Anaa e Ishq [COMPLETED]

PART 22 * ignore mistakes * Writer:Wafa Fatima

Wo dono bhi thakay hue, ab sone lge thay

"Achi lg rhi thi aaj"....wo bed pr leta aankhein band kie bol raha tha
"I know"
"Hijab tum pr waqai acha lgta h"....wo ghalat nahi keh raha tha
"I know"...jawab phir wohi tha
"Zumra tumne..."
"Tumhare lie nahi kia"....wo uski baat kaat ti foran boli
"To?"
"Jo tumne bataya tha us pe amal krte hue mene bohat si Ayaat parhin or Internet pe bhi bohat search kia hijab k bare me....phir end me mene faisla kia k hijab krna chahie..HIJAB ek MUSALMAN larki ki pehchan h ,..khoobsurat to har larki hoti h lekin asal khoobsurat to wo h jo apni khoobsurti ko chupane me kamyab ho jaie"....wo upar chat ko takti use batane lagi to wo muskura dia
"Tum ab is pr qaim rahogi?"...Zaamin ne mur kr use dekha
"InshaAllah"...usne bhi apna chehra muskurate hue uski taraf mora

"Mere pas tumhare lie ek tohfa h"...Zumra ne chand lamhe baad use khete suna
"Acha..kia h?"...use tajassus hua

Wo khara hota almari ki taraf barha,andar se ek handbag nikal kr Zumra ko pakra kr bed pe betha

"Ye kia h?"....wo handbag leti excitement se uth kr beth gai
"Kholo"

Usne bari khushi k sath use khola

Wo bari bari aankhein nikale ek nazar handbag ko , or ek nazar Zaamin ko dekh rhi thi

Wo ek red colour ka scarf tha,jesa usne pehna tha us se thora mukhtalif lekin us se ziada khoobsurat,...us pr mojood wo haray haray chamakdaar moti use or khoobsurat bana rhe thay

"Ye..."...wo nam aankhon se kehti hui ruk kr uski taraf muri
Yakdam wo jazbati hoti hui foran Zaamin k gale se ja lagi..hosh sambhalne k bad zindagi me pehli dafa uski aankh me aansu aaya tha...use is se ziada acha tohfa koi de nahi skta tha...wo dekhne me jitna mamooli lag raha tha utna tha nahi,kuch to khaas tha usme..or phir Zumra k lie to wo or ziada khas tha

"Acha laga?"
"Is se ziada acha or kuch nahi ho skta Zaamin!"....wo ro rhi thi ya has rhi thi,khud bhi nahi janti thi
"Me chahta hun kal Maheen k nikah me tum ye pehno"...wo muskurate hue bola
"Lekin...."..usne uski taraf dekhte hue baat adhuri chori

Zaamin ne gehra sans bhara tha

"Hum kia kr skte hain Zumra,me us se baat krun to wo kehta h tumhari ghalat fehmi h,jub wo etiraf hi nahi krta to hum kia kr skte hain..or hamare pas konse saboot hain"....usne baat mukammal krte kaha,wo theek hi keh raha tha
"Maheen ko kia hi pari thi us bagar billay se nikah krne ki"....Zumra mu banate hue boli
"Tum janti ho use?"...use tajassus hua
"Ek hi building me to rehte hain,milna kisi se nahi h lekin janti sub ko hun me"...wo fakhar se bata rahi thi

"Wese ye kahan se lia or kitne ka h??"...kuch lamhe baad wo yakdam boli
"Gift k bare me kuch nahi bataya jata,bus wo jis tak pohanchna hota h pohanch jata h"...wo muskura kr kehne laga

Kuch lamho k lie wo khamoshi se us scarf ko takti rahi

"Ek cheez mangun tums..aapse"..wo kuch lamhe baad phir maddham awaz me kehne lagi
"Tum mujhe 'TUM' keh skti ho"...wo haste hue bola
"Acha.."..wo bhi has di
"Bolo"

"Wo...Tum mere lie roz noodles bana skte ho?"...ye ajeeb khuwaish thi...Zaamin ne ajeeb se tasurat k sath uska chehra dekha
"Kiya!?"..wo beikhtiyar hasa or hasta chala gaya
"Me baat ek dafa bolti hun!"...wo uske hasne pe buri tarah chiri thi
"Zumra tum sach me pagal ho!"...wo abhi bhi has raha tha
"To me inkar samjhun?"...wo sanjeedgi se apni bari bari aankhein nikale use ghoorne lagi
Zaamin ne apni hasi pe break lagate hue nazar utha k use dekha or phir wo nazar hata na saka
"W...wese itna mushkil kaam nahi h"...wo kuch lamhe use dekhne k bad nazre hata gaya
"Han wohi to!"...wo haste hue boli
"Han mushkil nahi h to tum bana lena"...wo muskurate hue take lagane laga
"Phir Tum se shadi ka faida?"...wo ab behad sanjeeda thi
"Tumne mujhse noodles banwane k lie shadi ki h?"...wo muskurate hue use dekhne laga
"Nahi khair banane to Nida ko bhi aate thay.."
"To mujh se shadi ki waja..?"...wo abhi bhi muskura raha tha
"Dafa karo tum waja ko!"...wo abhi bhi behad sanjeeda thi
"Har dusri cheez ko tum dafa kr dia kro..bus mujhe mat kr dena tum dafa baqi khair h"...wo haste hue bola
"Phir me han samjhun?"...usne dobara apni bari bari aankhon se uski aankhon me dekha
"Ji..ye bhi qubool h"...usne ghutne tekne wale andaz me ajeeb tarah se haste hue kaha k Zumra ko bhi hasi agai