Unicode
ရိပေါ်ပါးစပ်ထဲကဇွန်းကိုဆွဲထုတ်ပြီး သွားလေးစိကာရီပြလိုက်၏။
" ဟီး...မြည်းကြည့်အုံးမလား "
ဝမ်ဟိုင်ချန်သည် သူ့အားဘာမှမပြောပဲ ကျော်သွားပေမဲ့ ဝမ်ဟိုင်ထန်ကိုတော့ စတင်ဆူတော့၏။
" မင်းအကြီးဖြစ်ပြီး ကလေးကိုဖျက်စီးနေတာလား ၊ ထမင်းစားချိန်ကိုရေခဲမုန့်ကဘာလို့စားနေတာလဲ။ စားနေတာကလည်းကုန်တော့မယ်။ မင်းတနေ့တနေ့အခန်းထဲနေပြီး ဂိမ်းပဲဆော့နေတယ်။ မင်းကုမ္ပဏီကိုမလိုချင်တော့ဘူးလား "
" ကိုကြီး! ကိုကြီးအဲ့လို ပွစိပွစိလုပ်နေလို့ မိန်းမ မရတာသိလား။ မိန်းမ မပြောနဲ့ချစ်သူတောင်မရှိဘူးမလား။ ကိုကြီးရဲ့ဒီအကျင့်နဲ့ မိန်းမကြီးကျနေတာပဲ "
" ဘာဖြစ်တယ်! ဝမ်ဟိုင်ထန် သိပ်သတ္တိကောင်းနေတယ်ပေါ့ "
" ကျွန်တော်ပြောတာမှားလို့လား။ တနေ့တနေ့ဆူပူကြိမ်းမောင်းနေတာချည်းပဲ ကိုကြီးအဲ့လိုပုံကိုဘယ်သူကြိုက်မှာလဲ ဟွန့်! "
ခွီ!
ရိပေါ်သူ့အကိုတွေရန်ဖြစ်တာကြည့်ပြီးမနေနိုင်တော့တာကြောင့် အသံထွက် ရီမိသွားသည်။ သူ့ရီသံကြားတော့ အကိုနှစ်ယောက်လုံး သူ့ဘက်လှည့်လာတာကြောင့်။ မျက်နှာပိုးသတ်ပေမဲ့ သတ်လို့မရပေ။ အောင့်ထားလေပိုရီချင်လေဖြစ်တာကြောင့် နှုတ်ခမ်းကိုက်ထားရလေသည်။
" ရီတယ်ပေါ့လေ လာ လာ လာ "
ရိပေါ်နဲ့ ဟိုင်ထန်ထိုင်နေသည့်ကုတင်ပေါ် ဟိုင်ချန်ပါတက်လာပြီး ရိပေါ်ကိုကလိဝိုင်းထိုးကြလေသည်။ ရိပေါ်လုံးဝသည်းမခံနိုင်တော့တာကြောင့် တဟားဟားအော်ရီရင်း ခေါင်းရင်းကခေါင်းအုံးနဲ့ သူ့အကိုတွေကိုရိုက်လိုက်၏။
သူ့အကိုတွေကလည်းခေါင်းအုံးတစ်လုံးစီယူကာ ပြန်ရိုက်တာမလို့ ကုတင်ပေါ်တွင် ခေါင်းအုံးရိုက်ပွဲကြီးကို တပျော်တပါးကြီးကျင်းပနေကြတော့၏။
ရိပေါ်ကိုတော့အားသုံးကာမရိုက်ကြပေမဲ့ သူတို့အချင်းချင်းတော့ ပယ်ပယ်နယ်နယ်ချနေကြတာကြောင့်မလို့ ' သေအောင်ရိုက်ကြမယ်ဟေ့! ' ဆိုပြီးကြွေးကြော်ထားသလားတောင်ထင်မိသွားသည်။
YOU ARE READING
ဒီယောက်ျားနဲ့ ကွာရှင်းမှဖြစ်မယ်
Fanfictionငါ -ိုး!!! အိပ်ယာက နိုးနိုးချင်း ယောက်ျားရသွားပြီ!!!
