ජිමින් මාව එක්කන් ආවෙ ලොකු ෂොපින් මෝල් එකකට. මෙහෙම එකක් දැක්කෙ ජීවිතේ පළවෙනි වතාවට. අපි දෙන්නා ඇතුළට යද්දිම ඒක ඇතුළෙ හිටිය සේවකයො දෙකට තුනට නැවිලා ආචාර කරන්න ගත්තා. හැමෝම කලබලෙන් වගේ අපි ආව පැත්තට දුවන් එද්දි මාත් අංශක අනූවට නැවිලා එතන හිටිය අයට ආචාර කරා.
ඒත් එකපාරටම ජිමින් මගේ කොණ්ඩෙන් ඇඳලා කෙළින් කරද්දි මන් ලාවට වගේ දැක්කා එයාගෙ අතේ මගේ කොණ්ඩ ගස් තුන හතරක් තියනවා. අනේ මේ මිනිහට හිතක් පපුවක් නැතුව මන් බොහොම අමාරුවෙන් වවා ගත්තු කොණ්ඩ කෑලි ටික ගලවනවා නේද... ඒ ඇද්ද පාර රිදුණත් එක්ක.
" මට ලැජ්ජ කරන්නැතුව ඉන්නවා එක එකා ඉස්සරහ දෙකට නැමෙන්නැතුව. "
ජිමින් මගේ කන ළගට රහසින් කියද්දි මන් වටේ පිටේ ඉන්න අයට සංග්‍රහ කළේ මගේ තියන අහිංසකම හිනාව.
" සර් මොකද අද මේ පැත්තෙ.. "
" මෙන්න මෙයාට ගැලපෙන ඇඳුම් ටිකක් තෝරලා දෙන්න. "
" සර් මේ ඔයාගෙ ගර්ල් ෆ්‍රෙන්ඩ්ද... "
" ගර්ල් ෆ්‍රෙන්ඩ් නෙමේ මේ නංගි මගේ. "
" ඒත් සර්ට නංගි කෙනෙක් නෑනෙ. "
" ඒ පණ්ඩිත කතා වලින් තමුන්ට වැඩක් නෑනෙ. මන් කියපු දේ විතරක් කරනවා ඉක්මනට කාලෙ කන්නනැතුව. "
මන් හිතුවෙ මෙයාගෙ රැවිලි පිප්පිලි සේරම මට විතරයි කියලා. බැලුවම අනිත් අයටත් ඒ ටිකම තමා. හිටිය හැමෝම සුදු අයියා දිහා බලන් හිටියෙ බයෙන් වගේ. එතකොට මන් දිහා බලන් හිටියෙ සැකෙන් වගේ.
" මිස් එන්න මාත් එක්ක. "
කඩේ වැඩ කරන ගෑණු කෙනෙක් මාව එක්කන් යද්දි ජිමිනුත් ආවෙ ඒ පස්සෙන්.
" මිස් මේ තියෙන්නෙ අලුතින්ම ආපු ඩිසයින්. කැමති ඒවා තෝර ගන්න මිස්. මිස්ගෙ ඇඳුම් වල සයිස් එක මොකක්ද කිව්වොත් අපිට ලේසි වෙයි. "
කඩෙන් ගත්තු රෙදි වලින් ගවුම් මහලා ඇඳපු මන් දන්න එකක්ද මගේ ඇඳුම් වල සයිස්. එච්චර මහතත් නැති එකේ මීඩියම් හරි යයි වගේ නේ. මන් මගේ ඇඟ දිහා බලන් ටිකක් වෙලා කල්පනා කරේ කොයි සයිස් එක කියනවද කියලා.
YOU ARE READING
- නෑනයි මස්සිනයි - (✓)
Fanfictionමේ සුදු අයියේ ඔයා දන්නෝද හලෝ.... මස්සිනා අයිති නෑනටලු... Park Jimin Fanfiction A story by Estar_RM Cover by silvermirror23 Start : 30th April 2023 End : 26th February 2024
