قناص بغداد ( مهمة وطن )

المُـهمة الثـانـيـة

#قناص_بغداد(مُهمة_وطن)

البارت الثاني

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

TikTok: zeinab_.ali1

Insta: zainab__.ali1

بس فدوه اروحلكم لا تخلون نقط وايموجي القصة تصير متطلع بالبحث 💋

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

للعصر كلش انفك عليه الباب ودش عليه أبوي درت ويهي منه بزعل

تگرب ليه وگال
-شـمخي: تغتاضين من أبوچ يكحلة

-كـحِيلـة: چا شنهي تريد تنطيني غصب أنا وحيدتك ومدللة گلبك وهيچ تحبسني يومين شلون انطاك گلبك تگعد على الزاد وانه موش حدك

-شـمخي: صارلي يومين ما مجابلهم على الزاد چيفنچ مامش

-كـحِيلـة: توكدت مني ماعندي شي

گلتها وانه مغتاضه
-شـمخي: هكو احد يتوكد من حشاشة گلبه

نزيت من مچاني حبيت رأسه وأنا اگول
-كـحِيلـة: بعد گلبي بويه بس گلي هديت سالفه العرس

فر سبحته وگال ببتسامة بشوشة
-شـمخي: لجل عينچ ألف عين تكسر هديتها

-كـحِيلـة: وأمي هسه شيسكتها

-شـمخي: مالچ غرض بامچ

گالها وهو يطلع من الحجرة گمت من مجاني عاشور نايم سوده عليه ضل مرافجني مايرضى يطلع ولا انه اهون أطلعه اخاف عليه من حياية الغصر بدلت ثوبي وتخيرت غيره واحد كله لير من امشي يخرخش جريت كحل وطلعت من الحجرة اعاين النسوان كامن يتهامسن ردت اطلع للحديغة مالتي صاحت أمي

-خـزامـة: كحِيلة

انداريت عليها
-كـحِيلـة: ها يمه

تگربت ليه دفعتني حيل وطلعتني من الباب للحديغة وهي تحچي
-خـزامـة: سويتي البراسچ يبت بطني

كضيت زندي وگلت بألم
-كـحِيلـة: اخخ شنهي يمه متحاملة عليه شنهو البراسي

-خـزامـة: تغشمين روحچ عليمن تطلعين بت ابوچ ماينوخذ منچ لا حگ ولا باطل لچن اريدن اگللچ هالچلمة وتعرفين من اگولن شي مايتَثنه

تگربت عليه تحچي بفحيح وغيض
-خـزامـة: للنشمي ماتصيرين يو يبقى آخر يوم بعمرچ ماتصيرين اله حتى وانه تحت التراب مااخليچ تصيرين اله