Anaa e Ishq [COMPLETED]

PART 1 * ignore mistakes * Writer:Wafa Fatima

"Pakroooo!!!"..Nida ne us se cheekhte hue kaha
"Han Han ruko zara...ye Bach k jaiega kahann!!"...wo deewar par tezi se chalne wale ek baray se cockroach k peeche chappal le kr bhaag rhi thi
"Ek cockroach nhi pakra jata yar tumse..."
"Sabar to rakkho tum kue mar rhi ho!!"
"Dhiyan se isme na gir jaie!!"..Nida ne 2 noodles k bowl k aage kharay hote hue us se kaha
Chahhhhahappp....usne bil aakhir chappal cockroach ko de mari thi...
"Ye cheez!!".....pas me khari Nida zor se cheekhi thi

"Kia ho raha h yahan??"....awazein sun kr Zaviyar bahir aya tha...
"Kuch nhi Zaviyar bhai Zumra cockroach maar rhi thi"....Zumra k cockroach ki laash lejane pr Nida ne kaha
"2 ghari sona musibat krdia tumhari dost or tumne...Ek cockroach k piche itna shor!!cockroach na hua sanp hogaya!!"
"Zumra sanp bhi maar skti h,aapko pata h na"...Nida muskura kr boli thi
"Han Han aapki dost sanp k sath bicchu or to or babbar sher ko bhi maar skti hain!!"..usne ajeeb sa chehra bana kr kaha tha
"Han maar skti hun"....wo hath jharte hue unke pas a khari hui thi...."koi shaq??"...wo Zaviyar ki taraf dekh kr puch rhi thi
Usne bari bezari se use dekha or palat kr wapas apne kamre me sone chala gaya

"Noodles thandy ho gaie honge yar"....Nida ne bezari se kaha
"Koi nhi kha lo...wese bhi roz aati ho tum roz khate hain hum aaj thanda hi sahi!"
"Han roz aati hun me roz khate hain hum..or sath sath tumhare cousin ki daant bhi khate hain hum!"...wo khafgi se boli thi....wo us se kisi tasalli ki muntazir nahi thi
"Hamaray kaam hi aese hain!!"....usne noodles khate hue baray sukoon se kaha
Nida gehra sans le kr reh gai thi...wo janti thi wo kisi ko na tasalli de skti thi or na kisi ki dil joi kar skti thi

**********************************

Gate ki Bell ring hui....Anushay ne Gate khola tha

"As'Salam'O'Alekum"...usne daftar se aa kr ghar me dakhil hote hue kaha
"WalekumAsSalam beta....aajao"
"Ammmmii zoro ki bhook lg rhi h kia banaya h??".....wo joote utarte puch rha tha
"Kaam wali ne biryani banayi h beta tum fresh ho kr aajao me kehti hun use khana laga dein."
Anusha ye kehti wahan se chali gaien...wo joote utar kr fresh hone chala gya tha

"Or.... ye point bhi mera"....usne video game khelte hue Nida se kaha
"Han Han dekhte hain"....Nida bhi khelne me masroof thi

"Aaj khana khane ka koi irada nhi h tum logo ka??"..Zaviyar 2 3 ghantay baad kamre se bahir aya tha
"Amma a jaien un k sath kha lenge!!".
wo game ki screen ko dekhte hue keh rhi thi
"Amma rozana late aati hain...unko sirf hamara khayal rakhne k lie bheja h hamare sath...,phir tum unka wait kue krti ho??"....uska ye sawal bemaqsad tha
"Ta k khana late khaun!"....wo use baghair dekhe keh rhi thi
Wo gehra sans le kr wahan se chal dia...us se behes krna waqai me fazool tha
Agle hi lamhe bell baj gai thi
Zaviyar kamre se palti kha kr Gate ki taraf gaya or Gate khol dia....
"As'Salam'O'Alekum amma"
"WalekumAsSalam"
"Aajaien aapka hi intizar tha....bohat bhook lg rhi h."
"Han me lagati hun khana bula lo Zumra or Nida ko"...
"Jii"

