قناص بغداد ( مهمة وطن )

المُـهمة الستون

#قناص_بغداد(مُهمة_وطن)

البارت الستون

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

ناشدت كل روجة عنك
كل جرف كحلت عينه
وسألت كل الشواطي
بلگت تجيبك سفينة
ولا سفينة ولا قطار
وخلصت عمري أنتظار

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

سُـمانه ...

أستغربت منو هاي وليش كلها گامت من دخلت شهگت بصدمة وخليت أيدي على حلگي من عمتي كالت بتفاجأ وصدمة

-كـحِيلـة: يمه شجابچ هنا

طبت وهيبتها تسحر شخصيتها طغت بالمكان تشبه عمتي شويه تمشي و تدك بعوجيتها بحزم

-خـزامـة: كملي فاتحة ريلچ وبتچ وبعدين الكل حادث حديث

دخلت الداخل البيت جوة وما گعدت بالفاتحة نكتت رأسها عمتي ورجعت گعدت يم النسوان مر وقت وطلعت الملا
رحنا اني وبنات خوالي وخالاتي حتى نوزع للعالم أكل جايبين أكل هيچ بصحون تمن ولحم وهاي الأمور مال المناسبات صرنا نوزع ونعزب والجازي وعمتي كحِيلة وكانهم مو ويانه صافنين وبس دموعهم تصب

لحد ما خلصنا كلشي وصارت الناس تطلع
وعمتي بقينا گاعدين يمها لحد آخر مرآة طلعت ما يصير نعوفها سدينه بابنا وبعدها بديت انظف البيت لأن نهجم هجم الفاتحة ضخمة وثگيلة هواي ناس اجت تعزي

جاي اغسل بالوصله مال المسح شفتها طلعت من الغرفة باوعتلي بضيق و گالت بحزم

-خـزامـة: تعاي جاي شسمچ وأنتِ ياهو ؟

گلت بثقة ونفس الأسلوب
-سُـمانه: الصيدلانية سُمانه بنت خزعل الصغيرة واخت عاشور وسُطام وزوجة صياد

أبتسمت بشماتة ودگت عوجيتها بـ الأرض ومشت بتجاهه الصالة
-خـزامـة: بنت خزعل مرت صياد النشمي أيَّ ليش لا هو هيچ الوكت

مشيت غسلت ايدي على السريع أريد أروح الها أندك الباب باوعت بحقد وجريت حجابي بعدني بداية باب المطبخ ما حسيت إلا سُطام طفر من فوك الباب وفتح الباب رفسه عاشور ودخل

ودخلوا بس مبينين هلكانين من التعب يعني وجوهم أحمر سُطام رجع طله عاشور وصياد دخلوا اباوع عليهم الدكم مال الدشاديش مالتهم مفتوحة وصدرهم ازرك وصياد احسه مثل الفاقد ساند على عاشور

گلبي وگف من الخوف أتقربت واني احچي برعبة
-سُـمانه: شنو عاشور شبي صياد

گال وهو يسنده
-عـاشور: لا تخافين بابا ما بي شي شوية تعب