Anaa e Ishq [COMPLETED]

PART 18 * ignore mistakes * Writer:Wafa Fatima

"Kheriyat h?"...amma sofay pr bethte unse puch rhi thin
"Ji Ji"....Anushay bhi unke samne walay sofay pr bethi thin,unhi k barabar wale sofay pr Zaamin betha tha

Kuch der bad wo uth kr Zumra k kamre ki taraf gaya,..usne gate knock kia

"Aao"...wo mobile dekhne me masroof thi,....jub Zaamin ko wahan dekh kr uske chehre ka rang urh gaya
"Tum!??".....wo bed se uth khari hui

Zaamin ne sar se per tk ek nazar use dekha,..wo kuch der pehle wali Zumra to bilkul nahi thi,..saday se shalwar kameez me,baalon k bun k sath,sar pr dupatta urhe hui thi....15 min me usne apna hulya badal lia tha,...na jane kis k lie..

"Aap kisi or ka intizar kr rhi thin?"...usne uske hairan kun tasurat ko dekhte hue kaha

"Aap log meetha kue laye hain!!??"...wo pareshani se beikhtiyar boli
"Meri shadi ki date jo fix ho gai h"....Zaamin ne bare itmenan se muskurate hue kaha
"Haa???kes...matlab?...kis se???".....larkharati awaz k sath uski aankhein rone wali ho rhi thin
"Arayy...'AAP' ne hi to kaha tha aapko brain hamarage ho gaya h...to mene socha connection kahin or connect kr lun"...wo jalti pr tail chirakne me mahir tha

Wo chand lamhe kuch na keh ski....sakit khari uska chehra takti rhi

"Bahar jao"...usne us se nazre hatate hue maddham awaz me kaha
"Ji?"
"Bahar jao Zaamin"...wo zameen ko dekhte keh rhi thi
"Ac....ha..."....wo ajeeb si muskurahat k sath uske darwaze se bahir nikalne laga

"Wese batana ye tha k mene 'BRAIN HAMARAGE' kubool kr lia h"....wo bagahir mure ye kehta hua kamre se nikal gaya

Wo murh k dekhta to Zumra k chehre ki us hairangi or khushi ko wo bakhubi mehsoos kr skta tha,....wo usi jaga khari khule darwaze ko hairnagi se tak rhi thi...samajh to kuch nahi aya tha lekin is baat ka yakeen tha k wo kuch acha hi keh gaya h

***************************
Usne kamre me aate hi darwaza band kr lia tha,...wo bistar k konay me dono hathon se sar pakar kr betha tha,...aankhon me aansu,dil me udasi or dimagh pr gussa sawar tha.....usne use ye sub pehle kue nahi bataya tha??..wo bed k konay pr betha shadeed gham ki kaifiyat me tha....wo ro bhi raha tha or gusse me bhi tha

"Zavi!"....Zumra ne uska door knock kia
Usne bed se khare hote apni aankhein masli or darwaza khola

"Kia musibat h??"...wo chirh kr bola
"Tumhara dost aya tha,tumhe khabar bhi h?"
"Mera dos?...Zaamin?? Zaamin aya tha?"....wo sawaliya andaz me puchne laga
"Tumhare jeso k hote hi kitne dost hain"
"Mujhe bataya kue nahi yar"
"Tumhare paon me mehendi jo lg gai thi Nida ki baat sun k"....usne qadre laparwahi se kaha,...na jante hue wo uske zakhmo pr namak chirak rhi thi

Usne aankhein band kr k gehra sans lia

"Aya kue tha?"
"Pata nahi,uski ammi bhi ayi thin..amma se kuch baat kr k wo dono chale gaye"....usne uljhe lehje me kaha
Wo jawaban muskuraya tha,...wo kue aye thay use samjh agayi thi

"Hasne ki kia baat h!??me serious baat kr rhi hun yahan!!!"....uske muskurane pr wo jal k boli
"Wo bhi serious baat hi krne aye thay"...usne muskurate hue maddham awaz me kaha
"Kia matlab?"....uski nazre idhar udhar dor rhi thin
"Zaamin ne kuch kaha nahi tum se?"
"Usne jate jate sirf itna kaha tha k use BRAIN HAMARAGE kubool h"....wo jante hue bhi uljhe hue lehje me keh rhi thi

