قناص بغداد ( مهمة وطن )

المُـهمة الثامنة والخمسين

#قناص_بغداد(مُهمة_وطن)

البارت الثامن والخمسين

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

‏عـليش تعيش؟
‏إذا ماتلگـه شي يفهم حـچـي عُـيونَك؟
‏وعـليش تعيش إذا هيه الـجروح مِـن اليحبـونك.....
‏على كـسره خاطري اعذر من؟
‏الفـراغ البـيه شيسـده؟
‏النساني ودار وجهه
‏بگـلبي عنده مچان الدم ما گاعـد بگده ..!

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

صـيـاد ...

وگف كلشي ما گدرت أستوعب الي گاله حچيت وانه غير مدرك شمعنى هاشم شعليه بالموضوع
-صـيـاد: شني هاشم يكتلونه

بسرعة عاشور سحب تليفونه ما اعرف شيدور بي وايده ترجف وانه اعاينله وبعدني ما طالع من صدمتي هاشم شعليه هو احنا ما يدخل بينا إذا ما إحنا نحچي گوة مو نوب يدخل بـ گصايب

حط تليفونه على أذنه وگال وهو يمشي مستعجل
-عـاشور: وراي صياد بسرعة الظاهر اللعب صار بي إجرام وگصايب تريد صدك تصفينا كلنا

-صـيـاد: شجاي تسوي على منو تتصل

-عـاشور: حيدر خلي يروح يوفر حماية لـ هاشم چا يموت وما نلحك نوصله على الأقل هناك واحد يحمي إذا مات لا سامح الله شگول للمزن وهو وصيتها

مشيت ورا وخابرته بسرعة بس دگ رد عليه
-هـاشـم: هلا صياد

صحت بي من خوفي عليه
-صـيـاد: أنتَ وين

گال بـ أستغراب
-هـاشـم: بالشغل جاي افتش شكو !

-صـيـاد: هاشم ظل بمكانك داخل الإمام دير بالك تطلع لحد ما يخابر عليك رقم راح ادزلك اياه هسه هذا يدخل يمك للإمام يالله تطلع ويا فهمت لا تتحرك خطوة وحدة

-هـاشـم: غير افتهم ليش شكو شنو صاير ؟!

نترت بي
-صـيـاد: هسه وكتها هاي اسئلتك نوصللك ونفهمك جماعة گصايب يردون ينفذون بينا عمليات قتل وأحد وأحد الكل مستهدف دافعة فلوس بگد عمرها مرتين بس حتى انتكتل وأنتَ جاينك جماعة يعني حتى أنتَ مستهدف