قناص بغداد ( مهمة وطن )

المُـهمة الثامنة والأربعين

#قناص_بغداد(مُهمة_وطن)

البارت الثامن والأربعين

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

انجرح بس ابقى بمكاني اتعافى
‏الوطن ميسافر لواحد عافه ...

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

صـيـاد ...

خط الدفاع الاول ..

كل ما تتمشط المنطقة مهمة محاصرة المنطقة الي بيها داعش تصير أقرب وجهد أكبر
اعاين على عاشور محظر روحه على اتم وجه

حظر اسلاحة وراد يطلع كضيته احچي
-صـيـاد: شمَالك راكض للموت برجليك ريض ريض خليني اخلص البيدي

گعد بالگوة تطلع منه الحچاية بدون ما يباوعلي
-عـاشور: الموت أولى من حياتي هاي صياد

گعدت يمه احضر بـ الأغراض الي أحتاجها
-صـيـاد: شمَالك ما ناوي تحچي وتفتحلي گليبك شنهي چا من يمتى تضم على عضيدك موش سرنه واحد؟

باوعلي بقهر وجهة تعبان حيل لـ أول مره اشوف عاشور هيچ مختنك وتعبان لـ هاي الدرجة

-عـاشور: ماكو شي عضيدي هاي هي ماكو شي

استغربت حيل شنو الشي الي هيچ مأذي بحيث حتى الي ما جاي يقبل يحچي

طلع وطلعت ورا فرش المخطط و گعد يوجه الكل شلون راح نتقدم وين نقاط الضغف ويحدد الأهداف الكل عرف شغلة ومواقعه لبسنا الدروع و صرنا جاهزين للحرب

وگفنا انه وعاشور ومصطفى بالخط الأول حتى نصعد بالدبابات والهمرات

التفت مصطفى على عاشور وگله
-مصطفى: عاشور ليش ما لابس درعك صدگ تحچي يمعود ترى هاي عمليات تحرير مو لعب البس درع

عاين عليه وضحك رفع رأسه وگال
-عـاشور: منو يطخني وصياد بـ ظهري ؟

أبتسمت على ثقتة بية وحلفت يمين قسم ماتمر عاشور المنية طول ما النفس يصعد وينزل بصدري

-صـيـاد: طب بزودك و انه بظهرك عضيدي

صاح بصوت عالي
-عـاشور: يالله ولدي نروح نطلع الحية من زاغورها ونگص رأسها ببركة الصلاة على محمد وآل محمد تقدم .

بدأ الفوج بالتحرك لتحرير منطقة من مناطق داعش وكالعادة القائد يخلي عاشور بالخط الوسط بس ما نشوف غير عاشور بكل مره يتقدم وصار الخط الوسط بالمقدمة