Anaa e Ishq [COMPLETED]

PART 14 * ignore mistakes * Writer:Wafa Fatima

"Kia hua aalo ki bhujia kue bani hui ho?"...Zaviyar subah nahste ki table pr us se puch raha tha
"Tumhe kia!"....wo nashta krte keh rahi thi
"Nida se larai hui h?"use yakdam khayal aya
"Apne kaam se kaam rakkho!"...usne usi lehje me kaha
"Zaamin phone nahi utha raha?"
Zumra ne barq raftari se uska chehra dekha,wo buri tarah thatki thi,....wo apni bari bari aankhein nikalay use ghoor rahi thi
Wo use dekh k muskuraya
"Iska matlab I'm right"....usne haste hue kaha
"Bakwas band kr k apna kaam kro!!"...wo gusse se bol kr table se uth khari hui
"Kidhar ja rhi ho nashta to khatam kro"...usne use TV k pas jaate dekh kr kaha
Wo baghair kuch kahe ja k TV k aage saj kr beth gai

Agle chand minto baad gate baja,Zaviyar bhi ja rha tha us ne door khola
"As'Salam'O'Alekum Zaviyar bhai"
"WalekumAsSalam Nida ,kafi der hogai aaj?"
"Jii wo aapi ko thora bukhar tha raat se abhi wo thora behtar hui thin lekin zid kr k office chali gai hain bus islie aaj late hogai"
"Oh acha acha,...me puch lunga unhe tum fikar mat kro...or suno me ja raha hun tum use mat batana gate lock krlo"...usne ahistigi se kaha
"Use pata chal gaya to me gayi bhai!"...wo yakdam boli
"Tum bataogi nahi to nahi pata chalega wese bhi wo konsa kahin nikalti h"
"Chalein acha..Khuda Hafiz"
"Allah Hafiz"

Zaviyar k jaate hi usne ahistigi se gate ko lock lagaya or Zumra k pas akhari hui

"I'm really sorry yr Maheen baji ko thora bukhar tha islie late hogai me laati hun noodles tum laga lo movie"...Nida ye kehti hui kitchen ki taraf chal di
Usne na uski taraf dekha tha na hi uski baat ka koi jawab dia tha.....Normal si baat thi,..Nida aadi thi...wo har kisi ko yunhi ignore krti thi,..ek waqt ko Zaviyar bhi uske is rawwaie ko mind kr jata tha...Nida hi wahid thi Jo uski kisi baat ko mind nahi krti thi...use achi tarah janti thi,samajhti thi...Zumra jesi attitude wali larki ko filhal sirf Nida k ilawa koi handle nahi kr skta tha ya shayad Nida ko to yehi lagta tha...

"Aapka bukhar kesa h??"....wo office me aate hi sub se pehle Maheen k kamre me aya tha
Wo hairan thi use kese pata
Phir use yakdam khayal aya
"Nida ne bataya h aapko?"
"Jii...ab kesi hain aap?"
"Kal raat se to bohat behtar hun"
"Aap chahein to off le lein jo kaam hoga me handle kr skta hun"
"No it's ok I'm fine me krlungi"
"Are you sure?"
"Yes"....usne muskurate hue kaha

******************************
Wo apne ksi kaam me masroof tha jub use Zumra yaad ayi,...kal uski calls cut krne k baad wo shayad hi us se baat krti,uska andaza theek tha,...usne use jitni martaba bhi call milai ring hi jaati rahi usne pick nahi ki,.....ye Zaamin ki khush kismati thi...uski jaga koi or hota to yakeenan is waqt wo Zumra Khan ki block list me hota
Panchwi baar call milane pr call utha li gai

"Hello!"...Zaamin ne foran phone kaan se lagaya
"Aap kon??"..aage se awaz ayi

Zumra ne uska number naam se save nahi kia tha....Nida k lie wo unknown number hi tha.....albatta Zumra ko ye number zubani rata hua tha

