أستيقظ فهد وتوجه إلى الصالة ليتساءل بغضب ويقول:
-" مين طفى عليا التكييف وأنا نايم ".
جاء والده من الخلف ليقول وهو يمسك بيده كوب شاي يرتشف منه:
-" أنا يا فهد، ليه ".
ألتفت له فهد بكامل جسده بفزع، ثم قال بخوف:
-" مفيش حاجة يا حج بس كنت بستأذنك يعني لما تقفل التكييف تفتح المروحة لو ينفع ".
جاءت والدته من المطبخ أثر كلماته وقالت بغضب وهي تنظر له:
-" أنت عارف الكهربا جاية كام الشهر دة؟ ".
نظر لها والد فهد وقال بصوت مرتفع:
-" سيبيه ياختي هو غرمان حاجة، بكرة لما أموت يبقى هو يدفع الفاتورة ".
ربتت والدة فهد على كتف زوجها وقالت بحُزن:
-" بعد الشر عليك يا حج إن شالله اللي يكرهوك ".
جز فهد على أسنانه بغضب ثم وسن يقول بحنق:
-" بعد الشر عليك يا حج مكنتش أقصد، بس بكرة لما أموت أنا من الحر محدش يبقى يزعل ".
نظرت له غزل شقيقته وقالت متسائلة بسخرية وهي تقوم بعمل شطيرة من أجلها:
-" مالك يا فهود متعصب كدة ليه ".
ألتفت فهد لينظر إليها ويقول بحنق:
-" أسكتي أنتِ خالص وخليكي في الوكسة اللي أنتِ فيها، قومي ذاكريلك كلمتين بدل ما أنتِ مخلصة أكل البيت كدة".
تناولت شطيرتها ووسنت تقول وهي تنظر له متجاهلة كلماته:
-" أعملك ساندوتش جبنة؟ هعملك ".
بالجامعة، كانوا يجلسون جميعهم مع بعضهم البعض، حتى جاءت إليهم دارين، فنبس حاتم يقول بأسف:
-" معلش بقى يا دارين على سوء التفاهم إللي حصل أمبارح دة ".
حاول عمر كتم ضحكاته وقال مُبتسماً:
-" بس مش بذمتك عملنالك جو في العيد ميلاد ".
كان قاسم ينظر لها ولا يتحدث وكذلك هي، حتى وسنت تقول مُبتسمة:
-" لا عادي ولا يهمكم أهم حاجة أنكم كويسين ".
قالتها بهدوء، ثم ذهبت لتجلس بجانب قاسم وتقول متسائلة:
-" أنت كويس ".
نظر لها قاسم وقال بسخرية وهو يضحك:
-" أه بس وشي متخرشم شوية زي ما أنتِ شايفة كدة ".
BINABASA MO ANG
أليف الروح
Adventureشعور أحمد خالد توفيق عندما قال "معني الصداقه الحقيقية أن أراك جديراً بأن أئتمنك على جزء من كرامتي". يقولون تألف الروح بمن تُحب، من الممكن أن يكون المُحب صديقاً أو حبيباً. هُنالك أشخاص مثل الأوطان الصغيرة، أحياناً يكون المُحب صديقاً وأحياناً أُخرى يك...
