- නෑනයි මස්සිනයි - (✓)

06

මගේ අතෙයි ටේටේගෙ අතෙයි තිබුණ කෝපි ටිකත් අරගෙන ආපහු කම්පැනි එක දිහාට යද්දි මන් නිකමට වගේ බැලුවෙ CR Entertainment කියලා ගහලා තියන ලොකු බිල්ඩින් එක දිහා. මේක මට කොහේ හරි දැකලා පුරුදුයි. ඒත් එක්කම මට මතක් වුණේ ඊයෙ රෑ දැකපු හීනෙ.

" දෙයියනේ ඒක ඇත්ත වෙයිද. "

" මොනවද ස්වීටි ඇත්ත වෙන්නෙ. "

" ආ මුකුත් නෑ ටේටේ. "

වැඩි කතාබහක් නැතුව කම්පැනි එකට ඇතුළු වෙද්දි ඒක ඇතුළෙ එකම කාලගෝට්ටියක්. ඒ මදිවට ඇතුළෙ පොලිසීයෙනුත් ඇවිත් හිටියා. පහළ ලොබි එකේ ජිමින් වගේම දැන් ටිකකට කලින් මට බැනපු සාරාත් හිටියා. ඒත් එයා හිටියෙ හොඳටම අඬන ගමන්. එයාගෙ ඇඟ කළු පාට බ්ලැන්කට් එකකින් වහලා තිබ්බා.

" ටේටේ මොකද මෙතන වෙන්නෙ. "

" දන්නෑ බබා. ගිහින් බලමු. "

ගෙනාපු කෝපි ටිකට බම්බු ගහන්න කියලා පැත්තකින් තියපු අපි දෙන්නම ගියේ පොලීසිය වට වෙලා ඉන්න තැනට.

" මම කිව්වනේ. මන් මෙයාව තල්ලු කරන්න හැදුවෙ නෑ දෙයියනේ. මන් කියන්නෙ ඇත්ත. "

අත් දෙකට මාංචු දාගෙන හිටිය තව ලස්සන ගෑණු ළමයෙක් අඬන ගමන් කෑ ගහද්දි සාරා ඊටත් වැඩිය හයියෙන් කෑ ගහන්න ගත්තා.

" ජිමින්ෂි.... මේ ගෑණි මාව රූෆ්ටොප් එකේ ඉඳන් පහළට තල්ලු කරන්න හැදුවා. මගේ මැනේජර් ආවෙ නැති වුණානම් මන් මෙලහකටත් මැරිලා. දෙයියනේ මින්ජි මන් තමුන්ට මොන වරදක් කරාටද මාව මරන්න හැදුවෙ. "

" යා.. සාරා තමුසෙ ඇයි බොරු කියන්නෙ. ආ... මන් කවද්ද තමුන්ව තල්ලු කරේ. "

එතන හිටපු අයගෙ කතාවෙන් මට මෙතන වෙලා තියන දේ හොඳට තේරුණා. ඒ කියන්නෙ මගේ හීනෙ ඇත්තක් වෙලා. ඒ වුණාට හීනෙ කිසිම තැනක මින්ජි කියන කෙනා සාරව තල්ලු කරේ නෑ. මින්ජි තමයි සාරාව වැටෙන්න නොදී අල්ලගෙන හිටියෙ කෑ ගහන ගමන්. එහෙනම් ඇයි මේ සාරා බොරු කියන්නෙ. ඒත් එක්කම පොලීසිය මින්ජිව එක්කන් යන්න හදද්දි මන් පුළුවන් තරම් ඉක්මනට ඒ මැද්දට පැන්නෙ මෙතන ලොකු වැරදි වැටහීමක් වෙලා තියනවා කියලා තේරුණු නිසා.