الهوى يبقى هواك واغلى منك مالقيت

23

العنود بابتسامه: ماتبين تروحين عشان عناد؟
غرام ناظرتها باحراج
العنود ضحكت: كاشفتكم

مسكتها العنود : امشي انا معتس
طلعت مع العنود متوجهين لـ مجلس الجدّ سُليمان
دخلت العنود وبجانبها غرام يلقون السلام على الجميع
كانت لاَبسه عبايتها وكاشفه شعرها مما أدى الا غيره الي جالس
كان ينتظرها تجي يشوفها دخلت امه وامها وهي للان مادخلت كانت عيونه على الباب لحِين دخلت مع اخته العنود تُلقي سلامها ناظر شعرها الي طالع من خلف طرحتها وملامح وجهها الظاهره أمام أخوانه وعيال عمه!
استوعب على نفسه من تكلم الجد : حياكم الله ليه تاخرتمّ
العنود ناظرت غرام بابتسامه: غرامّ كان عندها شغله وقعدت معها
ابو عناد ابتسم: اقعدو
جلست غرام بجانب العنود تسمع لقصص الجد سُليمان وسواليف الامهات ونصايح الاباء قاطع سوالفهم سؤال عبدالرحمن : جديّ بعد أذنك
جد سُليمان: سمّ
عبدالرحمن ابتسم: ماودكم على شتانا نطلع نكشت بالبر
عناد بابتسامه: ايه ولله صدقتت نغير جوّ
ناظرهم الجدّ سُليمان: ها شرايكم؟
الاغلبيه اتفقو
ام عناد بابتسامه:بس متى تبونها؟
ابو عناد : اليوم ها؟
الجد سُليمان: اليوم اليوم وبكره نردّ لديارنا
الجميع اتفق مع الجدّ ووقف الجدّ سُليمان : يالله تجهزو وجهزو عفشكم وعفش وراعينكم
عناد ابتسم : جديّ نعزم النسايب؟
الجد سُليمان: منهم؟
محمد : ابو سعود
الجد سُليمان: اعزمه هو واهله سعود ولدً اجودي
عناد ابتسم: ابشر
وقف الكل وكلنً توجهه يجهز نفسه للكشته وكان الوقت 2 الظهر

