Anaa e Ishq [COMPLETED]

PART 4 * ignore mistakes * Writer:Wafa Fatima

Raat ko jub wo sone k lie leta apni sochon me gum tha tab uska phone ring hua...usne call pick ki

"As'Salam'O'Alekum..."
"WalekumAsSalam beta kese ho??"...Anushay us se puch rahi thi
"Theek hun mama...aap sunaien"
"Me kia sunaon,kisi ne mujh se kaha tha 'me roz call krunga' phir bhi roz mujhe hi krni parti h"...wo gehri sans bharti tanz kr rahi thin
"Mama roz to krta hun bus aaj kr lia aapne...or aaj bhi me kr leta lekin bus wo halka sa sar me dard ho raha h thakan ki waja se is lie nahi kr saka...sorry"...usne maazrat ki
"Acha chalo phir tum koi tablet le kr so jao..ziada der mat jaagna neend puri kro...Allah Hafiz"
"Jii ok Allah Hafiz"...usne ye keh kr apni ammi k call cut krne ka wait kia...kuch seconds baad wo call cut kr chuki thin...usne mobile ko dobara side table pr rakkha or bed pr let gaya

Agle hi lamhe uska mobile dobara ring hua

Usne bari bezari se mobile uthaya,wo waqai bohat thaka hua tha...call unknown number se aa rahi thi...wo us jaga apne office k kaam ki waja se aya tha,ek unknown number bhi uske lie bohat zaruri hua krta tha k shayad office ki taraf se koi h

Wo uth kr beth gaya...Number pr Turkey ka hi country code tha

"Alo!"(hello)...usne kaan se mobile lagate kaha
"Kese ho?"....dusri taraf se Urdu me awaz ayi thi...
"Aap kon??"...wo tajassus se puch raha tha
"Insan..."
"Ab janwar ya jin to mujhe call krne se rahe....insano me se konsi category h aapki??"...Zaamin ne sawalia andaz me pucha
"Larki!!"..usne usi lehje me jawab dia

"Madam aapne shayad wrong number pr call kr li h,me aapko nahi janta..."
"Lekin me to janti hun..."
Wo is jumle pr thatka tha

"Aapka naam kia h??"
"ZUMRA KHAN"
Chand lamho k lie wo yaad krne laga k is naam k kisi insan se wo mila h aaj tk?

"Dekhen me aapko waqai nahi janta or ye naam bhi mene pehle kabhi nahi suna"...kuch na yaad aane pe wo bolne laga

"Rare name h sunna mumkin bhi nahi h"...wo aage se haste hue boli

Uski hasi is waqt use zeher lag rahi thi,..sar dard se phat raha tha

"Aap is waqt mazaq kr rahin hain mere sath ha??Time dekha h aapne??ye sonay ka waqt h...insan k bacchay is waqt sotay hain halake ullu k bacchay jaag rhe hote hain"...uske andaz me shadeed gussa tha
"Aap khud ko ullu to na kahein..mujhe acha nahi lagega"...wo haste hue boli
Wo ajeeb se tasurat k sath uski ajeeb si batein sun raha tha...Zaamin ne agle hi lamhe call cut kr di

Ab uska sar pehle se ziada dard kr raha tha...yun jese ab phatnay wala ho

Phone dobara ring ho raha tha....usne chand minute call silent pe kr k cut hone ka intizar kia,ring k band hote hi number block kr dia or sar dard ki tablet kha kr so gaya

_______________________________

Agli subah Zumra nashte ki table pr ayi..baray arsay baad wo aaj muskura rahi thi
Zaviyar or Nida use hi ghoor rhe thay

"Kheriyat??bari khush ho aaj"...Zaviyar muskurate hue keh raha tha
"Mere khush hone se bhi masla h tumhe?"...wo nashta krte keh rahi thi
"Nahi..aese hi puch lia"

"Aaj konsi movie lagaun??"Nida nashta krte hue us se puch rhi thi

"Koi HAPPY HAPPY si lagao jis me rona dhona or horror si cheezein na hon!"...usne bari excitement se muskurate hue kaha tha

Zaviyar or Nida ne ek dusre ko murh k sawalia nazro se dekha

Wo use sun k or dekh k muskuaye thay...wo kue itni khush thi iski waja unhein nahi pata thi...lekin Zumra ko khush dekh kr jese wo bhi khil uthe thay

"Me kaam se zara bahir ja rha hun...kuch chahiye tum logo ko?"...Zaviyar nashta khatam kr k Gate ki taraf barha
"Spicy wale noodles k do teen packets le aana"...Zumra ne nashta krte hue kaha
"Tum or tumhare noodles"...wo maddham awaz me kehta hua bahir nikal gaya