الهوى يبقى هواك واغلى منك مالقيت

9

سبحان الله وبحمده سبحان الله العظيّم ..
الحمدلله دائمًا وأبدا ..

عند وجد | فاطمه فكت الباب بقوة
وجد فزت
فاطمه بحده : وش الي سمعته!!
وجد بحجود وتوتر : وش الي سمعتيه
فاطمه سحبت جوالها تشوف : تكلمين مين انتِ
وجد ادركت انها انقفطت وصارت تبكي وعلمت امها بكل شي
فاطمه ماستحملت وضربتها كف
فاطمه بعصبيه : انا ربيييتس على كذا شلوون ترسلين صور اختس له تنسبينها لك ولو تزوجتس وماشاف انها انتِ وش بيقول غير انه حرام تكلمين ولد ماتعرفينه
وجد ببكي : يمه ولله حبيته ووعدني نتزوج
فاطمه : بلا حكي ولله لو درا ابوتس انه ينهيتس من الوجود ياحسرتيي عليتس بس
وجد : وش اسوييي يمه الحين
فاطمه بخوف : اسكتي ولا كلمه ولو جاء ف غرام مالنا غير ذا الحل يابنتي

اليوم الثاني الجمعه |
بعد صلاة الجمعة يتجمع الابناء والاحفاد بمجلس الجد
والحفيدات والحريم داخل البيت

دخلت غرام معها نجلاَ وسلمت على جدتها وطلعت مع نجلاَ لم الغرفه المعتاده ببيت جدها دخلت ومعها نجلاَ
غرام : السلام عليكم
العنود : وعليكم السلام ارحبو اجلسو
جلست غرام وبجنبها نجلاَ
العنود باستغراب : وش فيكم صاير شي؟
غرام رفعت نظرها : افف عنودي وش الي يصير لي الحين
العنود : بسم الله وش فيكم
نجلاَ علمتها السالفه كامله
العنود : ياعمريي الولد تركته بس عشان حادث وانشل
نجلاَ : طبيعي بتتركه مايمشي شلون تعيش مع واحد وتتحمل مسؤليته
غرام : وابوي يبي يزوج وجد له يقول لها كبرتي ولازم تعرسين

العنود بصدمه : ايشش
غرام : الي سمعتيه صح اني ماحبها ولا اطيقها بس هي ماتبي حرام
العنود : ووجد قالت شي ؟
غرام :  اي قالت ماتبي
-
عند مجلس الجد

ابو عبدالرحمن دخل : السلام عليكم كيف الحال
اخُتلفت الردود " بخير - نحمد الله - الحمدلله - على الحال - وعليكم السلام "
ابو عبدالرحمن: يبه عادي تجي معي شوي بغيتك
الجد سليمان : شتبي
ابو عبدالرحمن: بغيتك
وقف الجد ومشى مع ابنه
ابو عبدالرحمن: يبه حادث بنتي غرام
الجد سليمان بعصبيه : انا قايل لك مافيه بنات يسوقن مير انت ساد اذنك وعيونك عن كلام ابوك!
ابو عبدالرحمن باس راسه : ولله اني داري يايبه العذر والسموحه
الجد سليمان : وش تبي
ابو عبدالرحمن: ابو الولد جاني يطالب بحق ولده
الجد سليمان : حقه واقل عطه
ابو عبدالرحمن بضيق : يبه
الجد سليمان: اسلم
ابو عبدالرحمن: وقلت له يصير خير ان شاء الله ودخلت البيت وقعدت مع الاهل وشاورتهم وفكرت ازوج وجد ولده بنتي صارت بعمر الزواج يايبه
الجد سليمان بعصبيه : انت مهبول ياولد تعطي بنتك كانها سلعه !! وليه ماتزوج اختها على الاقل تتزوج وتعقل عن حركاتها
ابو عبدالرحمن باحراج : يبه وش سلعه الله يهداك وغرام صغيره واذا زوجتها محد يطل بوجهه وجد بيظنون لها ظن شين ويطلعون كلام قيل وقال
الجد سُليمان : زين زين شيقاله هاذا
ابو عبدالرحمن: ابو حمد وولده حمد الي صارله الحادث
الجد سُليمان: طيب توكل على الله وادخل اجلس مع اخوانك مبطي عنهم
ابو عبدالرحمن: ابشر

العصر | مدخل الديره
وليد : ياولد وش ذي الديره
صالح برفعه حاجب : ماتوقعت يعيشون هنا
وليد : شف لنا فندق ننام فيه
صالح : شايف فيه فنادق انت؟
وليد : ياذا الديره وين ننام يعني
صالح : لاتسالني نشوف بعد شوي يمكن فيه
وليد : طيب عندك موقع بيتهم؟
صالح طلع جواله يدخل على محادثه وجد
وشغل الموقع .....

