الهوى يبقى هواك واغلى منك مالقيت

2

سبحان الله وبحمده سبحان الله العظيّم ..
الحمدلله دائمًا وأبدا ..

-
صارو يمشون ورا بعض وغرام تسولف على أمها
غرام: ي أمي م اطيق عجز الديره
ورد: ولا أنا اطيقهم بس بالنهايه لازم نحترمهم على كبر سنهم لاتراددينهم! خليهم
غرام: وييع ويع تخيلي علمتني عنوده قالت عمتي هيفاء واغلب عماتي وريفان والي معها هناك
ورد بسخريه: الحمدلله واضح اليوم بنكسب أجر واجد
غرام : ههههههههه
غيم : ماما وين بنروح؟
ورد: بنروح لبيتنا الثاني
غرام: البيت نفس ماهو
ورد: أبوك وسع فيه شوي بحيث أن غرفتك أنتي  جنب غرفة دحوم ووجد مقابل لغرفتك وفاطمه جنب غرفة بنتها وانا جنبهم وغيومه بتجي معاي
غرام: تسوين خير -
-
بسيارة عقاب ,
بيدها جوالها وعيونها شوي وتطلّع من مكانها من كثر الفرحه الي غمرتها " وجد" جالسه تراسل صالح
وجالس يوهمٍها أنه بيخطبها ووجد متشققه من الفرحه لكن ي فرحه م تمت! نزلت جوالها من أيدها وهي تتلفت بالشوارع والاماكن وتهوجس ! لو عرف أن الصور الي أرسلها له مو انا ؟ راح يتقبلني ويحبني لشخصيتي او بيفضحني , أنقلبت الفرحه تساؤولات لانهائيه وضيقه وهمّ خايفه تنفضخ وخايفه تخسر حُبها

"تعريف بسيط عن صالح "
أنسان مُهمل وكسول للغايه يعتمد على غيره , م أخذ من أسمه نصيب كان عكس أسمه تماما  بدال م يكون صالح صار طالح , انسان داشر متعاطي للممنوعات مجرُد لعبه منه تجاه وجد أغرم بشكلها والصور الي ترسلها له لكن الي م يدري أن هالصور مو ل وجد بالحقيقه ، قرر قرار ب إرادته يخطب وجّد لمصلحته طبعًا ! م بيتم الخطوبه وفي باله أفكار كثيره يقدر يهدد فيها وجد مثل صورها ببساطه! او صوتها ؟
وتتدمر وجد بكلّ برود أمام انظاره .
-
رفعت نظرها لجوالها من رسايله أبتسمت بحب
وجد: هلا صلوحي
صالح: هاه شصار معاكم
وجد : راجعين للديره زي م قلت لك
صالح: لا!! كيف اقدر اخطبك طيب
وجد: تعال لبيتنا الي بالديره
صالح: لا لا مستحيل أهلك يرضون فيني !
وجد : انا الي بتزوجك مو أهلي
صالح: طيب اتركي عنك هالموضوع ! أشتقت لوجهك  ارسلي لي صوره
وجد مدت أيدها تضرب جبتها بغباء كل صور غرَام شافها وماصار عندها صور زياده
وجد بكذب : اوه حبيبي خل بعدين واوريك عشان تشتاق لوجهي
صالح: أممّ طيب انا بنام اذا وصلتو ارسلي لي عشان يتطمن قلبي ي قلبي انتي
وجد : من عيوني
قفل صالح جواله وهو يحس بالسخريه منها ! غبيّه غبيه بشكل مو طبيعي بنظره َ او يمكن بنظر الجميع ..
-
الساعه 7 ونصّ سيارة عقاب ثمَ عبدالرحمن وبعدهم غرام يمشون ورا بعض عشان م يضيعون بعض ،
وصلو للديره ووغرام تحس قلبها بيطلع من مكانه
م تتحمل كلامهم وماتقدر تسكت لسانها !
-
أمام بيت الجد سليمان الكل مجتمع عائله آل سليمان يترقبون حضور عقاب ..
نزلو من السياره وكانت غرام لابسه عبايتها الرصاصي ولامه شعرها ب أهمال وحاطه قلوسَ وبلشر خفيف وآه ي حلاوتها !
بعكس وجد الي فهمتها أمها عادات وتقاليد الديره بحكم ان لها خبره لبست بنتها عبايه سودا ونقاب وطرحه وأمها كذالك ابتسم عقاب من لما شاف بنته وجد 
عقاب : الله يثبت يبوك
ولف على غرام بحده: ويهدي الجميع , يالله أخلصو ندخل سوا
أم غرام لابسه عبايه سودا وي كثر م وصت غرام تلبس عبايه وكانت عبارة غرام المتكرره " أنا اسوي الي يرضيني م أسوي الي يرضي الناس "
وكانت امها تحاول فيه وكانت تعاند وتقول " الي اسويه بالرياض اسويه هنا م همني أحد الي يتكلم يتكلم والي بيسب يسب آخخخر همي "
تقدم عقاب وبجنبه ولده عبدالرحمن ودخلو قسم الرجال والبقيه توجهو لقسم الحريم ,
-