Chapter 21.2
ယီဟွေ့က တစ်စုံတစ်ရာထပ်ပြောချင်နေသော်လည်း ပါးစပ်ဟလိုက်ပြီးသည့်နောက်တွင် ထိုလူက ကျိုးကျင့်ဟမ်မဟုတ်ဟု မပြောနိုင်တော့ပေ။ သူ ခဏတာ တွန့်ဆုတ်နေပြီးသည့်နောက်တွင် ပါးစပ်ပိတ်ထားလိုက်ပြီး သူ့တက်ဘလက်ဖြင့် ပုံဆွံနေလိုက်သည်။
သူက အာရုံစိုက်နေပုံရသော်လည်း အမှန်တွင် သူ့ဝိညာဉ်က လျှောက်သွားနေသည်။ နာရီဝက်ခန့်ကြာသည်အထိ မျဉ်းတစ်ကြောင်းဖြင့် သေချာမဆွဲနိုင်ပဲ ထိုင်နေခဲ့သည်။
ယနေ့ညတွင် သူ့စိတ်အခြေအနေက အားနည်းနေပြီး ပုံဆွဲရန် မသင့်တော်ဟု တွေးကာ ချည်ထိုးရန် ပြင်လိုက်သော်လည်း ပထမဆုံးချည်စနှင့်အပ်ကညိပြီး သူ့လက်တွင် စူးသွားသည်။
" အစ်ကိုကြီးဘာဖြစ်နေတာလဲ... ညီမလေးထက်တောင်ပိုပြီး စိတ်လှုပ်ရှားနေတာလား..."
ကျန်းယီမန့်က သူမအခန်းထဲ ပြန်ပြေးဝင်သွားပြီး ပါာစတာယူလာသည်။
" ညီမလေးပုံကို မဆွဲချင်ရင်လည်း မဆွဲပါနဲ့ ကိုယ့်ကိုကိုယ်နာအောင် လုပ်စရာမလိုပါဘူး..."
ယီဟွေ့ ခေါင်းခါပြလိုက်သောအခါ ကျန်းယီမန့်က ပြုံးလိုက်သည်။
" ညီမလေးပြောထားတဲ့အချက်တွေက နည်းနည်းခက်မှန်းတော့ သိပါတယ် ဒါပေမဲ့ ကိုယ့်အရည်အချင်းတွေကို ပိုထက်လာအောင် သွေးလို့ရတယ်လေ ဟုတ်တယ်မလား..."
ယီဟွေ့က ဘာမှမပြောပဲ ပြုံးနေလိုက်သည်။
သူ ယခင်က တစ်ကြိမ်တစ်ခါမှ မလိမ်ညာခဲ့ဖူးသော်လည်း ယခုအခါတွင် တစ်ကြိမ်ပြီးတစ်ကြိမ် လိမ်ညာနေရသည်။ ပထမဦးစွာ သူ ထိုလူကိုမသိကြောင်း ပြောခဲ့ပြီး ယခုအခါတွင်လည်း ထိုလူက ကျိုးကျင်ဟမ့်မဟုတ်ဟု ပြောလိုက်မိပေသည်။ အမှန်တွင်မူ သူ ပြန်လည်မွေးဖွားလာပြီး ကျန်းယီဟွေ့အဖြစ် ဟန်ဆောင်နေစဉ်တည်းက အားလုံးကိုသာမက သူ့ကိုယ်သူပါ လိမ်ညာနေခဲ့ရခြင်းဖြစ်သည်။
ကျိုးကျင်ဟမ့် ပေါ်လာခြင်းက သူ့မျက်နှာကို ဖြတ်ရိုက်လိုက်သည်နှင့်တူပြီး အခြားလူတစ်ယောက်၏ ခန္ဓာကိုယ်ထဲ ဝင်နေလိုက်သည်နှင့် ထိုလူဖြစ်မလာနိုင်ဟု ပြောနေသည်နှင့် တူပေသည်။ သူ ကြုံတွေ့ခဲ့သည်အရာများနှင့် တွေ့ဆုံခဲ့သည့်လူများက သူမေ့ပစ်ချင်သော်လည်း အလွယ်တကူ မေ့မရနိုင်သည့်အရာများဖြစ်သည်။
YOU ARE READING
မျောလွင့်နေသော ပြာမှုန်များ
Fanfictionမင်္ဂလာ ညချမ်းပါရှင် အသစ်လေးတွေ လာကြေညာတာပါ ရှင့် ???? BL အတိုလေးနှစ်ပုဒ် PICK ထားပါတယ် အပိုင်းသိပ်မများတာလေးတွေပါ ဖတ်ပေးကြပါဦးနော် ... အားလုံးပဲ ကျန်းမာ ဘေးကင်း ဝင်ငွေတိုးကြပါစေ... ပုံအောက်မှာ Description ပါတယ်နော် ...
