قناص بغداد ( مهمة وطن )

المُـهمة الثالثة والعشرين

#قناص_بغداد(مُهمة_وطن)

البارت الثالث والعشرين

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

ضحكي يمي
يطيح مِن روحي التعب
ضحكي يآوجه السعادة
الـ چنه صينية ذهب ♡ .

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

الـجـازي...

عاين عليه وصاح بحقد تحول
-ديـوان: أنتِ تخبلتييييي شلون هيججججج تسسوويينننن

راح گبل گعد يمها ولمها بحضنه ويهمس بأذنها
-ديـوان: اشش حبيبتي بابا هاي اني يمچ محد اكو اشش يروحي فتحي عيونج باعي هاي أنتِ بحضني محد يتقرب يمچ جميلتي بس باوعي عليّ

عاينتله شبكته وهي تشهگ غدت حمرا دم
-مشاعل: لا تعوفني لا تعوفني حباب خليك وياي اني خايفة موجودين همَ هنا موجودين ديوان خليك وياي

شالها شيل راد يطلع عاين عليّ وگدامهم گلي
-ديـوان: احسابچ بعدين الجازي

هنا حسيت روحي نفط وشمروا عليّ عود شخاط اشتعلت من عصبيتي انه يحچي وياي هيچ وجدامهم وبصباحيتي ؟

اخذها وطلع نزلوا كلهم ورا أمه تبچي وبس تردد
-ابـابـيل: ديوان خاف ترجع تنتكس خلي ناخذها للمستشفى

گمت بكل هدوء كملت لم الغرفة ونشفت شعري وسشورته مو دائما اروح البيت أهلي حل لان اذا تعود على طلعتي يتعود على غيابي نتبع الخطة (ب) فتحت الكنتور طلعت بدلة نوم قصيرة وكلها فتحات  وانه احچي

-الـجـازي: هين اذا ما توبتك على زمانك نقطة ضعفكم السوالف الطايح حظها لچن انجوم السما اگربلك يا أبن مرجان

لبستها وحطيت كحل عرب وطوخت دكه الحنچ وحطيت حمرة لون أحمر قاتم يصير لونها على رماني مات مثل حمرة البارحة وجريت الكحل من المدمع وبنهاية عيني صارت عيوني كلش حادة

تمددت على الچرباية وطفت الضوه اخذت مبايلي خابرت سمسم تغيرلي جو أول ما ردت گلت

-الـجـازي: نشرة أخبار ورقة وقلم وسجلي يمچ

-سُـمانه: أهم شي أخبار جديدة العباس عليچ

-الـجـازي: اگلها حضري ورقة وقلم جرايد

گعدت احچي الها كلشي من البداية

-سُـمانه: هلا هلا أبو دون مولعها بس جافصها بالنهاية المهم وأنتِ راح تتبعين خطة (ب) حلوة بس تفيد بهذا الوقت ؟