الهوى يبقى هواك واغلى منك مالقيت

3

سبحان الله وبحمده سبحان الله العظيّم ..
الحمدلله دائمًا وأبدا ..

غرام وعيونها مسكره : يمه تكفيين مانمت زين روحي انتِ
ورد : قومي اخلصي علي
غرام قامت : ابي اطلع قبلها لكوفي قريب اخذ قهوه وارجع تمام ماحب اكل على طول
ورد : خلاص زين الفطور الساعه 7 ونص قومي صلي وروحي بسيارتك وارجعي اياني وياك تتمشين خذي قهوه وارجعي
غرام باست راسها : ابشري ابشري
اخذت لها بنطلون وتيشرت ودخلت الحمام وانتُ بكرامه تاخذ شور فرشت اسنانها وسوت روتينها ورفعت شعرها بأهمال طلعت فرشت سجادتها صلت طوت سجادتها على الكرسي وقامت اخذت عبايتها وشنطتها ونظارتها وطلعت باست راس امها وطلعت
كانت بتركب سيارتها بس شافت واحد يطالع فيها وعرفت انه عناد ناظرته بكرهه و لبست نظارتها وركبت سيارتها تدق على العنود
غرام : اهليين
العنود : ارحبي شعندتس داقه الفجر
غرام : اطلعي احتريك برا
العنود باستغراب : ليه وش بغيتي
غرام : امشي نطلع كوفي
العنود بخوف وتهمس : تستهبلين انتِ ولله لو يشوفني ابوي ولا اخواني هجدوني انا وانتِ
غرام برجاء : عنوديي يلا تكفين بس بناخذ قهوه وناخذ امي ونروح سوا بيت جدتي قولي له بروح لبيت خالتي ورد
العنود تاففتت : افف منك ياغرام قفلي قفلي بكلم امي واذا وافقت جيت !
العنود عطت خبر امها بالبدايه عيت ان لو ابوها وعمها درو بتقوم القيامه بس حاولت تقنعها بصعُوبه وافقت وكلمت غرام تحتريها وهي ميته رعب ابوها او واحد من اخوانها يشوفها

اما عند عناد
كان راجع من عند بيت عمه سعيد شافها بعبايتها الكحليه طالعه وراكبه سياره انصدم انها تسوق بالديره وبراسه مليون فكره شلون عمي رضى عبدالرحمن ماهاوشها وعندها سياره لو درا جده قامت قيامه على عمه !!
دخل البيت يحاول يتجاهل الافكار اللي داهمته يوم شاف غرام شاف العنود تلبس عبايتها
عناد : وين رايحه
العنود بتوتر خفيف : استاذنت من امي بروح لم خالتي ورد اساعدها عشان فطور بيت جدي
عناد كان ميت نوم ولا له خلق يناقش : خلاص زين انتبهي على عمرتس
العنود : لاتوصي يالله فمان الله
عناد : معسلامه
طلعت العنود بسرعه وبتوتر كبييير اول مره تغامر كذا
غرام : ارحبيي
العنود : بسرعه بسرعه امشي لايشوفنا احد
غرام استغربت وحركت : شفيك انتِ متوتره ترا اقصاها رايحين ناخذ قهوه
العنود بتوتر : يختي انتِ ماتعرفين لو شافونا ولله ينهونا
خصوصاً عناد خلقه مايطيقتس
غرام برفعه حاجب : ليه ينهونا ترا قهوه بعدين اخوك شفيه كذا
العنود بضحكه : مدري عنه
غرام لفت بضحكه خفيفه : توك كنتي خايفه شفيك تضحكين الحين
العنود : يعني ماضحك خلاص ابشري
غرام : لا امزح معك اضحكي
العنود ضحكت : شغلي شي
غرام : كم عنوده عندي ابشريي
شغلت غرام وجلسو يصورون بنظاراتهم ويستهبلون ويرقصون لين وقفو عند الكوفي واخذت غرام قهوتها المُفضله V60 والعنود نفسها وجلسو يسولفون وغرام ترسل لنجلاَ الفيديوهات ورجعو لبيت عقاب عشان ورد والعنود ركبت ورا ركبت ام غرام لفت باستغراب وجود العنود : السلام عليكم ردو السلام غرام : رحنا كوفي اخذنا قهوه وجيناك العنود محد يدري انها راحت كوفي قالت انها بتساعدك تكفين غطي علينا ، ام غرام طيرت عيونها : تستهبلين كيف بدون علمهم وحطيتو انها تساعدني مافكرتي بخالتك وبنتها بالبيت ويمكن شايفين
غرام : يمه ذولا حتى مطبخ مادخلو وحده بفراشها نايمه والثانيه بالصاله تتابع صباح الخير ياعرب
العنود وام غرام ضحكو
غرام بروقان : ايوا خلوكم كذا مروقين يمه جربي قهوتي بتعجبك
ام غرام : محد يشرب قهوه قبل الفطور غيرتس انتِ والعنود خربتيها معتس وخريها عني
العنود ضحكت : خالتي انا من يومي اشرب بلاك كوفي قبل الفطور عناد يجيب لي
ام غرام : اها يلا يلا لبيت جدتس لا نتاخر امتس بتجي يالعنود
العنود : ايه ياخاله
ام غرام : حركي حركي بسرعه لاحد يشوفتس
غرام حركت : شفيك يمه واذا شافو
-
بعد خمس دقايق
ووقفت قدام بيت جدها ونزلت مع امها والعنود ودخلو سوا لبيت جدتها وسلمت على جدتها بكَل برود
وام غرام دخلت الاكل داخل وجت تسلم على ام زوجها بكل هدوء اما غرام والعنود توجهو للغرفه المعتاده يقعدون يسولفون دخلو وحصلو سلطانه و نوره
نوره : ارحبوو يالله حيهم تعالو اجلسو
غرام جلست : اهلين الله يحييك ، سلطانه شفيك
سلطانه : مانمت زين بسبب سهرتكم الهابطه
العنود ضحكت : ولله كانت جلسه حلوه وعادي معوضه مانقدر ننام الحين شنسوي عاد
دخلت خلود : ارحبو يادهر قلبي ورجعانه
غرام ضحكت وبمزح : هلا ولله بالخويي
العنود ضحكت : غرام لاحد يكلمها باعلى مراحل روقانها
غرام : ابشركم الحمدلله
نوره : ياجعله دوم يابعديي
غرام : تدوميين يالغلا
دخلت غيم بصوتها الطفولي : غرام ماما تقول يلا تعالو الفطور جاهز
قامو كلهم يفطرون مع جدتهم غير وجد على جوالها تراسل حبيبها
وجد : اشتقت لك وينك ماترد
صالح بكذب : انشغلت حبيبتي اسف وبتصريف : اخبارك
انتِ واخبار الديره معك تعودتي ؟
وجد : اي كويسه الحمدلله الا متى تجي ؟

