الهوى يبقى هواك واغلى منك مالقيت

الفصل الأخير

سلوى الي استانست : ياهلا ومسهلا الله يحيكم ابوها موجود يكلمه ولدكم وان شاء الله ربي يكتب لهم نصيب
عبدالرحمن الي استانس بقوة من عدم ردها له
ام غرام بابتسامه: على خير ان شاء الله اجل يلا فمان الله
قفلت الجوال وهيرتناظر فرحة عبدالرحمن
عبدالرحمن: الله يسعدتس ياعمة ياخليتس لي
ام غرام بابتسامه: امين ياولدي بس كلم امك قبل ياولدي
عبدالرحمن الي وقف وهو يُقبل رأسها : فمان الله
ام غرام: معسلامه
-
الرياض | بيت محمد
سلوى : دقت على ام غرام
فزت نجلاَ : غرام بخيير؟
سلوى ضحكت : بخيير بخيير
محمد ابو نجلاَ : ايه شتبي
سلوى ابتسمت : تبي تخطب عبدالرحمن لنجلاَ
بردت اطراف نجلاَ من سمعت اسمه انلخمت : عبدالرحمن مين؟
سلوى ضحكت : اخو غرام
محمد : هي مالها غير بنتين
سلوى هزت راسها : ولد زوجها المتوفي
محمد بتحقيق : متى شافتس يانجلاَ
نجلاَ بتوتر : يبه الله يهديك انا اربعه وعشرين ساعه كنت مع غرام اكيد العايله كلها بتعرفني
محمد ابتسم: ادري يابنتي امزح معك
ضحكت بتوتر
محمد لف على سلوى : حياهم الله ولد عقاب ولديّ يجي يخطب مثل الرياجيل ومامنا الا تم
نجلاَ وقفت وهي تطلع بسرعه بتوتر حتى عجزت تنطق من الرفض او القبول من صدمتها بخطوبته لها تحسب انه يكرها وينفر منها
عند ابو نجلاَ وامها للي كانو يسولفون
قاطُعهم اتصال رقم غريب
رد ابو فهد : يامرحبااا بابو عقاب
عبدالرحمن ابتسم: يامرحباا بك ياعمري اخبارك واخبار الاهل
ابو فهد : الحمدلله كلنا بخير وصحه اخبارك انت واهلك
عبدالرحمن: الحمدلله كلنا بخير
عبدالرحمن بتوتر : ياعميّ يناسبك اجي انا وجدي بكرة بعد المغرب
ابو فهد ابتسم : الله يحيييك انت وجدّك
عبدالرحمن ابتسم: يالله فمان الله
ابو فهد: بحفظ الرحمن
قفل وهو يلف على سلوى : بكره بعد المغرب بيجون يخطبون الظاهر
سلوى للي استانست وهي تغرط

المستشفى |
صالح الي دخل وهو يركض فيها للعيادات
اخذوها بسرعه حالات طارئه وهم يفحصونها
الدكتوره صرخت بكذب : لغسيل المعده بسرعه بسرعه
ركضو الممرضين وهم يسحبون سرير وجد لقسم الغسيل تحت صدمه ورعشه صالح
بعد كم ساعه
طلعت الدكتوره وفز صالح : هاا كيفها يادكتوره
الدكتوره بحقد : انت زوجها؟
صالح عصب : ايه اخلصي علينا
الدكتوره بكذب : زوجتك بخير اكلت كميه هائله من الادويه والحين بالعنايه المركزه
صالح الي ضرب راسه بالجدار بسرعه
اما الدكتوره الي دخلت وهي تطمن وجد
وجد بابتسامه: شكراً مارح انسى معروفك
سما : ياروحي انتِ اهم شي تروحين لاهلك
وجد ابتسمت بحزن: انا سويت سوء لهم ماتوقع يستقبلوني
سما بابتسامه: مافي اهل ينسون بنتهم مهما سويتي اعتذري منهم
وجد الي هزت راسها : راح؟
سما ابتسمت : قلت له انك بالعنايه
وجد ابتسمت لها بحب : عادي جوالتس؟
سما : اككييد ياروحي
وجد مسكته وهي تحاول تتذكر الرقم لان خبصت من راسها وتدعي من قلبها انه صحيح لان وصلها صوت اختها غرام!
وجد بسرعه : غرامم لاتسكرين تكفين
غرام ناظرت عناد بصدمه : وجددد!!
وجد ببكي : تكفين انقذينيي
غرام بصدمه : شفييييك
وجد شهقت : صالح صالح راعي مخدرات انا بالمستشفى ****** ياغرام تكفين تعالي خذيني
غرام بسرعه : طيب طيب يلا
قفلت وهي تلف على عناد بسرعه : رح مستشفى **** تكفى عناد
عناد الي غير وجهته وهو يروح للمستشفى لان وصلو دخلت غرام وهي تسال عن وجد وقالو انها بالعنايه ركضت للمصعد معها عناد تنتظره ينزل لفت من نادتها ممرضه : لو سمحتي
غرام لفت : هلا؟
ممرضه : انتِ غرام بنت عقاب اخت وجد؟
غرام بسرعه : اييه ايه وينها
ممرضه : تعالي معي عشان زوجها مايشوفك
مشت غرام وهي ماسكه يد عند تمشي بسرعه
لان دخلت الغرفة الخاصه تناظر وجد الي تبكي ركضت لها بسرعه : شفييك؟؟؟
وجد الي ضمت غرام بسرعه وهي تشهق : اسففه ولله اسففه
غرام الي تبلدت وهي ماتعرف وش تسوي : شفييك ياوجد تكلمي
وجد الي كانت تشهق وتعلمها كل شي وهي تعتذر منها وعلى حقدها وعماها : ولله الشيطان وز فيني تكفين ياغرام سامحيني
غرام الي شافت حالتها المرعوبه : مسامحتك ياحبيبتي مسامحتك