Unicode
အခန်းထဲကိုတိုးဝင်လာတဲ့ နေရောင်ကြောင့် ရိပေါ်မျက်လုံးတွေကျိန်းသွားရပြီး အိပ်ယာကနေမထချင်ပဲထလာရတော့သည်။
ညကသူ ဝရံတာတံခါးမပိတ်မိဘူးထင်၏။
အရမ်းပင်ပန်းလွန်းတာကြောင့် ရှောင်းကျန့်နဲ့ Video call ပြောပြီးပြီချင်းအိပ်ပျော်သွားတာဖြစ်လိမ့်မည်။
ဘေးမှာချထားတဲ့ ဖုန်းကိုယူကြည့်လိုက်တော့ ကိုးနာရီထိုးနေပြီဖြစ်တာကြောင့် ရိပေါ်စိတ်ထဲ အစောကြီးရှိသေးတာပဲလို့တွေးမိသွားသည်။
ထို့ကြောင့် ရိပေါ် စောင်ပုံထဲပြန်တိုးပြီးအိပ်မယ်အလုပ် အပြင်ကနေ တံခါးလာခေါက်တာကြောင့် ရှုံ့မဲ့သွားရ၏။
" တတိယသခင်လေး မနက်စာစားလို့ရပါပြီ "
ရိပေါ် အစက ပြန်မဖြေပဲနေမလို့တွေးပေမဲ့ ပြောစရာရှိတာသတိရသွားတာကြောင့် အိပ်ယာကနေ ကုန်းရုန်းထပြီး တံခါးဆွဲဖွင့်လိုက်၏။
" အန်တီချင် နေ့လည်စာချက်တော့မှာလား "
" အခုပဲချက်တော့မလို့။ တတိယသခင်လေး စားချင်တာရှိလို့လား "
" ဟင့်အင်း အန်တီချင်ဒီနေ့နားလိုက်ပါလား။ ကျွန်တော် အိမ်ပြန်မှာ "
" အိုး ဒါဆို ကျွန်မသန့်ရှင်းရေးလုပ်ပြီးရင်ပြန်နားလိုက်မယ်လေ "
" အလုပ်ရှုပ်စေမိပြီ "
" ဒါကျွန်မတာဝန်ပါ "
သူ့ကိုပြောပြီးတာနဲ့အောက်ဆင်းသွားတဲ့ အန်တီချင်ကြောင့် ရိပေါ်လည်း အခန်းထဲပြန်ဝင်လာလိုက်ပြီး သူဖွထားသမျှကို အဝတ်လျှော်တောင်းထဲကောက်ထည့်ကာ ရေချိုးဖို့လုပ်လိုက်၏။
ပြီးခဲ့တဲ့အပတ်က သူ့မွေးနေ့ဖြစ်ပြီး အဲ့နေ့က ရှောင်းကျန့်နဲ့ပဲတစ်နေကုန်ရှိနေတာကြောင့် သူ့မိသားစုဝင်တွေနဲ့အတူတူမွေးနေ့ပွဲမလုပ်ရသေးပေ။
တကယ်တော့ သူ့မွေးနေ့မှန်းသူလည်းမသိပါ။
သူနဲ့ မူလပိုင်ရှင်ကမွေးနေ့မတူတာကြောင့် သတိမေ့တာလို့ပြောရအောင်လည်း ကွာတာမှ နှစ်ရက်သာဖြစ်သည်။
YOU ARE READING
ဒီယောက်ျားနဲ့ ကွာရှင်းမှဖြစ်မယ်
Fanfictionငါ -ိုး!!! အိပ်ယာက နိုးနိုးချင်း ယောက်ျားရသွားပြီ!!!