قناص بغداد ( مهمة وطن )

المُـهمة الثانية والثلاثين

#قناص_بغداد(مُهمة_وطن)

البارت الثاني والثلاثين

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

أنتِ حركتي البحر من بعد سكته
أنتِ حليتي الســؤال المــا عرفته
أنتِ خليتي النجم بيعوني يلتم
والنجم مو هينه لمته

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

الـجـازي ...

من سمعت يامن يريد يخطب سُمانة نسيت كلشي شهگت بصدمة حطيت أيدي على حلگي وانه مصدومة من الجاي أسمعه

-الـجـازي: صخام الصخمني يمه لو يدري صياد يسويها عليه كربلاء ويعيد حتى انه يطلگني من ديوان

سمعت حس ديوان گال بأعتراض
-ديـوان: يعني هسه أنتَ من كل عقلك تردهم ينطوك وأنتَ متزوج وعندك أطفال تخطب البنت على أيَّ أساس وشنو هاي الثقة العندك ومتأكد ينطوك هو اني وبالگوه أنطوني بالف يالله نوب أنتَ لا تفشلنا ويا الناس اگعد واسكت

-يـامـن: ليش شبيه اني ومينطوني وأن كان عندي اطفال وبعدين تحسسني عشرة هي بس وحدة وعفاف إذا طلب الأمر اطلگها علمود سُمانه وأنتَ تعرف كلش زين جبروني عليها لو نسيت

صاح بي بحدة
-ديـوان: طبك مرض أنتَ وعفاف بس الطفلة شنو ذنبها طبعًا خلف وذب وبعدين هي بس وحدة تحچي وكأنك مستسهل الأمر ليش هاي مو روح هاي مو أمانه عندك تظل مشتته طول عمرها بينك وبين أمها وتبقى فاقدة جو العائلة وخلفتها وأنتَ ماتحب مرتك شنو ذنبها تظل الطفلة تعيش صراعات ويا نفسها بسبب مشاكلكم الي صير گبالها وأنتَ ولا همك تحچي مترهي اطلگ واتزوج وهي هم تگول اني شابه واتزوج ومحد يطيح بيها غير الطفلة

گال بضوجة وهو ينكت بـ ايده بوجهه ديوان
-يـامـن: اهووو گلبها محاضرة البنية اريد اخطبها وهاي هي

جر ايده ديوان ولواها ورا ظهره
-ديـوان: احترم نفسك وتأدب من تحچي وياي مو تنتر بوجهي وتشومر بيدك اكسرها واعلگها برگبتك مو أصغر جهالك اتعلموا تحترمون الچبير مو جهال وأعلم بيكم

حاول يسحب أيده وهو يگله
-يـامـن: آسف ديوان ما قصدي إنتر بوجهك بس البنية أحبها واريدها وأنتَ ظلمتها بوجهي طلعت لا إرادي

عاف أيده بنترة وتجه روحه
-ديـوان: وأنتَ شعرفت منها وتحبها وين شايفها كلها مرتين أحبها شنو