أجتمع الأصدقاء جميعهم كعادتهم ومعهم قاسم الذي يحادثهم من الهاتف، فأردف قائلاً بضيق:
-" طيب يا جوري أنتِ متضايقة ليه دلوقتي ".
كانت جوري تجلس عاقدة ذراعيها، لتُجيب بحُزن وهي تنظر للهاتف:
-" علشان مش هتحضر الخطوبة، أشمعنى تحضر فرح فهد وفدوى ومتحضرش خطوبتي ".
نظر لها عمر ليقول مُذكراً إياها وهو يضحك:
-" باربي لو مش واخدة بالك ف قاسم هربان مش بيتفسح ".
أردفت فدوى تقول بنبرة هادئة:
-" وبعدين إحنا هنصورله كل حاجة وهيبقى معانا طول اليوم، دة عمر مش هيسيب تفصيلة ".
تنهد قاسم ثم أردف يقول بإبتسامة على وجهه:
-" والله لو عليا أجيلك من دلوقتي وأنتِ عارفة حاجة زي كدة، بس صدقيني في فرحك هكون أول الحاضرين، وخلاص هانت كلها أسبوعين وأجي علشان فرح فهد وفدوى ".
توسعت حدقتي جوري لتتساءل بغضب قائلة:
-" أنت كمان بتفكر تحضر فرحي ولا لا! ".
تأفأف حاتم ليقول بحنق وهو ينظر لها:
-" يا جوري هو مش فاروق علشان تتعاملي معاه كدة".
ضحك قاسم ثم قال وهو ينظر لها:
-" أنا قصدي إني هحييلك الفرح بتاعك، وهنعملك حتة فرح محصلش، ها .. مرضية ".
تنهدت جوري ثم أجابت بإبتسامة صغيرة على وجهها:
-" ماشي، مرضية ".
نظر لها عمر بإشمئزاز ليردف بحنق:
-" يا ستار يارب على نكد البنات ".
ضيقت فدوى عيناها لتتساءل بنبرة حذِرة قائلة:
-" مش سامعة يا عمر، سمعني بتقول إيه ".
أردف عمر ببرود وهو ينظر لها:
-" مش بقول، وأه صح .. أنا شكلي كدة هترفد من الشغل".
وسن فهد يقول بغضب وهو ينظر له:
-" أنت لحقت، دة مبقالكش أسبوع في الشركة ".
أردف حاتم هو الآخر يقول بفس النبرة الغاضبة:
-" يابني دة أنت تحمد ربنا أنهم قبلوك، دة أنت حاصل على بكالوريوس بصمجة في البرمجة".
رفع عمر حاجبيه بإعجاب ليقول وهو يضحك:
-" تصدق حلوة، هبقى أقولها لمُنمُن هتضحكها ".
نظر له الجميع بتعجُب أثر بروده، ليتأفأف عمر ويقول بضيق:
-" يا جماعة أفهموا، أنا أول يوم دة أتعرفت على أغلب إللي هناك، ومن ضمنهم بنت مستر مؤمن مدير الشركة وصاحبها، أنا بقى قولتلكم أن المدير دة رخم وكِشري، روحت بقى قولت الكلام دة لبنته وأنا معرفش أنها بنته ".
YOU ARE READING
أليف الروح
Adventureشعور أحمد خالد توفيق عندما قال "معني الصداقه الحقيقية أن أراك جديراً بأن أئتمنك على جزء من كرامتي". يقولون تألف الروح بمن تُحب، من الممكن أن يكون المُحب صديقاً أو حبيباً. هُنالك أشخاص مثل الأوطان الصغيرة، أحياناً يكون المُحب صديقاً وأحياناً أُخرى يك...
