قناص بغداد ( مهمة وطن )

المُـهمة السادسة والثلاثين

#قناص_بغداد(مُهمة_وطن)

البارت السادس والثلاثين

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

شَنفضهِن نفض شو كِلهن آلتمن
لاعطوه النِطني ولا رضَن يهِدن
شكِثر أسهام كلهن فَد وكت هدن
سَهم وداع، سَهم أوجاع
وسَهم ذاك العِزيز الصَار جوه الگاع
وسَهم عُمري وشبابي الضاع
وتاليهن العوز الاكل بيه أضلاع
شَنفضهِن بَعد ونَيابهِن حَدن

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

الـجـازي ...

ويا حچايتها دشت سُمانه وظل باب البيت مردود صاح صياد متفاجأ

-صـيـاد: شنهي ما سمعت عدل حامل منين أنتِ بلا عيدي ؟

رفعت عينها بعينه بكل كبح گالت
-أديـان: منك وبالحرام !

گال عاشور برود وهو يعاين الها من فوك الجوة
-عـاشور: أنتِ تحبلين ومن صياد روحي سولفيها على أهلچ الزواج هاي السوالف تمشي عليهم ما تمشي علينا ؟

گالت بثقه وهي تجتف ايديها الصدرها
-أديـان: وأذا أثبتت الكم صحة كلامي بالدليل وتحاليل هم راح تچذبوني وما تعترفون بـابنكم الي بطني ؟

-كـحِيلـة: تخسين أنتِ وعشرة منچ يا أدب سز أبني تربيتي ما يجيس الحرام ولا يتگرب اله وخاصة وياچ أنتِ وأنتم آخر ناس بالدنيا يفكر يوصخ نفسه بقذارتكم وكل حجيچ چذب

فتحت جنطتها ومشت بدلع لحد عاشور وفتحت التليفون وحطته بيده

-أديـان: تگدر تتأكد بنفسك عم أبني

فتح عاشور الفديو وتقرب يمه صياد وهاشم وسُطام الصوت عالي طلعت أصوات أستغفر الله تخزي فتحوا عيونهم بكل وسعها

هجم عليها صياد سحلها يحچي
-صـيـاد: هاي شني هاي شلون سويتي هيچ فيديو وتردين تقنعيني هذا انه الوياچ والفيديو ما مفبرك مستحيل يا وصخة تحلمين انه اتگرب الچ وانجس روحي بيچ

كضت ايديه برقة وسط ذهول وجوهنا وگالت
-أديـان: هذا واقع حبيبي لا تنكره گدام أهلك ومالنا علاقة بالثأر البين أهلي وأهلك عادي هواي ناس بين أهلهم ثارات وهما يحبون بعض أعترف بيه انه وأبنك بدون ماتنكر كلشي عندي بالدليل القاطع