قناص بغداد ( مهمة وطن )

المُـهمة الثالثة والخمسين

#قناص_بغداد(مُهمة_وطن)

البارت الثالث والخمسين

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

گالوا بيك ناسينَه؟
‏گالوا مِن ذِكَرنه إسمَك خطف سَكته
‏ولا لِمعَت عَتب عينه

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

سُـمانه ...

انخبص صياد فد مرة راح يلتقي بجدة مهيوب ويروح منا ويجي منا أخير شي سمعته يگول

-صـيـاد: فد نص ساعة ويجي أيّ يالله تعال بسرعة

رجع دخل للغرفة وعمتي دخلت ويا رحت وراهم وگفت بالباب طلع أوراق وگعد يهز برجله بتوتر ويقرأ بيهم وعمتي گعدت بصفه تطبطب على ظهرة وتحچي ويا بهدوء

-كـحِيلـة: على كيفك يا يمه شمَالك موتت روحك صدك چذب هو جدًا محترم وراح يتفهم الموضوع ما يحتاج كل هاي الخبصة

گال الها بقلق ممزوج بعصبية
-صـيـاد: بس انه جاي اگلله انه إبن إبنك المكتول هذا الي راح يجي بعد نص ساعة إذا ما اعترف بالنشمي أبوي إبن اله ثاري كله يدمر ثاري كله يروح الي اشتغلت عليه سنين يگدر يضيعة بكلمة هذا مو أبني

جرت نفس وزفرته بقلة حيلة
-كـحِيلـة: وكل الله يمه ماضاقت هاي السنين كلها إلا و افرجت

هز رأسه بقبول ويهز برجله بتوتر ويمسح على جبينه بقلق حسيت بي بهاي اللحظة صياد عايش أكبر صراع بداخله خوف ، قلق ، ترقب ، انتظار ...

شويه وشفت دخل عاشور ودخل مهيوب وراه سديت الباب وركضت ورا المطبخ الشباك مالته على الإستقبال صاير دفعته على كيفي شويه بس حتى يوصل الصوت واكدر اشوف بمقدار قليل

-مـهيـوب: السلام عليكم ...

ردوا عليه كلهم السلام من شاف صياد اتسعت عيونه بصدمة ورتد لزمة عاشور لان جان قريب منه

گال بصوت خافت ويرجف عرفت ليش هيچ تخربطت أحواله من شاف صياد بسبب الشبة الرهيب بينهم صياد ومهيوب عبالك واحد بالحاضر والثاني صياد كبير جاي من المستقبل

گله بصوته اليرجف
-مـهيـوب: صياد مو ؟

اتقرب صياد ونزل على ايده باسها وگال بـ أبتسامة هادئة
-صـيـاد: هلا بيك يدي (جدي )

سحب ايده منه بسرعة وگومة وسط الذهول الي عم المكان گعدوا كلهم

گال مهيوب بثقة وصرامة
-مـهيـوب: تفضل صياد ثبتلي أن أنتَ إبن أبني