قناص بغداد ( مهمة وطن )

المُـهمة الـرابـعـة

#قناص_بغداد(مُهمة_وطن)

البارت الرابع

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

أمس زرت السوالف والمواعيد
بعدهن عالجرف كلشي بمكانه
نظراتك
لهفتك
عرگة الأيد
خوفك لا عيون تطب سمانا

ونار أشواگنا الما تقبل أتهيد
وبير دموعنا وصحرة لقانا
أنتَ گبال عيني وچنك ابعيد
أكيد وي البعد يكبر هوانا...

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

ضليت صافنة وأبوي تگرب يحچي وشفته تريف (ترجف)

-شـمخي: بنيتي

دموعي هلنن من شفت صهْيب ورا متحزم تحزم فاتح وثوبه الأسود ولاف غترة الحزن على ويهه

صرخت ووگعت بالگاع

-كـحِيلـة: اويلي عليك النشميي صحبانك تحزمواا على موتك ما عشت بگاع مابيها النشمي ولكك ليش هيچ سويت يا ابويه كتلت روح بنيتك ويتمت أحفادك ولَك بويه شلون طاوعك كلبك دم النشمي يطشر على ويه جهاله ولَكم النشمي راح راح الهيبة وصدر الديوان ولَك بويه وروح الما رتاح بكبره افني ولدك واحفادك اطفي بيتك بليلة ظلمة وروحه وحگ ابو الحسنين الا اشعل نار بگلوبكم وحگ دم النشمي التطشر بويهه جهاله الا ايتم الفروخ اورمل النسوان وبجادر فاتحتكم ما تنطفي ناره

صرت ابچي حيل وصهيب تكرفص وصار ينحب ويضرب على رأسه

طببني أبوي شبكني حيل وثغب بگوه
-شـمخي: يكحله ما أدري بيهم وعيونچ وحگ النشمي صدر ديواني ماعَرف لگوچ وعرفوا أثرچ ولچ شلون اكتلنه وانه بيدي سلمتچ اله شلون اكتلنه وانه الخليته يملچ عليچ شلون اكتلنه ومن عقدتي انه موجود مالي سلطه عليهم ولا اعَرف بيهم عرفوا مجانچ

صفنت استوعب حجايته يعني ابوي يعرف بيه وهو جان موجود بيوم العقد وخرت من حضنه احچي بصدمة

-كـحِيلـة: شنهي موجود بعقدي وأنتَ زوجتني للنشمي

هز راسه بحسره ودموع

-شـمخي: مالگيت الاحسن منه يأمن عليچ

-كـحِيلـة: مافهمت شي من حچيك بويه

-شـمخي: بيوم الشردتوا واييت واركم للگراج شفتكم وفرزنت السيارة عدل وطلعت وراها بس انه وصهيب واندليت مچان النشمي ومن طلع كضيته وحجيت ويا واتفقنا بيومها انه رضيت بزواجكم وهناك انه ماگدرت لا على خوانها ولا على عمامها لهذا هو جدد العقد وملچ عليچ نوبة الثانية بوجودي وموافغتي
لاتحمليني ذنب موته ماعرفت الا من صهْيب سامعهم يگولون غسلنا عارنا