Anaa e Ishq [COMPLETED]

PART 16 * ignore mistakes * Writer:Wafa Fatima

Maheen hospital se discharge ho kr ab apne parents k sath ghar a chuki thi

"1 haftay se pehle office ka naam bhi mat lena!"...Sarim sahab use samjhate hue  keh kr room se chale gaie
"Ji"...usne bed pr lete lete maddham awaz me kaha tha
"Tum aaram kro Nurbanu bhi aati hongi"...uski ammi use keh rahi thin
"Mama aap har baat pr Nurbanu anti ko kue bula leti hain,wo parosan hain theek h lekin....har baat unko bata deti hain aap..."...wo chirte hue keh rahi thi
"Beta wo parosan se ziada hamari family hain,unke husband se tumhare baba ki kitni achi banti h tum janti to ho,or phir un logo ko English bhi aati h..sub se bara plus point to ye h"...Uski ammi use samjhate hue keh rhi thin
Wo gehra sans le kr take lagai hui ab bed pr let chuki thi,uski ammi bhi wahan se ja chuki thin

Chand minto baad uska mobile ring hua

"Hello"
"Kesi hain ab aap?"....wo raat k us waqt Zaamin k sath Ankara ki sub se khoobsurat jheel EYMIR LAKE pr khara tha ,wo dono aqsar aukat usi jheel pr sukoon ka sans lene jaya krte thay...raat ki tareeki or us jaga k sunsan hone ki waja se bagahir speaker khole bhi awaz saaf bahir tk suni ja skti thi
"Behtar hun shukar h"
"Office....kab se phir?"
"1 haftay tk to mana h"
"Acha"
"Ji"

Chand mint wahan khamoshi rhi..

"Haal..puchne k lie.... hi call ki thi...Medicines time pr lega phir,Khuda Hafiz"....wo atakte atakte kehta Zaamin ki taraf mura
"Zaviyar...."...usne maddham awaz me kaha tha
"Ji?"
"Allah na kre"
"Kia??".....wo chonka tha
"Jo sub aapne hospital me mujhse kaha tha,wo Allah na kre.."....Maheen ne baat mukammal ki
Dusri taraf wo buri tarah thatka tha,...usne apne barabar me khare Zamain ko dekha jo pehle hi use muskura kr dekh rha tha
"Aap....aap jaag rhi thin??"
"Me sun skti thi,magar bol nhi skti thi,sun thi"
"Am..."
"It's ok aapne jo kaha mene bura nahi mana"

Usne beikhtiyar sukoon ka sans lia tha

"Chalein phir Nurbanu anti agayi hain me baad me baat krti hun"
"Nurbanu?"
"Wo..hamari parosan hain"
"Acha...Allah Hafiz"
"Khuda Hafiz"

"Pakka ho gaya!.."...Zaamin ne haste hue uske kandhay pr hath mara
"Kia?"
"Rishta paglay!"...wo abhi bhi has rha tha
"Just shut up!"...wo use muskurate hue keh rha tha
"Wese..."...Zaviyar ne baat adhuri chori
"Wese?"
"Zumra bhi bura option nahi h tumhe sochna chahiye"...wo muskurate hue bola
"Bako mat"....wo ab sanjeeda ho gaya tha
"Zumra kabhi kisi ko nazar utha kr nahi dekhti tum lucky ho Zaamin!"