وقف وهو يفتح جواله يدق : ارحبب
سعُود: للدرجه ذي مهوس فيني؟
عناد بعصبيه : تعقب انا العبي الي داق عليك اعزمك
سعُود ضحك : تعزمني وين
عناد ابتسم: جديّ يقول حياكمّ الله انت واهلك بنطلع نكشت الحين
سعُود: الله يحيه خلاص يالحبيب؟
عناد : ايه شتبي؟
سعُود بهبال : تحبني
عناد ضحك : تخسي
سعُود ضحك : يلاا يلا قفل بشوف اهلي
-
عند نجلاَ كانت جالسه في غرفة غرام تتابع وخايفه تنزل مع انه ظهر مافطرت شي وقفت وهي تقويّ نفسها نزلت تحت للمطبخ ارتاحت مافيه احد نزلت جوالها على الطاوله تسمع لقروب المحاظره حقتها طلعت المقلاه
تحطه على الفرن كانت تسمع صوت خطوات دب الرعب في قلبها وهي تمسك المقلاه وترجع خلف الباب وصوت المحاظره طالع
سمعت الخطوات متجهه لها وهي تستعد بسرعة تضربه
دخل عبدالرحمن للبيت جايّ ياخذ فروته واستغراب من الاصوات واخواته وامهاته ببيت الجد سُليمان دخل المطبخ يشوف الجوال على الطاوله ماحس الا بضربه على رأسه مع صراخ بنت تأووى بالم انصدمت نجلاَ ونطقت : اسفه اسفه ولله
ناظرها عبدالرحمن: وش جابتس انتِ!
نجلاَ بخوف : انا صديقه غرام نايمه عندكم وغرام واحت لبيت جدها
عبدالرحمن : اسكتي اسكتي ادري
نجلاَ بتوتر : أسفه
ناظرت لمظهرها أمامه ببجامة متناسيه الي يطالع لها ضربته برجلها : غض بصرك
عبدالرحمن نزل نظره بسرعه : انا اسف
قبل يكمل كلامه ركضت بسرعه لخارج المطبخ لغرفة غرام بتوتر وتدعي يروح وتجي غرام وتتهاوش معها
-
بيت الجدّ |
غرام بابتسامه: ماما خلصتي
ام غرام: ايه يامي ساعدتهم تعالي نروح بيتنا نجهز
غرام ابتسمت : يلا ، خالتي تبين اوصلتس؟
ام عناد باستغراب: جايه بسياره؟
غرام بابتسامه: ايه
ام عناد بابتسامه: ماقولتس لا مافيني حيل امشي
خرجو وهم يركبون السياره ومشت غرام لبيت عمها
ووقفت ونزلت العنود وامها : يلا فمان الله نلقاكم بالطلعه
ام غرام بابتسامه: معسلامه
توجهَت لبيتهم وهي تركن السياره وتدخل مع امها
ناظرت عبدالرحمن الي جالس بالصاله وحاط ثلج على راسه! تقدمت غرام بابتسامه: وشفيك
عبدالرحمن بالم : خويتس ضربتني
غرام بفهاوة : ها؟
عبدالرحمن: صديقتس
غرام بصدمه : مين؟؟ نجلاَ
عبدالرحمن بعصبيه : فيه احد غيرها بالبيت يعني؟
غرام هزت راسها بضحكه مكتومه : لالا
عبدالرحمن رمى جوال نجلاَ على كنبه غرام : عطيها جوالها بعد الي ماتستحين
ضحكت غرام وهي تاخذ الجوال وترقى فوق
فتحت باب غرفتها وهي تناظر العنود المتوتره
فطستت ضحك يوم شافت وجهه نجلاَ
غرام بابتسامه: وش ضربتيه فيه؟
نجلاَ ضحكت: طاوة البيض كنت احسبه حرامي ولله اسفه
غرام بابتسامه: عادي يابنت بس اهم شي فاطمه لاتدري ولا بتفرشك
نجلاَ ضحكت: مع نفسها
غرام بابتسامه: عبدالرحمن غييير عنهم مره
نجلاَ بتغير الموضوع : وش صار ببيت جدك؟
غرام بابتسامه: بنطلع البرّ نكشت احس مفروض ياجلونها عشان اتجهز يعني!
نجلاَ : خيير بتخليني!
غرام بابتسامه: لابتجين معنا وسيارتك انا بسوقها
نجلاَ باستخفاف : ههه سيارتي احلمي تسوقينها تروحي مع اخوك زي المحترمه
غرام بوجهها البريئ : تكفييين جوجّو ناخذ سيارتك وانتِ بتجين عادي
نجلاَ : مو بجايه
غرام باستغراب: وليه
نجلاَ : فشله لحالي
غرام : حقت بيت جدي مشيتها لك بس الحين تجين غصب عناد يعزم خويه وانا ماجيبك معك!!
نجلاَ بابتسامه: خلاص اوكيه
-
بعد وقت
كانو يركبون الاغراض بالسياره
ناظرت لابوها : بابا انا بروح مع نجلاَ
ابو عبدالرحمن: عناد وينه مارح تروحين معه
غرام تذكرته ونطقت : لا بروح مع نجلاَ وبنمر العنود معنا
ابو عبدالرحمن: زين الله يستر عليكم
ركبت غرام تسوق ونجلاَ بجانبها متجهه بيت عمها وقفت وهي تنتظر العنود وتناظر عمها الي يشيل الاغراض نزلت وهي تتقدم : سلام
ابو عناد ابتسم: ياهلاً ببنتي وعليكم السلام
طلع عناد يناظرها ناظرته غرام ولفت على عمها : عمي العنود وينها؟
العنود من بعيد : جيت جيت

