الهوى يبقى هواك واغلى منك مالقيت

تعريفّ الشخصيَات

سبحان الله وبحمده سبحان الله العظيّم ..
الحمدلله دائمًا وأبدا ..

-
آل سليمّان

الجّد سليمان , والجّده نوره
حظىّ بهم الزمن ليحصلون على 4 أبناء وثلاث بنات
الابن الاكبر : سعيّد متزوج 65 ، زوجته متوفيه
عليه بنتين ولد ، ريمان 24 وريفان23 ، وسليمان ، 26
الابن الثاني : ذياب 62 ، زوجته ساره (4أبناء 2بنتين)
البكّر : فهاد 32 سنه زوجته بُدور ، عليه ولد (سليمان) ب أسم جده
الابن الثاني : محمد 30 سنه خاطب بنت خالته ( لمياء)
الابن الثالث : عنّاد 27 سنه أعزبّ ياخذ من صفات جده الكثير
البنت الاولى : العنود مدلّعه لأنها أول بنت بين ثلاث أولاد وبعض الاحيان تطغى عليها صفات الاولاد عمرها 21 سنه ، أقرب صديقها لها ( غرّام بنت عمها )

التؤأم : شهد وفهد 9 سنوات تصرفاتهم طفوليه بزيادّه ومستحيل يتفقون على رأي واحد .
،
الابن الثالث للجد سليمّان : عقاب 60 سنّه متزوج ثنتين عايش بمديّنه ثانيه (الرياض) زوجته الاولى
فاطمه 53 سنه عليها ولد عبدالرحمن 26 سنه متوظف ، البنت الثانيه وجدّ 23 سنه ، عاطّله متخرجه لها ثلاث سنواتّ كل الحقد والحسد والغيره تحمله ل أختها (غرّام)
زوجته الثانيه ، وّرد أصغر من عقاب بكثير 43 سنه
عليها بنتها الكبيره ( غرّام ) 20سنه مدلعه متجاهله أختها وجد الحقوده ، وللأن م تدري وش سبب حقد أختها إلا انها مفكره أنها مُجرد غيّره لا أكثر ولا أقل ، أمها انسانه جدًا حبوبه وطيوبه دايم تتلقى أسوء الذم من حريم الديره بسبب تربيتها لبنتها ، لانها تلبس عبايات ملونه وتسوق وإمراه مستقله ، ولانها قررت تكمل الجامعه م رضو بحكم انه عيّب ! وعار ..
لكن يجبل م يهزكّ ريح وماترضى أحد يتكلم عليها او على أمها او أختها الاصغر ( غيّم ٩سنوات) أقرب صديقه لها ( العنود)
-
سطام ابن الجد سليمان
، 40 سنّه مُطلق عليه ولد ( راكان ) 12سنه
-
وفاء 61سنه بنت الجد سليمان طيبّه وحنونه متزوجه م عليها عيال ( عقيّم)

هيفاء 55سنه متزوجه عليها بنتين نوره24 وسلطانه 18 من أسوا العمّات تحمل حقد كبير تجاه زوجة أخوها ( ورّد وبنتها غرام)

جميله ، 42 متزوجه عليها خَالد وخلود تؤام 26سنه .

