Anaa e Ishq [COMPLETED]

PART 13 * ignore mistakes * Writer:Wafa Fatima

"Zumra wapas jane ka kia irada h?"...amma khane ki mez pr us se puch rahi thin
"Filhal to nahi jana"
"To kia hamesha k lie yahin shift hona chahti ho?"
"Possible h"...wo niwale mu me daalte hue boli
Zaviyar k mu me jata niwala ruk gaya

"Ye possible nahi impossible h Zumra!..bhulo mat k tum sirf Turkey DEKHNE ayi thin!"
"To dekha kab h pura din to me ghar me pari rehti hun"
"To nikla kro Nida k sath ghuma kro,..is jaga se jald se jald apna dil bhar lo ta k me wapas ja kr sukoon ka sans le sakun.."
"Tumhe masla kia h ab to tumne yahan office bhi join krlia h,...itni jaldi hi chor doge?"
"Office ka masla nahi h wo to mene yunhi join krlia,..tum kal jaane ka bolo me foran chor dun office!"
"Nahi me nahi chahti tum itni jaldi newly join office choro,..zara 2 3 saal kaam kro yahan ta k yahan bhi tumhari koi izzat ho phir chale jaenge wapas"...usne sub kuch bare itmenan se kaha tha

Wo gehra sans bharte hue dobara apne khane ki taraf mutawajja ho gaya

***************************
"Mama me ja raha hun"...usne nashta ki table se khare hote hue kaha
"Beta nashta to pura kro"
"Nahi pehle hi bohat late ho chuka h mama.."
"Zaamin agar tumne ye nashta khatam na kia to mujhe mama mat kehna!"..unhone naraz hote hue kaha
"Acha Anushay behen Khuda Hafiz!"...usne khare ho kr ek or niwala mu me dalte hue muskura kr kaha
"Ziada Saadi Yousuf Khan banne ki zarurat nahi h mere samne!!"...wo muskura kr boli thin
"Acha na mama,..kal se pakka jaldi uth kr sare kaam time pr krlunga ..ok Allah Hafiz"...wo kehta hua hotel se nikal gaya

"Aap ye kuch ziada shoq se nahi pitay?"..Maheen lunch ki table pr usko AYRAN (Turkish lassi [chach]) pitay dekh kr keh rhi thi....wo rozana lunch k sath Ayran piya krta tha
"Lassi ki botal to milti nahi yahan isi se kaam chalana parta h"...Zaviyar ne haste hue kaha
"Ye bhi theek h"...wo muskurai

"Aapne kia kahin shadi wadi ka soch rakkha h?"...Maheen ne khate khate baghair use dekhe yakdam pucha tha

Wo thatka,...ayran peete peete ruk gaya
"Am...nahi.."...usne use dekhte hue maddham awaz me kaha

Maheen ne hath se spoon or fork chora

"To soch rhe hain?"...wo bhi ab use dekh kr puch rahi thi

"Nahi"...wo ab spoon or fork hath me le kr khane me masroof tha

"To sochenge?"...wo kehniyon tk k hath table pr bandh k rakh kr puch rhi thi

"InshaAllah"...usne khane se nazrein hata kr use dekhte hue muskura kr kaha

**************************

"Mene Sarwar sahab se baat kri h beta unka kehna tha 2 3 haftay bohat ziada h lekin jub mene kaha tumhe bohaaaat zaruri kaam hain to wo maan gaie"...Anushay raat ka khana uske sath khate hue use bata rahi thin
"Acha"...usne khana khate hue kaha
"Zaamin ab ye 2 3 haftay k bad agar tumne shadi ko or aage barhane ki baat ki to ho sakta h Sarwar sahab inkar hi kr dein....wo is baat pr bhi mujhe laga jese khafa hogaie thay"...Anushay use samjhate hue keh rahi thin
Uska niwala mu me jate hue ruka...usne usi position me aankhein utha kr apni maa ka chehra muskura kr dekha

"Kia Sach me?"...wo khana chor kr muskurate hue puch raha tha
"Khabardar agar tumne aesa krne ka socha bhi Zaamin!"...wo use daante hue keh rahi thin
"Mene kuch kaha kahan h mama"...wo muskurate hue dobara khane me masroof tha
"Ye tumhari meesni hasi h na sub batane k lie"...wo uspe gussa hote keh rhi thin
"Acha chorein na aap khana khaein"...wo unki gusse se bhari nazrein khud pr dekh kr khane ki taraf ishara kr k keh raha tha

Agle hi lamhe uska mobile ring hua jo k table pr hi rakkha tha
Anushay ne ek nazar uske phone pr daali

ZUMRA

Zaamin ko bilkul hairat nahi hui thi...is waqt sirf usi ki call a skti thi

"Ye Zumra kon h??"...Anushay ne beikhtiyar us se pucha
"Aap jaanti to hain ise"...wo maddham awaz me call cut kr k khana khate bola
"Wo....Zaviyar ki biwi??"
Wo khana khate khate is baar buri tarah se thatka tha

"Aapko kisne kaha Zumra Zaviyar ki biwi h!??"...wo khana chor k behad sanjeedgi se puch rha tha
"Kue??Zumra yahan shadi k baad uske sath ghumne nahi ayi??or us din Zumra k lie sub se ziada pareshan bhi wohi tha...uske aatay hi us se sawalat bhi to usi ne kie thay"....wo baray sukoon se anjane me jese jalti pr tel chirak rahi thin

Zaamin ne gusse se bhare chehre k sath ek gehra sans lia

"WO USKA BHAI H!!"...usne chand lamhe baad yakdam kaha tha

"Bhai??lekin..."...unki baat puri na ho saki

"Mama wo cousins hain or Zumra Zaviyar ko apna bhai maanti h!"...wo table pr nazre jamae barq raftari se keh raha tha

"Oh acha mujhe laga unki shadi hoi hui h"...wo baray itmenan se kehte hue dobara khane ki taraf mutawajja huin

Zaamin ka dil chaha wo table pr se koi cheez utha kr zameen pr phenk de...lekin naimat ki behurmati na krna or uska shukar ada krna use bachpan se sikhaya gaya tha....ZUMRA or ZAVIYAR??.....What A Mismatch!!wo andar hi andar burburaya tha

"To Zumra tumhe call kue kr rah.."...wo kuch puch hi rahi thin k Zaamin apna mobile lie kursi peeche khiskate hue us jaga se apne room me chala aya
Uska khana yunhi rakkha tha...chand lukme lene k baad wo ja chuka tha

Room me aate hi uska mobile dobara ring hua

ZUMRA

use jese us waqt uske naam se ya shayd apne wajood se nafrat hui thi,usne uski call cut kr k mobile off kia or khud ko bedardi se bed pr phenka...neend ka duur duur tak koi naam o nishan na tha...aankhon pr bazu rakhte hue wo apni ammi ki baato ko ya shayad Zumra k bare me hi sochta raha
____________________________________

HOPE YOU ENJOYED!!!