លាចថេហ្យុងមកស្ដាប់ឮរឿងមិនគួរឮ។ តាចាស់នេះមករកទាំងព្រលឹម មិនដឹងជាមានរឿងស្អី
" សួស្ដី លោកចន " គ្រាន់តែឃេីញជុងហ្គុកសម្ដៅមករកគាត់ លោកឈិនក្រោកឡេីងទទួលរាក់ទាក់ទាំងញញឹមញញែម តែជុងហ្គុកគ្រាន់តែញញឹមខ្សោះដាក់បន្ទិចមុននឹងដាក់ខ្លួនអង្គុយដែរ
" មករកខ្ញុំទាំងព្រឹក លោកមានការអី? "
វាជាសំណួរត្រង់ៗ ប៉ុន្តែមិនអីទេសម្រាប់តាចាស់នេះសមហេីយ
" មកនិយាយរឿងរៀបការ ខ្ញុំរេីសថ្ងៃរួចហេីយ អាទិត្យក្រោយពិធីនឹងចាប់ផ្ដេីម "
"???" ជុងហ្គុកសម្លឹងមុខគាត់ទាំងភ្ញាក់បន្ទិច វាលឿនដល់ថ្នាក់នឹងផង?
"លោកមានបញ្ហាដែលទេ ? " លោកឈិនឃេីញទឹកមុខជុងហ្គុកមិនល្អ គាត់ដឹងថានាយច្បាស់ជាត្រៀមខ្លួនមិនទាន់ ប៉ុន្តែសម្រាប់គាត់គឺចង់ឲ្យលឿនបែបនេះ
