اللهم صلّ وسلم على نبينا محمد
جلسو وهم يسولفون عن سفرتهم للرياض بحماس
يناظرها بحُب يتأملها وقف يتثاوب من النوم الي لامس عينه : بطلع اقيلّ لي شوي يايمة صحوني
هزت راسها ام عناد له
مشى وهو يطلع متوجهه لغرفته
وهو يفتح الباب تقدم لتسريحه غرفته يفك ساعتة وكبكة
وينزل ثوبة انسدح وهو يغمض عيونه بتعب
الصالة
كانت تسولف مع ام عناد والعنود بابتسامة
وقفت ام عناد : بروح اسنع المطبخ سولفو انتو
ضحكت العنود : اساعدتس يمه؟
ام عناد: اقعدي بارضتس
راحت ام عناد لفت العنود بحماس على غرام
العنود بابتسامه: ها كيف السفرة
غرام انحرجت : شفيها؟
العنود غمزت لها : انتِ وعناد؟
غرام ناظرتها تعرف غايتها من الموضوع : شفينا؟
العنود ضحكت : عاد قولي لي تخبين علي؟
غرام ضحكت بقوة
العنود بابتسامه: قولي طيب!
غرام ابتسمت : أعترف لي للمرة الثانية وقبلت بس
العنود بصدمة : صادقققه!!
غرام باحراج: أيه
العنود صرخت بحماس : الحمدلله يارررب
غرام بهمس : اسكتي اسكتي
العنود ضحكت وهي تحظنها بقوة
العنود بابتسامه : مبروك عيوني الحمدلله كنت خايفه تروحين
غرام ضحكت : ناشبه لك يابيبي ماروح عنك
كشرت العنود من كلامها وهي تحظنها
غرام استعدلت بجلستها : العنود
للعنود التفت بابتسامه: عيوني
غرام ابتسمت : بقول لاهلي
العنود : تقولين ايش
غرام : وجد
العنود انصدمت : تستهبلين
غرام باستغراب: ولله؟
العنود : ماتخافين يسون لك شي هي وامها
غرام بابتسامه: مايقدرون
العنود ضحكت : اوه معتس عناد
غرام ضحكت بهدوء: بروح لهم الليلة
العنود : بس اليوم تجمع الاحفاد بمجالس جديّ
غرام : قهر
العنود باستغراب: شفيتس الحين
غرام بقهر : احس بديت اتردد للمره الثانيه مابي اشوف وجهه ابوي بعد يعرف
العنود ابتسمت بحزن : صدقيني بيندم أشدّ الندم وبيطلب منتس السماح
غرام ابتسمت لـ العنود
بعد ساعة
دخل عناد وهو يتثاوب من النوم ناظر العنود وغرام الي يسولفون : وش عندكم هنيا تتهامسون
العنود الي انخرشت : الناس تسلم ياخوي مو تفجع
ضحك عناد وهو فيه النوم ناظر غرام الي ابتسمت : صح النوم
عناد جلس بابتسامه: صح بدنتس
جلس : ابوي والعيال وينهم
العنود بابتسامه: طلعو
عناد استغرب : بالله؟ ماصحتنيّ امي الا الحين
العنود ضحكت: جتك قبلها غرام تصحيك ولا صحيت نومك صاير ثقيل
عناد ناظر غرام بابتسامه : صحيتيني؟
غرام ابتسمت : ايه ماقمت
عناد ابتسم: نومي ثقيل
غرام ضحكت بخفة : مره
ابتسم عناد وهو يوقف : بروح الحقهم قبل يلحقني جديّ بالخيرزانة
العنود ضحكت : اشتقت لها شكلك
عناد ضحك : لا ولله
طلع عناد بسرعة باستعجال يلحق على جمعة المجالس
وقفت غرام ونطق العنود: وين
غرام بابتسامه: بروح لـ مامي اشتقت لها
العنود ضحكت
غرام ابتسمت : تجين قلبو؟
العنود بابتسامه: امي بتروح بعد شوي اجي معها روحي انتِ اكيد عندتس سوالف خاصه مع امتس
ابتسمت غرام: اوكيه اجل لقاءنا ببيت جديّ
العنود ابتسمت : ان شاء الله
مشت غرام وهي تتجهز وتضع شويّ من ميكبها ولبست فسُتان باللون الورديّ الي برز لون جسمها وقفت وهي تاخذ السليبر حقها وتلبس عبايتها تطلع
YOU ARE READING
الهوى يبقى هواك واغلى منك مالقيت
General Fictionعقاب اللي ينتقل للديره مع زوجاته الثنتين وردّ وفاطمه بعد سنين من العيشه في المدينة ، ويلزم عياله بالتأقلم مع عيشة الديرة وعدم معارضة عاداتها وتقاليدها ، كيف بيكون الوضع بالنسبه لبناته؟ بعد سنين من العيشه في المدينه ، والاختلاف الكبير بين بيئتهم اللي...
