قناص بغداد ( مهمة وطن )

المُـهمة الحـادية عشرة

#قناص_بغداد(مُهمة_وطن)

البارت الحادي عشر

بـقلـم: زيــنب عــلي

حبايبي لا تنسون التصويت + متابعة الحساب zainab_ali1الفقرات ♥️

Instagram: zainab__.ali1
TikTok: zeinab_.ali1

مو سهلة عندي من اعترف
واكسر قيود من الخجل
واتشاطر ويه الگلب
بس انه كلش مقتنع مو عاشگ الماينغلب
هية العلاقة المن صدگ
لذتهه شلعان الگلب

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

هـاشـم...

رفع رأسه وگال
-ديـوان: كلنا فداء للوطن نروح بس المهم يرجع العراق طير حر

-ونعم منك ديوان كملت مهمتك بنجاح وهواي طلعت فضايح عليهم لاتعد تگدر هسه ترجع الامريكا واذا تريد الكلية العسكرية العراقية تستقبلك وتطلع برتبه على تضحيتك القدمتها

-ديـوان: شكرًا سيادة القائد لكن اني ما اريد اكون ضابط اكو غيري يستحقون الرتب وبجدارة

بعد كلام قليل راح القائد وطب فدائي وطبيت ورا احچي

-هـاشـم: يعني هساع انت اسمك ديوان مرجان الدين ؟

-ديـوان: اي مو جاي نصيح من الصبح (دي دبليو ان) DWN واضحة ديوان

-هـاشـم: حلو أسمك زين عرفنا عنك شني ماشني

راد يحچي بس عينه صارت بموبايله طلعه من جيبه وفتحه ابتسم اخذه وگال

-ديـوان: هاشم انطيني مجال شويه وارجع واكملك منو اني

طلع مسرع صحت ورا
-هـاشـم: شنهي تعال شمَالك

-ديـوان: دوكف ياعيني خلي افضها واجيك

-هـاشـم: ديوااانننن

-ديـوان: بعدين بعدين

طلع وسد الباب انه هم گمت حضرت جنطتي واغراضي اشتاگيت المرتي صارلي ثلاث أيام ولتهيت عنها خوف بروحي خاف تزعل مني لان ما اروح بديت افكر اشتغل هناك مامش حمل فراكها ولا انه حمل اروحن واردن يوميه وهنا الشغل هم تعبان

𔓕𔓕𔓕

الـجـازي...

شفته دگ جاوبته بسع اياني صوته التعبان وگال بلا مقدمات

-ديـوان: ديوان مرجان الدين دخلت بين صفوف الامريكان وبديت اخذ منهم معلومات واصور ودخلت بمهمة وطن الي مكانتي بسبب عملي واحتياجهم الي جنت عايش بامريكا واجيت كمجند ضد بلدي مع الصفوف الامريكية تم اعدادي وتدريبي على التجسس هناك اليوم اني كملت المهمة واگدر ارجع الامريكا اليوم كملت مهمة الوطن