Kuch minto baad mez pr beth kr un teeno ne khana khaya....
"Ab me chalti hun kal milenge Zumra"....Nida ye keh kr Gate se bahir ja chuki thi.....amma ko Zaviyar k parents  ne Zumar or Zaviyar ka khayal rakhne sath bheja tha....amma ne yahan apne lie koi kaam bhi dhund lia tha...wo rozana kaam pr jaya krti thin or late aaya krti thin....is Doran rozana Zumra se batein krne Nida aati thi ...kue k Zaviyar ki parhi likkhi batein Zumra k sar pr se guzar jati thin

**********************

"Aajaien"...usne apni ammi k Gate knock krne pr kaha
"Ye lo"...unhone coffee ka cup uski taraf barhate hue kaha
"Thanks"..
"Mama!"...usne unhein jatay dekh kr kaha
"Han?"
"Wo..."
"Bolo bhi.."
"Office k kisi kaam se me 2 din baad Turkey ja rha hun"...wo coffee ka ghunt bharte hue,laptop pr nazre jamae keh rha tha
Unke chehra yakdam murjha sa gaya tha
"Araayyy..".....wo laptop side me rakh kr unke pas ja khara hua.
"Wapsi kab ki h??"..wo maddham awaz me keh rhi thin
"2 mahinay......"
"Kia!!??"
"Mama..please calm down,kaam h islie ja rha hun warna aapko akela chor kr me kuen jaunga...me wahan koi masti mazaq k lie thori ja rha hun.....me rozana aap ko call krunga OK??"....wo unhein samjhane ki koshish kr rha tha
Unhone gehra sans bhara
"Acha chalo coffee piyo thandi ho jaiegi"...Anushay nam aankhon k sath ye kehti hui wahan se chali gaien

******************************
Agli subah wo uth kr fresh hokr nashte ki table pr ayi.....nashta ready table pr dhaka rakkha tha....rozana ki tarah amma rakh kr gaien thin...

"Tumhari dost nhi ayi abhi tak kheriyat"....Zaviyar bhi so k uth kr fresh hokr table pr aya tha
"Apne kaam se kaam rakho!!"usne nashta plate me nikalte kaha
"Ye jo tumhari anaa or mu pr baat marne wali aadat h na,bilkul bhi achi nhi h me bata dun!!".....usne nashta krte hue kaha
"Me chahti bhi nahi hun k achi ho!!".....wo use dekhe baghair nashte pr focus kr k keh rhi thi
"Tumhari zid ki waja se hum yahan aye hain,taya or tayi zinda hote to tumhe kabhi nhi aane dete tumhay pata h na?".....Zaviyar ne kaha
"Mama baba ne apni aakhri sans me jub chacho chachi se keh dia tha k Zumra ki har khuwaish puri krna to tumhe kia masla h!!???".....wo bidak si gai thi
"Masla ye h k mere maa baap ne isi khuwaish ko pura krne k lie mujh se puche baghair hukum dia tha k me tumhara khayal rakhne tumhare sath jaun!halake mera wahan friend circle itna acha tha me wahan se kabhi nhi aana chahta"...usne khafgi se kaha tha
"Mujhe nhi zarurat koi mera khayal rakkhe me khud rakh skti hun!!"..wo niwala mu me dalte keh rhi thi
Zaviyar k kuch kehne se pehle bell baj gai thi..

"Bell baj rhi h..behri ho kiya??"....usne kuch lamhe bad Zumra k bell pr dhiyan na dene pr kaha
"To me kia krun khol do"...wo baray aaram se keh rhi thi
"Tumhari dost ayi hogi tum kholo"...
"Theek h use bahir hi khara rehne do!!"..wo tissue se hath saaf krte keh rhi thi
"Bohat hi koi ziddi insan ho tum!!".
Zaviyar Gate ki taraf barha...Nida andar ayi thi
"Kahan mar gai thin!??"..usne uske aate hi pucha
"Yar kaam tha...ammi ne kaha Thori der me chali jana..islie aaj zara late hogai"

Wo baghair kuch kahe table se uth kr sofe pr ja bethi thi....ab wo remote hath me lie channels badalne me masroof thi..
"Me noodles laati hun tum lagao movie".....Nida kitchen ki taraf jate hue us se keh rhi thi....."koi achi si lagana!"....usne murh kr us se kaha or kitchen ki taraf chal di
_____________________________________

Hope you enjoyed!!!