قناص بغداد ( مهمة وطن )

المُـهمة الثامنة والثلاثين

#قناص_بغداد(مُهمة_وطن)

البارت الثامن والثلاثين

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

‏آنه مثل الذهب مابور
‏اغلى
‏وارخص
‏وانباع
‏لگن ماوصلت المحد بحالي …

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

سُـمانه ...

أخير يوم أمتحانات صعدت بسيارة سُطام هستوه طالع من الكلية

-سُـطام: ها سمسمايتي شلونچ بـ أخير إمتحان وشلون شفتي نفسچ بـ الإمتحانات الفاتت

حچيت بضوجة ودموعي وحدة ورا ثانية
-سُـمانه: لا شلوني ولا أبد صخمت الشرايع وأجيت

ضحك وهو يبوس أيدي ويشابك أيدي بيده
-سُـطام: يروحلچ فدوات الإمتحانات  و وزير التربية لو تطلعين خمسين الكليات الأهليه مزبلة لا تضوجين يروحي أنتِ

گلتله واني ميته من القهر وگلبي محترگ
-سُـمانه: يعني وأحد دكتور أسنان بگد الدنيا والثاني عاشور مكافحة إرهاب رتبته بگد رأسي واني الوحيدة الهيچ شبيه شبيه كلكم واصلين اني شبيه صخمت الشرايع الله ياخذ السادس دمرني والله

نزل ودار لـ صفحتي فتح الباب ومسح دموعي وحضني قوي وهو يحچي بهدوء
-سُـطام: شبيچ سمستي ليش هيچ انهاريتي فدوة الچ حبيبتي أكيد أنتِ مجاوبه وحالة بس يمكن من الخوف والتوتر نسيتي اني واثق بيچ حبيبتي ولو شو ما طلعين إحنا فخورين بيچ وبالي سويتي يروحي

مسح دموعي أتسمت بوجهه
-سُـمانه: أروح فدوة الحنيتكم عليه مو كل أخ هو فعلًا أخ بس أخوان سُمانه صدگ أخوان

ضحك وگرص خشمي
-سُـطام: هي أميره وحدة وتتگلب علينا أمشي خلي نروح بسرعة حتى اطلعكم بالليل نتونس وتشترين الي تردي والفلوس عليه

نقهرت هو سوده عليه الصبح بالكلية ومن العصر لليل كله يشتغل ويا النجارين والحدادين حتى يطلع مصرفه لأن عاشور ماعنده تگعد واصرف عليك

مسوي قانون ماكو واحد ياخذ فلوس من أهله اطلع وأشتغل وطلع مصرفك ومصرف كليتك وهو هم ما يقبل ينتكل على أحد يطلع يشتغل يرجع هلكان ويظل الليل كله يدرس

وصلنا للبيت نزلت وسُطام راح عنده شغل طبيت لگيت صوت أديان طالع وهي تبچي وتتوسل

-أديـان: حلفتك بالله تتركني والله مالي علاقة هي هي دعاء هي خلتني هيچ أسوي وهددتني تكتلني