قناص بغداد ( مهمة وطن )

المُـهمة السادسة عشرة

#قناص_بغداد(مُهمة_وطن)

البارت السادس عشر

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

لحَد الآن ،
أحَسك عَايش برُوحِي
لحَد الآن واحَچّي
بصَيغة المَوجود
مَو بالچَان
ولحَد الآن ما ناسَيك
على گَد المَحَبة
يطَول النِسّيان
شلون أنسَىٰ يناسِيني ؟
المَواقِف وگَفت بگلبّي
قبَل لا تُوگّف بعِيني .

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

الـجـازي..

دموعي نزلت على كيفي وگلت

-الـجـازي: مابينا شي بس انه وعاشور خوان من الصغر رابين سوه وخايف علي يسميني عزيزة عيوني هو اگرب ليه من أمي وأخوي وحتى من المزن الله يرحمها لهيچ تشوفنا متأثرين أكثر شي هاي أول نوبة افترگ عنه

اعاين له ملامحة ردت طبيعية ورخه لزمة ايدي هز رأسه وگال

-ديـوان: تمام فراتي يالله خلي نروح

تصافح ويا عاشور وگله

-ديـوان: بعيوني اخليها طلعت منك عزيزة مكرمة وببيتي اخليها ملكة لا تخاف عليها مقدر وضعك وخوفك

طبطب على ايده بالأيد الثانية وابتسم اله
هز رأسه عاشور ساكت عيونه كل مشاعر مابيها حسيته خالي

مشيت ويا ديوان تحت صوت الأغاني والهلاهل وصعدنا بالسيارة بس استغربت هو يسوق وگعدني اليگدام حچيت وانه امسح دموعي

-الـجـازي: شنهي حتى بهاي مخالف غير سايق يسوق وأمك وأمي يركبن ويانا

-ديـوان: وبعد أبو صالح جوارينكم ما تجيبي اكعده بنصنا شكو هو نروح نصور همَ يرحون للقاعة بس سُمانه وهَمم يجن ويانه خاف تحتاجين شي

سكتت درت ويهي منه گلبي مقبوض وبالي يم الراح وحجايته دگ بضلوعي خاف صدك يأذيني ديوان ومنهو الي بعده صح صياد موجود لچن صياد نصحني واكثر من مره كال وحچه وحذرني عاينت عليه صفنت بي شويه وگلت بصوت مهضوم

-الـجـازي: شلون اخليك ما تخذلني

عاين ليه نصدم بالبداية بس بعدين تبسم وسحب ايدي وباسها