قناص بغداد ( مهمة وطن )

المُـهمة السادسة والستين

#قناص_بغداد(مُهمة_وطن)

البارت السادس والستين

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

كلشي بالدنيا حلو يذكرني بيك
ياخسارة عُمري يالمالك عَوض
وكت أسمك اسمعه من الغَريب
گبل أسمك اسمعه من النَبض
انت خِلي وكسِرتي ونجمي البعيد
انت يقرونك عَلي وگت المَرض .

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

مشاعل ...

حضني حيل يهمس
-سُـطام: حبيبي فتحي عيونچ وشوفي انه منو

ابتعد عني وهو يتنهد باوعلي وميل رأسه مجرد ما فتحت عيوني وشفته استوعبت هذا هو گبالي سحبني بحضنه

-سُـطام: هاي هي اشش بلاها يروحي مو مهم أرتاحي تعبتي گلبي أنتِ

نزلت دموعي على العجز الي اني بي ما اگدر انطي حقوقه والمفروض بهذا اليوم ما اضوجه او احسسه بشي واني بديتها ويا بخوف وصياح

مسد على شعري خلاني بحضنه باس رأسي وهو يحچي
-سُـطام: اششش يلا حبيبي نامي وارتاحي شو غمضي عيونچ اليوم هواي تعبتي

رفعت راسي وباوعلي ودموعي ينزلون بدون ما اسيطر عليهم

-مشاعل: ما كرهتني مو ، آسفه سُطام مو بيدي

ضحك بخفه وسحب باكيت الجكاير وباسني برقة
-سُـطام: أكو وأحد يكره روحه من الدنيا اكو واحد م ايحب أميرة گلبه عادي يروحي هاي الأمور أشياء ثانوية بالعلاقة مو أساسية قابل نهاية الدنيا يا عيني إذا مو اليوم باچر وإذا مو باچر بعد سنة المهم أنتِ الي وبأسمي والعمر گدامنا أن شاء الله

مسح دموعي وباس عيوني حاوطت خصره وحضنته حيل حسيت بالبرد مد ايده على شعراياتي يلعب بيهم

-سُـطام: شنو هذا شعر غزولة طلع صدك كلش نفس شعر غزولة كيرلي واشگر

أبتسمت واني احچي
-مشاعل: أيّ أوي حبيبة عمتها تشبه شعري كلش

ضحك وگال
-سُـطام: من زود المحبة بينچ وبين أمها

ضربته على صدره بخفة
-مشاعل: اهووو شقصدك يعني شقصدك

نزل المخاديد ونومني على ايده وحضني يحچي بتعب
-سُـطام: قصدي حياية بيت الهدوء وناقصكم الوردة وتصيرن تنگطن سم مادري وين نهج انه واخوتي من تجمع الحياية الراح يصير عدنا بس يلا همزين ما يطلع السم مالتچن إلا من تتجمعن سوية