Wo un dono ki us din hospital me hone wali call ka sochte hue beikhtiyar has dia

"Zumra tum itni bewaqoof kab se ho gaien??"...wo haste haste keh rha tha
"Samajh gaie ho to samjha bhi do"....wo chirte hue kehne lgi
"Amma se puch lo ja k"....usne apni hasi pr kabu pane ki koshish ki
"Wo sonay ja chuki hain"
"To kal puch lena"
"Itna intizar kon kr...."..wo zameen ko dekhte keh rhi thi k uski nazar Zaviyar pr pari jo honth beeche hasi dabaye hue tha
"Tum has lo pehle"....wo khafgi se boli
"Acha...sorry..."...usne halka haste kaha
"Wo tumhe lene aye honge"...usne kuch lamhe bad sanjeedgi se kaha

Wo mu khole uski is baat pr use palkein jhapkae bagahir use ghoor rhi thi

"Matlab?"....sub kuch jante hue bhi anjan banne ka talent koi is waqt us se seekhta
"Zumra wo log zarur tumhari or Zaamin ki shadi ki baat krne aye honge!!...or kia maqsad ho skta h,khas tor pe jis din wo mere sath jheel pr tha,ghar aane se pehle wo wali call k bad mujhe laga hi tha aesa kuch hone wala h"...wo muskurate hue keh rha tha
"Konsi call??"...uski suin bhi ajeeb jaga atakti h
"Arayyy...choro call ko yehi baat hogi tum amma se confirm kr lena"...usne uske kandhay pr hath rakhte kaha

"Ab jao..ya apne darwaze k pas me sofa lagwa dun tumhare lie?"...wo hamesha us se uske darwaze pr khare ho kr baat krti thi...or baz aukat Nida se bhi ziada us se kr lia krti thi k wo aesa bhai tha jo judge nahi krta tha..madad krta tha

Wo apni khushi ka izhar kie bagahir wahan se chal di,...haal usne Zaviyar ka pucha hota to wo us khushi ko kabhi mehsoos na kr skti,apna dil maar k dusro ka dil rakhnay k lie bhi dil chahiye hota h,Jo k Zaviyar Khan k pas tha..
Wo kamre me aakr door band kr k darwaze k aage hi beth gaya tha,dono bazu ghutno k gird bandhay wo aankhein band kie betha tha

****************************

Usne kamre me aate hi Zaamin ko call ki

"Hi"...
"Banday ko Salam krna chahiye hi hi to mareez bhi krte hain"....wo jal kr boli
"Acha"..."ahen ahen"...usne gala saaf kia
"As'Salam'O'Alekum Mohtarma Zumra,kese mizaj hain aap k?"...wo bari sharafat se bola
"WalekumAsSalam Ji,bohat sare hue mizaj hain,..aap bakiye"...wo aesi hi zubaan istemal krne ki aadi thi
"Kabhi izzat se bhi baat kr lia kro"
"Tumne misal suni h? 'jesa mu wesi chapair'??".....wo bed pr bethi muskura kr boli
"Ufff.....khair dafa kro.."

"Zumra".....wo kuch der baar yakdam bola
"Hm?"
"Aaj hum kyu aye thay tumhe pata to chal gaya hoga"
"Amma to tum logo k jaate hi kamre me ja kr so gai thin,..mujhe kese pata chalta"...wo ye khush khabri uske mu se sunna chahti thi
"Acha....chalo phir kal pata chal jaiega"...usne bari sahulat se kaha
"Kue bhaiee tum bata do mar thori jaoge!"....wo gusse se boli
"Kia pata mar jaun.."....usne muskurate hue keh kr phone band kr dia

Wo phone kaan se hata kr kisi tasur k bagahir mobile ki screen dekh rhi thi...kuch lamhe bad usne uth kr light off ki or sonay k lie let gai
____________________________________

HOPE YOU ENJOYED!!!