Uske honthon pr beikhtiyar muskurahat namudar hui thi

Kuch der uska radde amal na milne pr Zaviyar beikhtiyar has dia

"Sharam kro Bashar,mujhe haftay me 1 dafa or meri behen jesi cousin ko din me 100 dafa call krte ho tum!.."
"Sharam tum kro Khan,tumne hi dia h usko mera number!"....wo bhi has dia
"Mujh pe mat daalo yar mujhe pata h"...wo haste hue keh rha tha
"Tum pe nahi daal raha yar Sach keh raha hun"....wo dono abhi bhi has rahe thay

Agle hi lamhe wo sanjeedgi se ek dusre ka chehra dekh rhe thay

"Me waqai Sach keh rha hun Zaamin,mene nahi dia use tumhara number..,infact usne mujhse manga bhi tha to mene use mana kr dia tha".....wo bohat sanjeedgi se bata rha tha
"To.......?"
"Mujhe laga tum log mile hoge to tumne hi...."
"Kahan ka milna?me to use janta bhi nahi tha jub usne mujhe call ki thi..."...usne uski baat kat te hue kaha
"Zumra itni social bhi nahi h k usne ksi se help li ho,wo apne kaam aap kr leti h"

Kuch lamho k lie wahan khamoshi cha gai thi,Zaamin gehri soch me tha or Zaviyar use dekh rha tha

"Kon de skta h?"...Zaviyar tasajjus se puch raha tha
"Mujhe confirm krne do"...Zaamin ne chand lamhe bad jeb se phone nikal kr kaan pr lagaya,kuch der baat ki or phir wo dono apne gharo ko chale gaie

*****************************
"Beta is waqt kis ko call kr rhe ho?"...Anushay uske room me Turkish kehwa lai thin,wo bahir se aane k baad mustaqil phone pr tha
"Zumra ko!"
"Zumra??...tum kue use call kr rhe ho??"...wo pareshani se uske side table pr kehwa rakhti uske bed pr bethin
"Mama kal mene uski call nahi uthai,wo ab meri calls nahi attend kr rahi!.."
"To Zaamin tum call kr kue rhe ho use??..uska number kisne dia tumhe??"
"Mama me chahta hun aap Aena se mera rishta turwa dein,..or aage aap samajhdar hain.."...wo mobile dekhte maddham awaz me keh rha tha
"Tum pagal hogaie ho kia Zaamin!!???"....wo uske bed se gusse se uth khari huin thin
"Me kese mana krdun haa????..or.."
"Theek h me krdunga don't worry!.."wo abhi bhi bohat sukoon me tha
"Zaamin ye ghalat h"
"Mama Aena nahi chahti meri us se shadi ho!.."...wo yakdam bola tha
"Kia matlab"...wo uljhin
"Matlab usne hi Zumra ko mera number dia tha!"
"Kia?..lekin...usne aesa kue kia??...or tumhe kese pata usi ne dia??"
"Mene kuch der pehle use call ki thi,usne kaha..'Zaamin mujhe pata h tum is shadi se khush nahi ho,tumhari khushi me meri khushi h or tumahri khushi Zumra ki khushi me h or Zumra ki khushi tum ho!'..."....wo ajeeb tareekay se bata rha tha
"Aena ne khud inkar kia h?"...wo maddham awaz me puchti uske bed pr dobara bethin
"Zumra or Aena ek dusre ko pata nahi kab se jante hain mama..us ne hi Zumra ko mera number dia tha..ya shayd Zumra ne manga tha ..wo mujhe nahi pata...lekin Aena ne hi mujhe bataya k Zumra ne us se kaha k wo mujhe pasand krti h to usne kaha jub koi tumhe pasand krta h or me sirf wo krna chahti thi Jo mere parents chahte hain to mujhe Zumra ki chahat ziada azeez h kue k mere pas tumhare ilawa bhi bohat options hain lekin Zumra ki baatein sun kr mujhe laga jese uske pas or koi option nahi,..me chahti hun tum hamari shadi se mana krdo or Zumra ki zindagi sawar do!."...wo saari kahani apni mama ko suna chuka tha

Khamoshi ek baar phir ghalib ayi thi

"Phir me pehle Sarwar sahab se baat krun,na jane unka reaction kesa hoga,.....phir tumhare dost k ghar chalenge...."...unhone sari kahani sun kr kuch lamhe baad use muskura kr dekha
Wo bhi jawaban muskura dia
____________________________________

HOPE YOU ENJOYED!!!