Anaa e Ishq [COMPLETED]

PART 9 * ignore mistakes * Writer:Wafa Fatima

Raat k 11 baj rhe thay or wo sub abhi bhi use dhundne me masroof thay...aage piche...galion me...hotels me...or khas tor pr us Hall pr to sakht nazar thi subki

"Us hotel me bhi nahi h"....Zaviyar ne Hall se kuch duur hotel se aa kr Hall me mojood subko bataya
"Itni der ho gai h ab to...Qaazi sahab bhi ja chuke hain...police k pas jaien kia??"...Amma unse puch rahi thi
"Mere khayal me aap theek keh rahi hain"..Aena ne bhi unka sath dia

"Thori der or intizar kr lete hain kia pata usko waqai koi bohat zaruri kaam ho k use hame batana bhi yaad na raha ho"...Sarwar sahab ne kaha

"Zum......Zumra!! Zumra kahan h!???"....Zaviyar ko yakdam yaad aya

Zaamin ko dhundte dhundte wo jese Zumra ko bhool hi gaie thay

"Han!!wo kahan h??"..Amma ab or ziada pareshan hui thin...Zaviyar or Zumra ki zimmedari unko sonpi gai thi...pareshani to honi thi
"Zavi Bhai usne kaha tha wo thori der me aayegi ab to kitne ghante guzar gaie hain!"...Nida ne ghabrate hue kaha

Zaviyar ne usi lamhe Zumra ko call ki...ring ja rahi thi call pick nahi hui thi...wo apna mobile gaari me Jo chor gai thi...usne use 2 3 dafa call cut kr k dobara milai lekin phone pick nahi hua

Ab wahan pr khamoshi cha gai thi

Nida or Zaviyar ne yakdam ek dusre ka chehra dekha...wo samjh chuke thay aesa kaam Zumra baasani kr skti h...Zaamin k lapata hone me kisi na kisi tarah Zumra ka hath zarur tha...or uski yahan ghair mojoodgi is baat ka saboot thi

"Amma me ghar ja rha hun"...wo janta tha Zumra aesa kregi bhi to wo use ghar to nahi le jaegi kisi or jaga hi le kr jaiegi lekin kam az kam uski tasalli to ho jati ek dafa ghar me dekhne se
"Bhai me bhi chalti hun"...Nida ne kaha
"Phir mujhe bhi le chalo"...amma ne ghabrate hue kaha
"Chalein"
"Beta kuch pata chale to hume zarur batana"..Anushay ne kaha
"Jii aunty zarur.."

Wo teeno wahan se ab ghar ja rhe thay

"Hello!koi mujhe dhund raha h kia?"..wo pichle darwaze se dakhil hua

Wo teeno jate jate ruk gaie...sub ne murh kr peeche dekha

Wo hasta hua hall me dakhil hua

"Zaami.."...Anushay bhaag kr uske galay se ja lgin

"Kahan thay tum??kahan Kahan nahi dhunda hum sub ne tumhe??...tumhe andaza bhi h hum sub kitne pareshan thay??"...Anushay us se gusse se puch rahi thin

Agle hi lamhe samne wale darwaze se Zumra dakhil hui
Nida or Amma bhaag k us k pass gaie thay

"Me kuch puch rahi hun Zaamin??kahan thay?"
Usne ek nazar Zumra ko dekha or phir baaki subko

"Mama ek office ka itnaaaaa zaruri kaam yaad agaya tha k me kia bataun"...usne itnaaaa pr itnaaaaa hi zor dia tha..."phone msg krna chaha jub mene,to pata chala jaldi jaldi me mobile hi nahi laya me....ek aesa kaam k agar wo zara sa bhi late hota to shayad Turkey ki government hume yahan se nikal deti!"...usne kahani bana li thi...Zumra ko bhi isi kahani pr amal krna tha

"Aesa konsa kaam tha jis se hum yahan se nikale jate??"...Sarwar sahab ne us se sawalia andaz me pucha
"Wo bus tha ek...chorein use ab to me agaya hun....I'm really sorry Aena...shaadi kuch dino k lie postpone kr skte hain?"..usne Aena se maazratkhuwana andaz me kaha

"Han Han no problem!...jese theek lage"...Aena ne muskurate hue jawab dia...Zaamin sahi salamat agaya tha uske lie wohi bohat tha

"Or Tum kahan thin??'...Zaviyar ne ab us se gusse se pucha tha
Sub ki nazrein ab Zumra pr thin
Wo ye nahi keh skti thi k gaari me thi..janti thi k wo gaari me dekh chuke honge

Usne ek nazar Zaamin ko dekha Jo pehle hi use dekh raha tha

"Inko to mene jaate waqt ek jaga jahan tap laga tha wahan se hath dhote dekha tha"..Zaamin ne yakdam use bachane k lie kaha or aankhon se Zumra ko uske hathon ki taraf ishara kia k aage ki kahani wo khud samjh jaie

Sub uski is baat pr ab Zumra se nazrein hata kr use dekh rahe thay

Usne uske aankhon k ishray ko samjhne ki koshish ki wo uske nails ki taraf tha...use yakdam samjh aya

"Han!.....meri nail paint kharab ho gai thi to me paani dhundte dhundte hath dhone gai thi...phir thore faslay pr mujhay ek tap nazar aya shayad wahin dekha ho inhone mujhe,...mene to nahi dekha inhein...phir jub me wapas palti to rasta hi bhool gai...phir ghanto bad idhar se udhar ghumte mujhe ye dikhai die..inhone mujhe nahi dekha tha lekin me inka peecha krte krte yahan pohanch gai"...usne jese Zaamin ki banai hui kahani ko pura kia tha

"To hath andar a kr hall me dho leti yahan bhi paani tha"...Zaviyar ne uske kareeb a kr maddham awaz me kaha
"Meri marzi me nahi aana chahti thi"...usne gusse se ahistigi se us se kaha

Wo dono sub ko achi tarah se bewaqoof bana chuke thay...subne unki baaton pr yakeen bhi krlia tha

"Chalein phir ab baad me mulaqat hoti h"...Sarwar sahab ne Anushay se kaha
"Jii zarur phir milte hain INSHAALLAH"
"Nikah bhi jald rakhte hain"...Aena ki ammi ne Anushay se hath milate hue kaha
Is baat pr Zumra ne Zaamin ka chehra ajeeb nazar se dekha...wo nazrein palta gaya
"Jii InshaAllah"...Anushay ne jawab dia

"Hume bhi ijazat dein"..Amma ne Anushay se hath milatay hue kaha
"Ji"
Wo sub ek dusre se mil kr ab apne apne ghar ja rhe thay

Zumra or Zaamin puray raaste sirf aaj honay wala sub kuch hi sochte rahe...
____________________________________

HOPE YOU ENJOYED!!!