-
الساعه 11 الصبّح في بيت عقاب ،
فاطمه : عقاب جمعتنا هنا ليه؟
عقاب : أصبرو لين البنات ينزلون ويجون
عبدالرحمن : أبوي فيك شي؟
عقاب : لا مافيني شي الحمدلله هذا انا قدامك شايف فيني شي؟
عبدالرحمن : لا
عقاب : وحده تنادي البنات
وردّ : اكيد نايمين
عقاب: صحوهم
وجد بكرُه: لاتصحين بنتي بصحيها أنا
تجاهلتها ورد وصعدت فوق تصحي غرام
فتحت باب غرفتها بردت أطراف يدينها من برودة المكيف العاليه ، تقدمت بخطواتها متجاهله الاكياس والميكب والملابس المهلمه بالارض ،
ورد بحنيه : غرام يبنتي أصحي ابوك لهه ساعه ينادي
غرام بطبّعها نومها خفيف ،
فتحت عين وعين لا ،
غرام : وشو؟
ورد : يبنتي أصحي ابوك ينادي
غرام وهي تتمددّ وتحاول تصحصح: وش يبغى
ورد: قال لين تنزلون ويقول
غرام : خلاص شوي وانزل
ورد: بنزل تحت يويلك ألاقيك نايمه!
غرام : معليك روحي م بنام
وقفت غرام وتقدمت نحو الحمام (وأنتو بكرامه)
أخذت لها شور سريع تحاول تصحصح لكن النوم يغلبها لان م نامت أمس كويس بددت تسوين روتينها اليومي لبشرتها لبست بجامتهاا ورفعت شعرها ب أهمال ومتجهه تنزل تحت لكن استوقفها صراخ عمتها فاطمه على أختها وجد ضحكت لانها تعرف أختها أنسانه نومها ثقيل جدًا تجاهلتها ونزلت تحت
-
بغرفة وجد
فاطمه: وجدد اصحييي فشلتيني عند عمتك واختك قومييي
وجد بصوت مليان نوم : شوي واصحى
فاطمه لفت نظرها قارورة ماي تقدمت نحوها وبتهديد : والله لو م صحيتي ل أكبها عليها
وجد : لا يمه !
فاطمه: قومييي
وجد وهي تعتدل بوقفتها متجهه للحمام : اسستغفرالله يعني الواحد م ياخذ راحته بالبيت ولا يقدر ينام مثل الخلق شكلكم تبون اصير بومه
دخلت الحمام وسكرته بقوه
فاطمه : هالبنت بتجنني
فاطمه بصوت أعلى : شوي وتنزلين ابوك يبغاك
-
عقاب : غرام وين اختك؟
غرام: تلاقي عمتي فاطمه للحين تحاول تصحيها
فاطمه وهي تنزل مع الدرج : لا يحبيبتي بنتي صاحيه من صباح لكن قاعده تجهز نفسها
غرام بضحكه شماته : إي واضح لدرجة قبل شوي جالسه تصارخين عليها تصحى
أعتلت ضحكت غرام بالمكان
فاطمه جلست على الكنبه وهي بخاطرها تردد : الله يفشلك يوجد فشلتيني
عقاب : خلاص اقصرو الحسّ ولا لازم أقعد اردد هالكلام ، احششموني !
غرام: محشوم ي أبوي
ورّد : محشوم ي أبو عبدالرحمن
قاطعهم دخول وجد بشعرها الكيرلي الي حتى م مشطته حطت غرام يدها على فمها تكتم ضحكتها جلست توزع نظرها بالمكان تحاول م تضحك ،
عقاب : جمعتكم هنا ل أجل اقولكم موضوع

فاطمه بفضول : وشو؟
عقاب: خلي أكمل
فاطمه التزمت الصمت
عقاب : بنرجع للديره
وسعو عيونهم بصدمه!
ورد : ليه نرجع ؟
عقاب : ل أجل نعيش هناك
فاطمه: ابو عبدالرحمن ! انت صادق
عقاب : شايفتني بزر ؟
فاطمه:محشوم ، لكن غريبه وليش قررت كذا فجاءه
عقاب : صحيت على نفسي ودوامي نقلَ قريب من الديره واكون حولكم لان لو تركتكم دقيقه احرقتو البيت علي
غرام: أبوي طيب لو نروح هناك وش بنعيش؟
عقاب: في بيتنا الاول
فاطمه بصوت عالي : مسسستتتحيلل تحطني مع ورد بدُور واحد !
عقاب : أقصري الحس هذا اولًا ثانيا مجبورين لفتره بسيطه بس م بنطول !
ورد: الي تشوفه ي ابو عبدالرحمن
وجد : ابوي ودوام دحوم؟
عقاب: عبدالرحمن رجال ويقدر يتدبر أمره يجينا بالاجازات وايام الفاضيه عنده ووقت دوامه يجي بيته الي هو هذا
غرام : متى بنروح؟
عقاب : الاسبوع الجاي
غرام : فيه غير هالكلام؟
عقاب:لا!
غرام: تمام ،
رفعت نظرها ل أمها : أبصعد فوق اذا جهز الغدا أرسلي علي ماريّا تعلمني
ورد هزت راسها بالايجاب
صعدت غرام وهي تحس نفسها متكسره تبي تنام لكن قلبها جدًا فرحان ! لانها بتكون قريبه من صديقتها العنود صح م تبغى الديره بسبب الحريم وتفكيرهم الجاهلي لكن مجرد م تذكر العنود تنسى منهم تقدمت اخذت جوالها ترددت ترسل للعنود؟ او يمكن للان م حصل شي ويجلسون يخططون وبعدين يتفركش كلشي! قررت تسكت لين يثبت روحتهم للديره تقدمت للمرايه وهي تتأمل ملامحها الجميله مغرمه بذاتها وجدًا ابتسمت وهي تطالع نفسها م تدري كيف تقدر تتأقلم مع الديره هي يادوب تتحمل ايام العيد يومين وتلقى أسوا الذم والكلام تجاهها لو جلسو أكثر وش بيحصل؟ غمضت عيوننها تتجاهل أفكارها ابتسمت من تذكرت أنها بتقابل نجلَا صاحبتها الي من الرياضَ ، متفقين ومتواعدين يتقابلون بالكوفي بالعصر لكن سرعان م كشرت من تذكرت ممكن يرفض ابوها لكن مالها الا حل واحد ! أمها تنقعه وقفت وهي تتجه تنزل تحت تكلم أمها تنقع أبوها من الان ..

-
اذكرو الله 🤍🤍
ماكانت لي نيه اسوي حساب واتباد وانزل فيه لاكن عشان البعض وقُراءه ممُتعه 🤍
انستا iiwahum_