قناص بغداد ( مهمة وطن )

المُـهمة الثالثة والثلاثين

#قناص_بغداد(مُهمة_وطن)

البارت الثالث والثلاثين

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

چان بوكتهه حَرب
والقادة نصحونا
الماينتبه ينكتل لاتنشغل بالمُضى ..
ضَلوا يذكرونا ..
بس ماسمعت الحچي
چنت أمشي وسط العدو
وبچفي احط صورته وأصفن على عيونه

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

الـجـازي ...

عاينلها ورفع حواجبه اتگرب صوبها وهي ارتدت الورا بحذر تحچي

-سُـمانه: لا تتخبل وتسوي شي تندم عليه

صك على اسنانه وگال بحقد
-صـيـاد: احرگچ واحرگ الدنيا وياچ سمعتي سُمانه احرگ الدنيا

گالت بـ أعتراض
-سُـمانه: مو بكيفك فهمت اخواني موجودين وأبويه موجود

دفر الكرسي وگال بقلة صبر
-صـيـاد: شلون راح تخليني اشعلها واشعل أبوها وأخوانها الخابصتني بيهم

صاحت
-سُـمانه: احترم نفسك عاد واطلع براااا غرفتي

سحب تليفونه الي چان مشمور على جرباية گال وهو مدري شيدور بالتليفون

-صـيـاد: سهلة هسه أريد أشوف شلون بعد يفكر بيچ سهلة وإذا فكيتي حلگچ وحچيتي حظچ اطيحه

فتح الباب باوعلي وگال بنترة
-صـيـاد: حماچ وين يشتغل

ظليت امتمت من الخوف ماعرف شتصرف عاط بيه
-صـيـاد: احچي ويهد شمالچ وين هذا الخنيثة شغله ؟

گلتله المكان وانه ميتة خوف خاف يسوي شي كضيته احچي
-الـجـازي: خايب خويه دگول يالله شتريد تسوي سالفة وانتهت وراحت

وخرني منه نزل وهو يحچي
-صـيـاد: لا ما تنتهي أعرف بيها ما تنتهي إذا محد وگفه عند حده هاي السالفة راح تطور

التفت عليه ورد گال
-صـيـاد: ديري بالچ تبلغين رجلچ لو عاشور اسويها ظلمة والله حذرتچ بعد

طلعت وراي سُمانه وهي تغمني وتگول

-سُـمانه: أنتِ غبية شلون تنطي المكان هسه يروح يتعارك ويا ويسويلنا سالفة

-الـجـازي: مادري مادري انثولت سطرني الحمزة ، هسه شلون خايفة احچي الديوان

كضتني تحچي بخوف
-سُـمانه: اگعدي لا تحچين خاف صدگ يحرگنا والله ماعنده مانع