ඇඟට දැනුණෙ පුදුම සීතලක්. මන් හිටියෙ දෙපැත්තෙ චෙරි මල් ගස් ලස්සනට වැවිලා තිබුණු පාරක. පාර දිගේම හිම වගේ වැටිලා තිබුණෙ චෙරි මල් පෙති. වටේම කළුවර වෙලා තිබුණු නිසා මන් බැලුවෙ අහස දිහා. අහසින් හෙමිහිට එක පෙළට චෙරි මල් පෙති වැටෙන්න පටන් ගත්තා. නෑ නෑ ඒ චෙරි මල් නෙමේ.... ඒ වැටුණෙ හිම.....
දෙයියනේ.... මන් ඉන්නෙ දිව්‍ය ලෝකෙද....ඒ කියන්නෙ මන් මැරිලද... නැත්තන් ලංකාවෙ කවද්ද හිම වැටුණෙ. නුවර එළියෙවත් හිටියනම් ටිකක් හරි හිත හදාගන්න තිබ්බා. ඒත් ගිනිගහන මාතර ඉන්න අපිට මොන හිමද හලෝ
" අඩෝ රෂ්.... රෂ්..... නැගිටපන් සුනඛයෝ... පාඩම් කරන්න නේද තෝ මෙහෙ ආවෙ.... "
අනේ මේ හිම වැටෙන ලස්සන දර්ශනේ මැද්දෙ අභීගෙ ටකරන් වොයිස් එක කොහෙන්ද ආවෙ.
" ආාව්.... "
මන් බලද්දි හිටියෙ ඇඳ ගාව බිම. ඉනටත් අත තියන් මන් දිහා බලන් හිටියෙ අභී. මගේ බෙස්ට් ෆ්‍රෙන්ඩ්.
" තෝ නම් මහ නරකයි බන්. ලස්සන හීනයක් දැක දැක හිටියෙ. ඇවිත් මැදින් ඇඩ් දාලා කෑවා ඒක උඹ. "
" අඩෝ නෝ... මට කියන්න එපා උඹ ඒලෙවල් පිසික්ස් පේපර් එක දැක්කා කියලා. අනේ කියන්නකො සුදු නෝනා...පේපර් එක නේද දැක්කෙ. "
අභී බිම වැටිලා හිටපු මාවත් නැගිට්ටවලා ඇඳෙන් වාඩ් කරවලා එයත් මගේ එහා පැත්තෙන් වාඩි වෙලා මගේ අත් දෙකත් අල්ල ගත්තෙ දැකපු හීනය අහ ගන්න.
" මොන පේපරයක්ද බන්. මන් දැක්කෙ හිම වැටෙනවා. "
" ෂික් විතරක්. මන් හිතුවෙ පේපර් එක දැක්කා කියලා. ඒක දැක්කනම් හෙට පිසික්ස් ගොඩ නේ ඕයි. හැබැයි උඹ හිම දැක්කා කියන්නෙ ලංකාවට හිම වැටෙයිද බන්. අම්මෝ එහෙම වුණොත් පට්ටයි බන්. මන් හිම බබෙක් හදලා උගෙ නාහෙට කැරට් අලයක් ගහනවා. "
මන් දකින හීන වලින් බාගෙට බාගයක්ම මගෙ දහ අටවෙනි බර්ත්ඩේ එකෙන් පස්සෙ ඇත්ත වෙන්න ගනිද්දි බය වුණේ මට මොකක්හරි මානසික ලෙඩක් කියලා. මුලින් මන් කාටවත් නොකියා හිටියත් ඒක අභීට කිව්ව නම් මගේ හිතට පොඩි සැනසීමක් දැනුණා. වෙන කියන්න කියලත් මට කවුරුවත් නෑ ඉතිම්.
CITEȘTI
- නෑනයි මස්සිනයි - (✓)
Fanfictionමේ සුදු අයියේ ඔයා දන්නෝද හලෝ.... මස්සිනා අයිති නෑනටලු... Park Jimin Fanfiction A story by Estar_RM Cover by silvermirror23 Start : 30th April 2023 End : 26th February 2024
