Anaa e Ishq [COMPLETED]

PART 19 * ignore mistakes * Writer:Wafa Fatima

"Zaviyar nahi jaga?".....wo dono Nida k sath nashte ki mez pr thay
"Pata nahi"...Zumra ne kaha
"Kal wo khane ki mez se bhi jaldi uth gaya tha"....amma ki pareshani me izafa hua
"Chorein,bhook nhi hogi"...Zumra ne jese jaan churai

"To ho gai taiyarian??"...wo Nida se mukhatib huin
"Ji jari hain"
"Chalo Allah achay naseeb kre"
"Ameen"

Agle kuch lamhe bad wo kamre se nikal kr kitchen ki taraf gaya,paani ki bottle bhar kr wo wapas room me jane k lie mura

"Kia hua h tumhe?"....darwaze ki chokhat pr khari Zumra us se maddham awaz me puch rhi thi

Taweel ho ya mukhtasir,..Wo ziadatar darwazo ki chokthato pr khare ho kr hi guftugu kia krte thay

"K..ia??"...
"Kal khana nahi khaya,aaj nashta nahi kia..aankon ka haal dekho lg rha h kisi ne khoon k qatre tapkaye hon"...wo neeche se upar tak use dekhte hue boli
"Zumra tum kehti ho sub ko apne kaam se kaam rakhna chahiye nahi?"....usne mouzu badalne ki koshish ki
"Bilkul!" ...  "lekin pehle mujhe is cheez ki justification do k kal aadhi raat ko jub me kitchen me ayi to tumhare room se rone ki awaz kue arahi thi!??"

Wo waqai lajawab ho gaya tha,wo raaton ko jaagti h ye jante hue bhi us raat use kuch yaad nahi tha...

"Rone ki awaz??"...wo beikhtiyar hasa..."Darao to mat yrr mujhe neend nahi ayegi raat ko"....wo baat ko chupane ki koshish me tha

"Zaviyar mene khud suna tha tum ro rhe thay!.."...usne is baar jumle pr zor dete hue kaha
"Pagal ho yar me kue rounga??bila waja??".. .wo apni baat pr qaim tha
"Bila waja to nhi khair.."....usne muskura kr kaha
"K..ia.. ma..tlab??"
"Kal Nida ki baat sunne k bad se tum ajeeb behave kr rhe ho"....usne sanjeedgi se kaha
"Nahi to...i mean pareshani ki koi baat nahi h,aaj kal office me kaam ziada h islie thakan itni hoti h khane se pehle letne ko dil krta h...,or kal to Saturday tha,me jaldi so gaya tha raat ko ta k agle din tumhe or Nida ko le jaun market..tumhe ghalat fehmi hui hogi"...wo muskurata hua baat chupa gaya
"Acha.....keh rhe ho to Sach hoga....or choro market warket aaj mera mood nhi h agle hafte dekhte hain"...wo itna keh kr dobara table pr a chuki thi

Wo wahin khara uske sawalat dohra rha tha
"Agar me tumhe bata bhi dun to kia faida,ulta tum hi phas jaogi"...wo sochte sochte apne kamre me chala gaya

"Zumra kal Zaamin or Anushay anti ayin thin na..."...amma k kehne ki der thi k uske mu me jata niwala palat gaya

"Kia keh rhe thay?"...usne maddham awaz me pucha
"Wo.....Zaamin kesa h tumhare khayal me?"
"Matlab?"
"Acha ya....bura?.."
"Dono"
"Wo Kese?"
"Acha khasa bura h"....usne mu saaf krte laparwahi se kaha
"Zumra Acha khasa to h"....Nida ne use kohni mari
"Wohi keh rhi hun ACHA KHASA bura h"...usne daant beech kr kaha
"Beta wo kal tumhare lie aye thay"...amma us se mukhatib huin

Wo yehi sunna chahti thi

"Acha..to?"...usne khane se nazre hatae baghair kaha
"To ye k agar tum kaho to Baray sahab se baat kr k HAN kr dun?...wo chahte hain jaldi ho to...5 din baad Jummay ko h."...wo us se maddham awaz me puch rhi thin
"Haannn!!"......Nida yakdam table se uth khari hui
"Mujh se pucha h tum se nahi"....wo sanjeedgi se boli
"To tumhare lie hi keh rhi hunn,Zaamin bhai achay to hainnnn"......khushi thi Zumra ko lekin izhar jese Nida kr rhi thi
"Marzi h"...usne do lafz kahay or aakhri niwala mu me daalte hue apne kamre ko chal di

Amma or Nida hairan thay wo yun to koi baat nhi mana krti thi,..Zaviyar to janta tha..Nida ko bhi thora bohat kuch pata hi tha lekin amma k lie uska maan jana bohat bara shock tha..

