New York City
ကျယ်ပြန့်လွန်းနေသည့် လမ်းမကြီးထက်မှာ အနက်ရောင် ကားတစ်စီးက အလျင်စလို မောင်းနှင်နေ၏။
အနောက်ဘက်မှ ကားအနက်သုံးစီး တစ်ပြိုင်တည်း လိုက်လာသည်မို့ အလျင်လိုနေရခြင်း ဖြစ်သည်။
"အစ်ကိုကြီး Jk ကျွန်တော်တို့ ဝိုင်းခံထားရပြီ အနောက်မှာ သုံးစီးပါလာတယ် အရှေ့ဘက်မှာ နှစ်စီးရှိတယ်လို့ Lucas က လှမ်းပြောတယ်"
ကားမောင်းနေသည့် Jack က နားကြပ်ကို ဖြုတ်ရင်း မှုန်ကုပ်ကုပ်ဖြင့် ပြောသည်။
"ဘေးဖယ်လိုက် "
ဘေးတစ်ဘက်မှ Jack က ကားစတီယာရင်ကို ထိန်းကိုင်ထားပြီး လီဗာကိုလည်း ဖိနင်းထားသည်။
မျက်ဝန်းတွေကို ဖုံးအုပ်ထားသည့် အနက်ရောင် ပုဝါစကို ဖယ်ထုတ်ပစ်လိုက်ချိန် မှုန်ဝါးဝါး မြင်ကွင်းက ကျွန်တော့် အရှေ့ရောက်ချလာ၏။
Jack က ကိုယ်ကို အနည်းငယ်ကြွတက်လာချိန် သူ့ဘက်ကို အလျင်အမြန် ပြောင်းရွှေ့သွားလိုက်သည်။
စတီယာရင်ကို ထိန်းကိုင်မိချိန် Jake က တစ်ဘက် ခုံပေါ် ရွှေ့သွားပြီ။ လီဗာကို ဖိနင်းထားရင်း မောင်းသူနေရာမှာ ကျွန်တော် နေရာယူထားလိုက်သည်။
New York က လူသိပ်ရှုပ်ပြီး လမ်းကြားတွေကအစ ခပ်ရှုပ်ရှုပ်ရယ် . .
နားကြပ်ကို တပ်ထားလိုက်ရင်း တစ်ဘက်မှ Lucas ကို လှမ်းပြောလိုက်သည်။
"ဘယ်လမ်းက ထွက်ရ အလွယ်ဆုံးလဲ ငါ့ကို ပြော"
"၂၂ လမ်းကို ချိုးဝင်လိုက်ရင် တစ်စီးနဲ့ပဲ တွေ့ရမှာ "
"ကောင်းပြီ "
လီဗာကို မြှင့်လိုက်ကာ အရှိန်တင်လိုက်သည်။ အနောက်ဘက်မှ ကားတွေကို မျက်ခြေဖျက်နိုင်ဖို့ ကြိုးစားရင်း ၂၂ လမ်းထဲ ချိုးဝင်ခဲ့လိုက်သည်။
"Jack တစ်ကောင်မှ အရှင်မထားနဲ့ "
ကျည်ကာ ဖြစ်သည့် ကားအနက်ရဲ့ မှန်တံခါးတွေကို ဖွင့်ချလိုက်ရင်း ၂၂ လမ်း လမ်းမကြီး၏ လမ်းကြားတစ်ခုမှ ထွက်လာသည့် Demon တွေရဲ့ ကားကို ပစ်ဖို့ အမိန့်ပေးလိုက်သည်။