غرام بابتسامه: يلا بسرعة
ابو عناد بخوف : انتِ للي بتسوقين؟
غرام باستغراب: ايه ليه
ابو عناد: لا بس انتبهو لدربكم
غرام بابتسامه: ان شاء الله
ناظرها عناد تتهرب منه تنهد من ركبت سيارتها تحرك من المكان وركب سيارته ينتظر امه وابوه واخوانه
فالبر كانو جالسين والعيال متوزعين يثبتون الخياّم لـ الحريم كانت فالسياره تاففت : ضيعناهم الحين شنسوي،
نجلاَ ضحكت: عادي حياتي ارسلي لزوجك يرسلك الموقع،
العنود : مافيه ابراج في ذي المنطقه اتوقع ،
غرام تاففت وهي تاخذ جوالها : نجرب ندق ،
غرام ابتسمت : الوو دحوم،
عبدالرحمن بتقطيع : ويينكم،
غرام ناظرت حولها تراب ونطقت : مادري فجأءه ضيعت سيارة عمي ،
عبدالرحمن: مين الي معتس
غرام :العنود ونجلاَ
عبدالرحمن: عناد مايرد عليتس ،
غرام : لا انا دقيت عليك
عبدالرحمن: بحاول ارسل لتس الموقع شوفي الارسال عندتس
غرام بابتسامه: زيين انتظرك
قفلت منه وناظرت للبنات : دحوم بيرسل الموقع،
نجلاَ بعصبيه: بذبحك انتِ واخوك على غبائكم مافيه ابراج
غرام بابتسامه: شفيك انتِ شوفي جاء اللوكيشن
فتحته وهي تمشي عليه لحد ماشافت الخيام : بنات هاذي؟
العنود بابتسامه: ايه شوفي جديّ ،
غرام وقفت السيارة بابتسامه وهي تنزل التقت بجدها الي ناظرها بعصبيه : وراتس تسوقين انتِ
غرام باستغراب : عادي ياجديّ ،

الجد سُليمان بعصبيه : لاموعادي انتِ بنت عندتس رجلتس يوديتس وشوله تسوقين،
غرام بابتسامه: جديّ لو سمحت هاذي قرارتي انا وانا ابي اسوق وكنت كذا فالرياض وابوي ماقال لي شي،
الجد سُليمان تركها وراح ، تقدم عبدالرحمن وهو يضحك
: هاوشتس
غرام بابتسامه : ايه غريب عاديي شفيهم
عبدالرحمن ابتسم : ماعليتس تفكير شيبان مو متعودين الحرمه تسوق،
غرام استغربت : وش الحرمه؟
عبدالرحمن ضحك : المرأه،
غرام بابتسامه: أوكي ، دحوم ساعدني بالاغراض
عبدالرحمن شمر اكمامه : ابشري
نزلت نجلاَ وهي تخرج نظاراتها من الشمس على انه وقت العصر لَكن الشمس قوية لبست نظراتها وهي تمشي لهم
ناظرها عبدالرحمن ولفت عليها غرام : تعالي
غرام بابتسامه: بساعد دحوم
نجلاَ باحراج : مارح ادخل عليهم لوحدي ،
غرام باستغراب : العنود وينها؟
نجلاَ بحلطمه : راحت وخلتني
غرام بابتسامه: دحوم تنزلها انت؟
عبدالرحمن ابتسم: خليها علي
غرام فتحت باب السياره وهي تغلقها وتاخذ شنطتها وتسكرها : امشي
مشت معها نجلاَ بابتسامه: شسوي العجايز يخوفون
ضحكت غرام: مالومك تخافين نظراتهم تخوف
ضحكت نجلاَ وهي تدخل خيمه الحريم وقفو وهم يسلمون عليها وعلى نجلاَ الجده نوره نطقت : غرام مين الي معتس كم مره أشوفها
غرام ابتسمت : صديقتي من الرياض
هزت راسها الجده نوره بانتقاد : حتى نفس العباية مافيه ستر ولا حشمه

صباح الخير 💗💗