قناص بغداد ( مهمة وطن )

المُـهمة الأولـى

#قناص_بغداد(مُهمة_وطن)

البارت الأول

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 وتعليق بين الفقرات ♥️

Instagram: zainab__.ali1

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

من على نافذة الدمار القابعة في اعلى بناية متهالكة جدرانها متاكلة سوادها يحاكي الواقع المرير الذي تمر به البلاد بدأ الليل يرخي سدوله لا صوت غير صوت غارات الإنذار وضجيج الطائرات الحربية

حدرت عيوني اعاين الأيدي شفتها ترجف احتضنتها بالأيد الثانية وگلت بگلبي

- ما بالحيف انه ( الـجـازي ) بنت النشمي ارجف بخوف يخسون والله يخسون

نزيت من هطر الصينة جدامي وگال بصوت حاد
- أكلي الآخر مرة اجيبلچ زقنبوت

عاينت الصينية چان بيها باكيت بسكت وعصير عدلت روحي ودفعتها حيل صحت
- الـجـازي: زقنبوت بگلبك نجسسس چلببب ميل من ويهي لا وروح الماارتاح بگبره ماتشوف مني خير

هجم عليه سد حلگي حيل يمرد بي بايده الضخمة
- اششش لو احد حس بيچ هنا كتلتج تصير على أيدي

نترته حيل
-الـجـازي: وأنتَ خايف عليه وماتريدهم يهيسوني اليشوفك مايگول لابس لبسهم يالنجسس

جرني حيل گعدني على الفراش گعد گبالي ركبة ونص وگال بصوت گوه يطلعه من بين سنونه
- الظاهر أنتِ بعدچ ما مستوعبة حجم الي سويتي أنتِ كتلتي واحد منهم تعرفين يعني شنو كتلتي واحد منهم يعني تنمحين عن وجه الدنيا ومحد يحس بيچ وإن حسوا بيچ محد يفتح حلگه ويحچي لاعشيرتچ التتقاوين بيها ولا امچ التصيحين بأسمها

خليت ايدي على حلگي اكتم شهگتي
- الـجـازي: بس انه مامتندمة ويو رد بيه الوكت هم اكتلنه وانعل ابو طاهره وطاهر الحيونه الويا

گام وگف طوله فارع خيم عليه خلا سلاحة على متنه وحچى
- اني نازل صوت حركة ماريد اسمعلچ على ما أرجع

گمت احچي
- الـجـازي: بس انه ماضلن هنا

التف عليه بنص التفاته وهو داير ظهره
- بكيفچ بعد اذا تردين تموتين واهلچ يلحگونچ براحتچ

عافني وطلع رديت المچاني اعرج اباوع الروحي مصخمة وشعري نصه محترگ ويهي ماگدر احركنه من الألم گعدت ابچي بحرگة

-الـجـازي: وين اروح ربي يمن فدوة اروح الطاري أسمك العظيم تعبت عِيني اللهي خاف اجزع واتحمل ذنب كافي علي ظلم الأهل العشيرة الأعراف انوب اصير .... اخخخ ربي شحمل بعد شحمل