"Ye to mujhe puchna chahiye"
"Aap hain kon??"
"Ye Zumra ka number nahi h?"
"Jii usi ka h,lekin aap kon hain?"
"Phone use do"
"Wo TV dekh rahi h abhi kisi se baat nahi kregi"
"To uska mobile aap k pas kia kr raha h?"
"Me kitchen me thi uske room se awaz arahi thi ring ki"
"Aapne us se baghair puche attend kue kia?"
"Aap hote kon hain mujh se ye puchn.."...
"ZAAMIN BASHAR!!!"...wo jese sher ki tarah dhara...uski gusse se kahi baat kaat gaya
"Kon Zaam....Zaamin....wo jo us din gayab ho gaie thay wohi wale Zaamin??"...usne maddham awaz me kaha
"Aap Zumra ko phone dein us se bolein Zaamin baat krna chahta h"
"Mene aapko bataya h wo TV dek..."
"I don't care I said aap use phone dein!"
"Theek h agar aapko zaleel hone ka shoq h to"....wo kehti hui phone Zumra k pas le ayi

"Zumra Zaamin baat krne ka keh rhe hain"
Wo beikhtiyar uski taraf muri
Usne uske hath se barq raftari se mobile cheente hue call cut krdi

"Tumne call kue uthai!!??"....wo aatish fishan ban chuki thi
"Wo choro pehle to tum mujhe hisaab do zara.....kue call kr rhe hain tumhe ye sahab??"...use tajassus hua tha
"Tumhe kia!!???or aainda k baad se meri calls mat receive krna!!!".....wo taqreeban cheekhte hue keh rahi thi
"Acha bhaee"

Itne time me uska mobile hazar dafa baj chuka tha

Usne na rukne wali calls me se akhri wali call k katne ka intizar kia or agle hi lamhe phone powered off krdia

Nida hath me noodles k 2 bowls la chuki thi...usne ek Zumra ko thamaya or dusra khud le k beth kr ab wo dono movie dekhne me masroof thay

Uski saari koshiso pr paani phir chuka tha....koi 20 se 30 calls wo use kr chuka tha jisme se 1 attend hui thi wo bhi usne nahi ki thi jiska use intizar tha
Usne use ek or baar call milai,...is baar to had hi hogai thi...uska mobile off tha....usne gusse se apne mobile ko table pr patakh kr dono hathon se apna sar pakra, phir aankhein masli or agle hi lamhe dobara apne kaam me lag gaya

*************************
"Thanks"....Maheen ne uske room me coffee lane pr use kaha
"You're welcome".....usne muskurate hue jawab dia
Usne coffee ka ek ghunt pia phir jese uska sar chakrane laga,usne cup ko peeche krte aankhein band ki

"Aap...theek hain?".......Zaviyar ne beikhtiyar pareshani se khare hote hue  pucha
"Mere khayal me aap theek keh rhe the,..me half day ka off le leti hun".....usne khare hote hue kaha
"Jii bilkul aap jaien aaram karein,kaam to hota rahega or wese bhi sehat hogi to kaam hoga na..."

Wo apne office k room k darwaze tk pohanchi hi thi k uska sar ek bar phir chakraya or is dafa pehle se ziada tez or takleef de,..aankhein band kie wo agle hi lamhe zameen pr hoti agar use Zaviyar ne na pakra hota

"Maheen!!".....wo pareshani k aalam me cheekhte hue use awazein laga raha tha...use laga jese uski puri zindagi uske samne ho..zameen pr...giri hui...behosh..ya shayad mari hui....us lamhe uski aankhon me ek khauf sa taari hua tha

Wo office me mojood tha,cheekh cheekh kr madad ki awazein laga rha tha...kuch lamhe bad wahan majma jama hogaya,...us majme me Maheen ki kuch qareebi office ki dostein bhi mojood thin...jo pareshani se ghabrate hue uski taraf barhin to Zaviyar uth kr peeche ja khara hua...kisi ne ambulance ko call ki to koi use hosh me lane ki koshish me tha..

Wo peeche khara sara manzar dekhta raha,...aankhon me nami.....dil me khauf.....labo pe dua....jese wo us waqt koi muzasma ho...ek jaga khara..nazrein uspe jamae wo sirf  use hi dekhe ja raha tha...itni der me ambulance a chuki thi....wo wese hi khara tha...kuch larkiyon ne Maheen ko kandhay pr uthate hue ambulance tk pohanchaya....wo unke peeche peeche chal raha tha...kia office, kia kaam use kuch yaad nahi tha..
____________________________________

HOPE YOU ENJOYED!!!