قرار العُهر

بارت 61

بقلمي
الكاتبة غدير الحيدري
........

عشتُ المُعاناة كثيرا
حتى عدتُ أنسى
ايهم انا!؟
........

هرم

منشور جديد..
قبل اسبوع
صورة ابان بالبدلة العسكرية
ع اكتافة نجمعة سعى للحصول عليها طويلا

مع عبارة غريبة
غريبة هواي..
كان كاتب بخط واضح وصريح

"النجاح الحقيقي يكمن في السعي خلف أحلامك وحلمي كان نجمة"

ركزت بالكلام
ودمعت عيوني..

قبلها بيوم كنت..

اتكلب بفراشي وافكر
لشوكت ابقى ساجنة روحي
خليني اطلع واشوف العالم

عسى ولعل اتغير
يمكن انسى
ويمكن اعيش
ومن الممكن هاجر هي وسيلة من الله
حتى انهض من جديد

اجتني ثاني يوم
وصارت تسولف الي

هاجر:هي وكالة تابعة لرجل جبير وطبعا عايش ببغداد عدهم فرع بمول المنصور والفرع الثاني هنا افتتحوا بالبصرة اللي تعمل بي بنية عمرها بالثلاثينات مطلقة وحبت تعتمد ع نفسها وتعرفت عليها ع الفيس وطبعا ما حبيت افوت هذي الفرصة وكلت اشغلج وياية بالنهاية انتي احسن من غيرج... شوفي شوفي وكالة عطور معروفة وكلش مرغوبة وعليها توصية وطلب كل المطلوب من عدنا نبيع وندير صفحة ع الفيس نروج لعطوراتنا ونشوف اراء وطلبات الزبائن انا سويت فيس وراح اسوي الج هم وراح...

قاطعتها

هرم:وبعدين؟

ابتسمت

هاجر:انا بديت بالشغل وحبيتة وصدكيني انتي هم راح تحبي راح امر عليج باجر واخذج بس كل المطلوب منج تكشخين كشخة مرتبة تعرفين المكان بمول جبير معناها لازم تترتبين مو؟

كلت بتعب

هرم:مراح انجح
هاجر:مجرد تعرفين الاسعار وبعدها تبدين تتعرفين ع العطور شغلة سهلة ومريحة وعود اذا ما حبيتي الشغل بطلي شبييج هي فرصة

هزيت راسي بمعنى اي
اخذت الفون مني

هاجر:وهسة راح اسويلج صفحة ع الفيس حتى بعدين تعلنين عن مبيعاتنا وممكن يصير البيع اون لاين

كانت تسولف وانا ما افهم
كلت

هرم:شنو هذا الفيس؟
هاجر:موقع تتواصلين بي وي كل العالم ينشرون احداثهم اليومية او صورهم اخبارهم يعني حسب
هرم:كل العالم؟
هاجر:امم يعني الاغلبية هسة عدهم شوفي منا تبحثين عن الاسماء والصفحات ويطلعلج اللي تريدي ومنا تنشرين وو..

صارت تشرح وانا صافنة
حسيت عليها كالت

هاجر:فهمتي؟

هزيت راسي بمعنى اي

هاجر:تمام جا حروح انا وباجر اجيج الكاج متحضرة ب3 العصر تمام؟
هرم:تمام

نطتني الفون وراحت
صفنت وسرحت بذاكرتي بعيد
وتذكرت كلامها وهي تكول
كل العالم..