Anaa e Ishq [COMPLETED]

PART 17 * ignore mistakes * Writer:Wafa Fatima

"1 hafta to chutkiyon me guzar gaya,aap aaj bhi nahi ayi?".....wo office me betha us se call pr baat kr raha tha
"Wo.....Zav...."
"Aap theek hain?"
"N....han I'm fine..."....wo atakte atakte boli thi
"Itna atak atak kr kue bol rhi hain aap?"..wo uljha
"Bus....aese hi....."

Kuch der ki khamoshi k baad wo yakdam boli

"Me...zara busy hun baad me..baat krte hain.."....usne kehte hi yakdam phone band kr dia

Use andaza ho chuka tha waqai koi masla h....usne phone table pr rakkha or kuch der gehri sochon me gum rehne k baad dobara apne kaam me masroof hogaya

"Mene Sarwar sahab ko sara waqia sunaya,mujhe lag rha tha wo naraz honge lekin unhein sun kr khushi hui k unki beti kisi ki pasand ko kitni ehmiyat deti h,..me unse kisi narazgi bhari baat ki tawaqu kr rhi thi jub unhone Aena ko bula kr kaha "I'M PROUD OF YOU!"....Anushay use call pr keh rhi thin
"Chalein phir ye masla to hal ho gaya,ab aapko yaad h na aapne kia kaha tha?.."....wo muskurate hue puch rha tha
"Ji Bashar sahab yaad h!"...wo haste hue bolin..."Hashim Bashar hote to aaj kitna khush hote"...haste haste ab unki awaz me larzish ayi thi
"Wo abhi bhi bohat khush honge mama,aapki or baba ki duaon ka hi sila h jo mujhe duniya me mil raha h,me janta hun,wo mere lie ab bhi dua kr rhe honge.."....wo seat pr bethe bethe khirki se bahir jhanka tha
"Zahir h maa baap ki hi duaien kaam aati hain baccho k,warna tumhare kartooto ki kisi ko khabar hojaie na Zaamin!!..."...wo nam aankhon k sath haste hue keh rhi thin
"Sari harkatay to me bachpan me krta tha mama,ab kaam se fursat kahan....."usne gehra sans bharte hue kaha
"Acha or Zumra or Aena wali baat??...wo bhi kal batayi tumne mujhe halan k mene parso bhi uski call dekh kr tumse pucha tha lekin tum uth kr kamre me chal die thay.."
"Wo to aese hi bus,..Khair aap taiyarian krein phir aaj hi chalte hain wahan"
"Itni jaldi??"
"Itni jaldi meri Aena se shadi bhi to krwai ja rahi thi na to isme der ki kia zarurat?"
"Acha Bashar sahab phir aap kaam se wapsi pr baklava (TURKISH DESSERT) or ek phool ka bouquet lete ayega"...Anushay ne use hidayat di
"Jii ok"

***********************

"Din kesa guzra beta?"...Amma khane ki table pr Zaviyar se puch rahi thin

Wo apne khayalo me gum plate me chamach chala raha tha

"Zavi!"..amma ne uska kandha hilaya

"Ji??"...wo yakdam chonka
"Beta me puch rhi thi din kesa guzra?"
"Ji...wo...acha.."....usne table pr nazre jamae jawab dia
"Or tumhara Zumra?"
"Theek"
"Or Nida?"...wo yakkay baad deegray teeno se puch rahi thin
"Ji mera bhi bohat acha guzra"..."chalo Zumra me chalti hun late ho raha h aapi ki packing bhi krni h"....usne table se khare hote kaha
Zaviyar ka niawala halaq me ataq kr reh gaya...use bohat bura phanda laga tha
"Aap theek hain Zaviyar bhai?"...Nida ne use paani ka glass pakrate hue kaha
"H..Han....kahan...ja rhi hain tumhari aapi??"....wo phanda lagne ki waja se laal aankhon se puch raha tha
"Parosio k pas"....Nida ne muskurate hue jawab dia
Zaviyar ne ek nazar Zumra or amma ko dekha
"Kia matlab?"...sawal amma ne kia tha
"Matlab ye k jo hamari parosan hain na Nurbanu unke bete Süleyman (Suleman) k sath aapi ka agle haftay nikah h!"...wo nehayat khushi se bata rhi thi

Zaviyar k sar se per tk ek leher dorhi thi.. current jesi,..ya shayad dar ki leher....wo un laal aankhon k sath table ko tak raha tha....uski aankhein nam bhi hui thin to bazahir aankhon k laal hone ki waja se kisi ko kuch pata nahi chal ska tha

"Ye to bohat achi khabar h beta tumne pehle kue nahi bataya!"....amma ne khushi ka izhar kia
"Mene Zumra ko bataya to tha,...Zumra tumne nahi bataya inhein?"....wo Zumra se mukhatib hui
"Isme batane wali kia baat h,shadi ho rahi h jub bulaogi aajaienge,pehle se jaan kr kia bhangra daalein hum"...wo mu me niwala daalte qadre laparwahi se boli thi
"Khair jo bhi h mama kuch dino me aap k pas ayengi amma,...me chalti hun phir kal milte hain..Khuda Hafiz.."...usne jaate hue amma ko hath hilaya

Subah us se hone wali baato k baad khana wese hi us se nahi khaya ja rha tha or ab to wo khana uske halaq se bilkul nahi utar skta tha,..khana tha zeher nahi tha, lekin is waqt uske lie wo khana zeher ya shayad halaq se na utarne wale kaanto k mutaradif tha...usne chand lamhe baghair kuch kahe guzarne k baad ek ghoont paani ka piya or uth kr apne kamre ko chal dia

"Zavi kh..."...amma ne use khane k lie  rokna chaha jub doll bell baji

"Me dekhti hun"...amma ne khare hote hue kaha

Darwaza kholte hi unke aage phool pesh kia gaya,..Anushay ne unhein wo bouquet pakraya

"Asalam O Aleikum,...ye kis lie??"...wo muskurate hue sawalia andaz me puch rhi thin
"WalekumAsSalam,...am...kia hum andar a skte hain?"...unhone bari narmi se pucha
"Ji Ji bilkul ayiye welcome"

Uski ammi ki awaz sun kr usne niwala nahi lia,..wo bhi barq raftari se uth kr darwaze pr agayi....unke sath khare us shaks ko dekh kr ek baar phir wo use acha lagne laga tha.....kuch maheeno pehle wo jese use dukaan k bahir acha laga tha aaj itne arsay baad bhi wo use dekh kr wesa hi mehsoos kr rhi thi jesa usne use dekh kr pehle din kia tha....White plane shirt,black pant or jel se set hoye hue halke bhuray rang k  baal or uski sunehri kanch jesi aankein jese uske honthon k sath muskura rhi thin...wo use us waqt behad acha laga tha

Usne use kuch lamhe use yunhi takne k baad mehsoos kia k amma or Anushay ab usi ki taraf dekh rhi thin....agle lamhe usne apne hulye pr ghor kia....,Black pant,full black shirt k upar black aadhi kamar ki lather ki jacket or hatta k khule hue wavy  uske baal bhi bilkul siyah thay

Usne khud pr nazre dorane k bad apna rukh apne kamre ki taraf kia or kisi se baghair kuch kahe apne room me chal di....Anushay ne ajeeb si muskurahat k sath Zaamin ko dekha,uske chere ki muskurahat bhi Zumra k sath ja chuki thi,..kam az kam Zumra ko Salam to krna hi chahiye tha...lekin jo ignore na kre wo Zumra hi kia
____________________________________

HOPE YOU ENJOYED!!!