قناص بغداد ( مهمة وطن )

المُـهمة الثانية والستين

#قناص_بغداد(مُهمة_وطن)

البارت الثاني والستين

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

حَبيتك آنة بكِثر
ما ظلمة چان العمر
وِالفرح ما شفتة
وگد مَـا أحسك سَند
تَاخِذني مِن كُل حِزن
ومن كُل قَهر عشته
سَبعة العَجايب لچَن
ثَامِن عَجيبة أنتَ .

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

الـجـازي ...

دز رسالة
-ديـوان: الجازي عوفي كلشي بيدچ لازم اشوفچ ونحچي بسرعة الجازي

خفت حيل رديت بسرعة
-الـجـازي: شكو ديوان شنهي صاير لا تخوفني

بسرعة دگ عليّ عفت سُمانه وگمت رديت عليه اجاني صوته يمه صوت عالي عرفت بالشارع هو
-ديـوان: اني جاي  البيتكم اطلعيلي

-الـجـازي: ديوان اخوتي هنا شگللهم وين رايحة بنص الليل

-ديـوان: مشيها حبيبي گليلهم أيَّ شي طلعي حجة أيَّ شي طلعي لازم تسمعين وتشوفين الي عرفته تمام نص ساعة و اني يمچ

أحس گلبي صرت أسمع دگاته واضحة بـ أذني حيل خفت
-الـجـازي: شنهو الموضوع اكو وأحد منكم بي شي أنتَ بيك شي شني السالفة ديوان عاشور وهاشم صاير وياهم شي !؟

رد بـ أستعجال و محاول يطمني
-ديـوان: لا لا الموضوع ما يخص اخوتچ ولا يخصنا يخص گصايب عندي تسجيل اريدچ تسمعي تمام

حطيت ايدي على گلبي وگلت
-الـجـازي: اوويي ديوان طيحت گلبي تمام هسه أشوف لي حجة واطلع أنتظرك

-ديـوان: يالله ماشي مسافة الطريق ارمش عليچ طلعيلي براس الفرع زحمة ما اطب واسلم لا تگليلهم رجلي اجه عليه

بعز الخوفة ركزت على كلمة رجلي گوه يريد يسوي روحة رجلي تطلكت وما خلصت منه يا ضيم الولاني
-الـجـازي: خوش باي دير بالك لا تسوق بسرعة ما طايرين دام الموضوع مابي موت أو أذية أحد من عائلتنا سهلة وتنحل

-ديـوان: ماشي غزالة يالله جاي

سديت الخط ورحت الصياد تقربت دگيت عليه الباب سمعته يگول
-صـيـاد: ادخل

فتحت الباب وانه احچي
-الـجـازي: صياد خابرني ديوان يريد يسمعني تسجيل مهم يخص گصايب و گال لا تگولين جدامهم لأن يستحي يدش بيتنا من بعد الصار وهسه يريد يشوفني تسجيل شنهي أطلع لو لاله