صالح : تعرفين شغلي الي مايخلص وللحين ماكلمت اهلي عنك ان شاء الله اكلمهم واقرب وقت اجي اخطبك حبيبتي لاتحتاتين اشتقت اشوف صورتك ارسلي لي صوره
وجد دخلت على الالبوم وارسلت صورت غرام ....

قبلها بيوم اخر الليل ...
كانت غرام نايمه بعمق بعد سهرتها مع البنات دخلت وجد غرفتها وحاولت تسحب جوالها وبالفعل نجحت فيه وبحكم انها قد شافت باسورد جوال غرام قدرت تفتحه وجمعت جميييع الصور وارسلتها لنفسها وحذفته من عند غرام وحطت الجوال وطلعت

نرجع للواقع....
كانت مستانسه وتطالع غرام من بعيد وتبتسم بشر
العنود لاحظت نظرات وجد وابتسامتها الغريبه ل غرام ضربت كتف غرام بشويش عشان تركز لفت غرام عليها والعنود تحاول تاشر لها لين غرام ناظرت ف وجد الي تطالع فيها وتبتسم ويوم شافت غرام تطالع صدت عنها لفت على العنود بضحكه قالت بهمس : انجنت هاذي العنود : قومي قومي

استاذنو وراحت غرام مع العنود للمغاسل
غرام : شفييك
العنود بخوف : غرام احس وراها شي كايدد
غرام بعدم اهتمام : وش علينا منها خليها
العنود ماتطمنت بس سكتت غرام قامت تضحك :
عنوديي شفيك ماعليك منها مارح تسوي شي ماتقدر امشي امشي نسوي شاهي ونروح للغرفه ندق على جوجو
العنود تطمنت من كلام غرام ومشت معها للمطبخ يسوون شاهي وقعدو يسولفون وغرام تعلمها وش سوت فالرياض مع نجلاَ وكل شي والعنود مستانسه تسمع ودقو على نجلاَ وجلسو يسولفون الثلاثه ليين قبل آذان الظهر بشوي مشى كلنً لبيته

ببيت ذياب تحديداً غرفه العنود الي تكلم غرام
العنود : افف غرام الطلعه كانت تجنن والكوفي حقهم يهبلل شكرا
غرام : شدعوا مابيننا بس انتِ بس لاتتوترين كل ماجيتي مع توتريني معك ههههههه
العنود : يختي شسوي الحذر واجب هههههه
فاللحظه هاذي كانت شَهد بجنب العنود والعنود جاهله ان اختها يمكن تعلم
طلعت شهد والعنود مكمله مكالمتها مع غرام ويسولفون
بالمجلس
عناد : ارحبيي يادهر قلبي ورجعانه
شَهد ضمته : عناد ابيك تطلعني
عناد عاقد حواجبه : وين تبين اطلعتس ؟
شَهد : نفس الكوفي الي طلعت العنود مع غرام
عناد بعصبيه خفيفه : شعرفتس متى طلعو؟
شَهد ببراءه : اليوم الصباح
عناد بهدوء : طيب روحي لم امي قولي لها ابوي يقول القهوه
شَهد ركضت : ابشر

عناد قام متوجهه لغرفه العنود يفهم السالفه بس سُرعان ماوقف عند الباب وهو يسمع العنود تمدح الطلعه وغرام تسولف عليها فتح الباب بقوه
العنود بتوتر : شفيك عناد افتح الباب بشويش جالسه اكلم
عناد بعصبيه مُفرطه : انتِ محد خربتس غير غرام طالعه معها اليوم بدون لا يدري عنتس ليه!!!
العنود بخوف انه درا : دقيقه افهمك طيب ، غرام قفلي
عناد : لاخليها تسمع عمي وابوي لادرو انكم طالعين بدون شورهم وش بيسون ها علميني انتِ وهي فسختي الحياء يالعنود
العنود قامت : مافسخت الحياء ولا شي ولا طلعنا بدون علم احد ام غرام تدري وامي تدري وعطيتها علمّ رحنا اخذنا قهوه ورجعنا شفيك...
انستا : iiwahum_