Wo saray shadi ki taiyarion me masroof thay ek taraf Zaamin or Zumra to dusri taraf Maheen or Süleyman...

**************************

"Kese ho yr kahan ho dikhte hi nhi ho aaj kal....kal aya tha me pata bhi h tumhe?"...Zaamin us se call pr puch raha tha
"Kahan honge yr ghar se office, office se ghar yehi zindagi h,...han bataya tha mujhe kal aye thay tum"....Zaviyar ne bezari se kaha

"Bhabhi kesi hain?"....Zaamin ne kuch lamho bad beikhtiyar kaha

Uska dil o dimagh ek baar phir tareeki me jane laga tha

"Kon?"
"Are bhabhi"...usne haste hue apne alfaaz dohraye
"Meri shadi nhi hui tum jante ho"...usne gehra sans bharte kaha
"Hogi to na"
"Nahi"
"Kia matlab??"....wo chonka tha
"Zaamin me.......me baad me call krta hun tumhe"...usne apne gaalo pr nami mehsoos krte hue,awaz badalne se pehle or siskiyon ki awaz Zaamin tk jane se pehle call cut krdi

Dusri taraf Zaamin ne pareshani k aalam me agle hi lamhe Zumra ko call ki.....usne apni novel se nazre hata kr na gawari se apne cell ko dekha...yakeenan wo is waqt kisi ki call uthane k mood me nahi thi....usne call cut krne k lie cell uthaya...lekin jiski call thi wo use cut nahi kr ski...wo muskurate hue ek jhatke se novel side me rakhti uth kr bethi...usne apni muskurahat ko zabt krte call uthai

"Zumra"
"Bako"
"Tameez'
"Bakiye"
"Uffff"
"Agay?'
"Zaviyar...."
"Tumhari baat hui us se??"....uske kuch puchne se pehle hi Zumra ne sawal kr dala
"Kuch hua h kia??"
"Wo hamari building me ek anti rehti hain Nurbanu,Nida ki ek bari behen hain Maheen, I think Zavi use like krta h or Maheen baji ki Nurbanu anti k bete Süleyman se shadi ho rhi h to...."....Zumra ne bed pr bethte hue use sari kahani sunai

"You think??"......I'm 100 percent sure he likes her!."....Zaamin ne pukhtugi se kaha.."usne mujhe kue nahi bataya yar"
"Tumhe pata h Mahee.."
"Han puri story pata h lekin is story ka end sad to nahi hona chahiye yr"
"Oh,mene fazool me apni energy waste ki"
"Zavi ghar pe h?"
"Han"......."kue?"
"Thank you information dene k lie, rakkho ab"
"Sirf ye puchne k lie call ki thi??"....wo khafgi se boli
"Nahi is k ilawa ye bhi batao shadi kab h?"
"5 din baad".....usne khushi se jawab dia
"Itni jaldi???"....."kue???"
"Kue Tumhe koi aetiraz h???"....usne hairangi se pucha
"Han!or sirf mujhe nahi tumhe bhi h yr I know"
"Mujhe kue aetiraz hoga Zaamin???"....wo abhi bhi uljhi hui thi
"Zavi pasand krta h na usee!!!Kidhar dimagh h tumhara!!??" ......wo apne sath sath use bhi uljha rhi thi
"Acha tum unki shadi ki baat kr rhe ho...."
"Jiii"....or kiski.?..."
"Mujhe laga...."...."Khair unki me bhi koi  ziada waqt nahi h,hamare agle hi din Saturday ko unki h"
"Acha"....."To pata chal gaya aapko?"
"Han.... amma ne bataya aaj"
"Kal to unhone time manga tha"
"Han to unho ne chacho chachi se bhi to baat krni thi,wo log bhi 2 4 din me yahan honge or sub se pehle to unhe is baat ka dar tha k me nahi manungi.."
"To aap maan gaien?"....usne muskurate hue pucha
"Jo aapki marzi,wohi meri"...usne pehli bar kisi ki marzi me apni marzi milai thi,warna wo sirf apni marzi krne walo me se thi
"Theek h phir me inkar kr deta hun"...usne use cherte hue keh kr muskurate hue call cut krdi

"Nakhre or Ghuroor to banta h tumhara,tum pasand uski ho jise koi pasand nahi aata"....wo muskurati hui cell side me rakhti dobara apni novel ki taraf mutawajja hui
____________________________________

HOPE YOU ENJOYED!!!