عقاب عزم ابو حمد وولد لبيته
فمجلس عقاب |
عقاب : يالله حيهم البقى
ابو حمد : الله يحيك
عقاب سلم : علوم اخبار
ابو حمد : يالله لك الحمد
ابو حمد سلم على الجد سُليمان وجلس بجنب ابنه صاحب الكُرسي المتحرك والعيال متجهين يصبون القهوه ويوزعون التمر
عقاب : بخصوص موضوعك امس يابو حمد
ابو حمد : اسلم
عقاب : انا رجال متُقاعد وفلوسي على قد حالي وحال عيالي والمبلغ كبير بالنسبه لنا العذر والسموحه لاكن قلت لي ان حمد كان متزوج ؟
ابو حمد : صح
ابو عبدالرحمن باحراج : حنا رجال شارينكم وشارين ولدكم حمد لبنتي وجد
حمد بصدمه : نعمم
ابو حمد قاطع كلمه حمد ب : والنعم فيكم وفي من يناسبكم يابو عبدالرحمن  نشوف ان شاء الله الله يسرهاا ....

قاطعهم دخُول ...
صالح ووراه وليد : السلام عليكم
المجلس كله قام بالاستضافة بحُكم الناس اغراب وهاذي عاداتهم وتقاليدهم الي تربو عليها
الجد سُليمان: وعليكم السلام هلا حياكم الله
صالح بتوتر خفيفه : الله يحييك العم عقاب وين
عقاب : امر ياولدي
صالح : ياعم انا جاي عشانك
عقاب : صب القهوه ياعبدالرحمن
عبدالرحمن: ابشر
عقاب : اسلم ياولدي وش بغيت
صالح وبجنبه وليد : انا جاي هنا الصراحه ابي القرب منكم واطالب بيد بنتك الكبيره لي
عبدالرحمن باستغراب : وجاي لحالك ولا حتى اتصال؟
صالح : ادري انه غلط اجي بدون اهلي لاكن انا اهلي متوفين ومابقى لي غير خويي
عقاب : بنتي مخطوبه
صالح : شلوون مخطوبه هي تكلمني دايم ولا قالت لي انها مخطوبه 
عقاب بعصبيه : ايششش
عبدالرحمن وقف معهم :  شتخربط انت حنا عايله محافظه ولا نرضى بالاهانه على بناتنا
الجد سُليمان بعصبيه : منهي الي تبي تخطبها
صالح : انا جاي اخطب يد بنتكم لمياء لي
المجلس جميعهم ارتاحو ماعندهم احد باسم لمياء
عقاب باستغراب: ماعندي بنت اسمها لمياء غلطان منين جاي انت
صالح : الموقع راسلني هنا حتى عندي صورتها
عقاب شك وبعصبيه خفيفه : ورني ورني
وعبدالرحمن الي استغرب شلون لو يحبها ماورا احد صورها
صالح طلع جواله وفتح على صوره غرام يوريها ابوها
عقاب انصدمم وعيونه بتطلع من مكانها من الصدمه
عقاب : من وييين تعرفها ياولدددد
صالح : حبيبها من سنه وشوي
عبدالرحمن بصدمه : مستحيللل اختي تسويها ماتطيق العيال
صالح طالع فيه ببرود : بس تطيقني انا
عبدالرحمن ماتحمل وهجم على صالح يبرحه ضرب
وعقاب فك بينهم
وعقاب بحاله صدمه ثقته ببنته كلها تحولت لرماد وطلع بسرعه متجهه لداخل البيت ...

وبعد فتره لحقه عبدالرحمن وعناد
عقاب دخل بكل قُوته : غرااااااااااااام
انستا iiwahum_