Anaa e Ishq [COMPLETED]

Last PART 25 * ignore mistakes * Writer:Wafa Fatima

Zaviyar Khan or Maheen Noor ki tadfeen k bad wo apne ghar aye thay...itne time me subah ho chuki thi

Zumra wesi hi ajeeb se khali tasurat k sath kamre k sofay pe a bethi thi

Zaamin bhi uske barabar usi sofay pr betha tha

Wo roi kue nahi thi?..use ye baat kha rahi thi...use hua kia tha ...wo janna chahta tha

Usne chand minto bad us k hath pr hath rakkha
"Ro lo Zumra,rone se dil ka bojh halka hota h"

Wo wese hi bethi rahi,..hili bhi nahi thi..khali aankhon k sath nazre samne kisi cheez pr jamai hui thin

Wo uska hath thapthapata uth kr kamre se bahir nikal aya....sub ko tasalli to de raha tha..lekin tasalli ki zarurat use bhi thi....Zaviyar uski zindagi ka pehla dost tha,..uska koi dost to Pakistan me bhi nahi tha sirf islie k wo bohat rude tha...lekin Zaviyar ko jese rude lehjo ki aadat thi...usne Zaamin ko kese apnaya tha...ek dost...sub se ziada dukh tab hota h jub dost bhi ek ho or wo rahe bhi na...

Usne darwaza band kr k mu pe hath rakkhe gehra sans lia..chand lamhe hi guzre thay k usne kamre se aane wali wo aawaz suni..rone ki awaz..wo ab kahin ja k roi thi...phoot phoot kr ro rhi thi...pure ghar me uske ronay ki awazein goonj rahi thi...or use aesa mehsoos hua jese uske tapakte har aansu k sath wo khud ko bhi gawa raha ho

Usne andar jana chaha...phir wo ek jhatke se ruka..janta tha k agar wo gaya to wo chup ho jaiegi...uske dil ka bojh halka nahi ho payega...khud pr jabar krte,..khud ko rokte wo launch k sofay pr a betha...use Zaviyar se hone wali apni pehli mulaqat yaad ayi..

"Kia tum Turk ho?"
"Nahi"
"Hath mila yaar hum fuzool me bakwas kr rhe thay"...

Wo apni sochon me gum dono hathon se sar pakar kr rone laga tha..ajeeb banda tha...wo rota bhi tha to bagahir aawaz k..

___________________________________

Shaam ko wo shadeed surkh aankhon k sath kamre se bahir ayi thi

Wo sofay pr take laga kr soya para tha,..aankhein band hone k bawajood koi bhi uska chehra dekh k andaza laga skta tha k wo roya h

Wo surkh aankhon k sath uske barabar me ja bethi
Kuch lamhe bad Zaamin ne apne kandhay pr uska sar mehsoos kia..jub uski aankh khul gai

"Zumra?"....usne wese hi pare us pr nazar daali
"Andar ja k so jao"....wo uske kandhay se sar hatati seedhi beth gai

Ek lamhe ko surkh aankhein,surkh aankhon se mili.. or phir wo dono nazre hata gaie

"Khana kha lia?"....wo wese hi betha us se puch raha tha

Usne use dekhe baghair nafi me sar hilaya tha

"Chalo bahir se kha aayein"....wo itne time baad halka sa muskuraya tha
"Nahi abhi mood nahi h"...usne aankhein masalte inkar kia
"Mera to h"...wo uska hath pakarte khara hua.."scarf pehen aao chalte hain"...usne uska hath chorte kaha..wo asbat me sar hilati kamre ki taraf chal di

"Kia khaogi?"...wo gaari me us se puch raha tha
"Zeher"....usne maddham awaz me kaha tha
"Pehle batati wo to ghar pe bhi tha,me bilawaja le aaya tumhe"....usne mazaqia andaz me uska mood acha krne ki koshish ki
Wo kuch nahi boli thi...baaki rasta bhi wo isi khamoshi se te kr chuke thay

Wo ek restaurant me khana khane ruke thay..khana kha k wo gaari ki taraf jane lage thay

"Ice cream khani h?"...Zaamin ko samne dukan dekh kr khayal aya
"N.."...
"Han!"...wo uski baat kat te uska hath pakarte foran samne dukan ki taraf barha

"Konsa flavour?"...wo us se puchne laga
"Koi sa bhi"....usne maddham awaz me jawab dia
"Koi favourite to hoga?"
"Nahi"
"Me flavour ki baat kr raha hun"
"Me bhi usi ki baat kr rhi hun"...wo use aankhein dikhati muskurate hue boli
Wo bhi muskurata use chocolate ice cream pakrane laga