الهوى يبقى هواك واغلى منك مالقيت

19

بعد أسبوع ،، ليلة الملكه
وقفَت سيارتة قدام البيت وهو ينزل ناظرت له وهي تفتح الباَب وتناظر بيت عمّها كانت بصغرهاّ تجي تلعب مع العنود هنا بهاذا البيت لكَن الان هي زوجة ولدهّم دخلت وهي تسلم على زوجة عمه
ام عناد : ياهلا ببنتي غرام
غرام بابتسامه: ياهلا فيك
عناد تقدم وهو يبوس راس أمه : أخبارتس يمه
ام عناد : بخير عساكمّ بخير ، اخبار سفرتكم
عناد : الحمدلله
غرام : وين العنود ماجت
العنود من بعيدد : هنا هنا يالمهوسسه
غرام ضحَكت وهي تضمها : أشتقت لك ياعروسّه
العنود بادلتها الحظن : ياعيونيي انتِ حتى انا
أبتعدت عنها
عناد : ارحبي
العنود ضمت اخوها : البقى
أبتعدت وهي تغمز لغرام : كيف شهر العسل ؟
عناد ناظر غرام الي تناظره : الحمدلله
العنود ابتسمت وهي تسحب غرام : عن اذنك باخذ زوجتك شويات
غرام الي انحرجت وتتوعد بالعنود
وعناد ضحك بخفه عليهم
-
غرفة العنود
العنود : غراميي تسوين لي مكياجي بكره؟
غرامّ : لو ماسويت لك اسوي لميين قولي لي
العنود ضمتها : احبتس
غرام بابتسامه : اكثر ولله ، شعرك وش بتسوين فيه
العنود : استريت
غرام غمزت لها : يليق عليك
العنود بابتسامه : حياتي ، نجولة مارح تجي؟
غرام : ولله مادري ماكلمتها
العنود سحبت جوالها : ندق عليها وش ورانا
غرام ابتسمت تنتظر رد نجلاَ : هلا العنود
العنود : مو بجايه ملكتي ؟
نجلاَ : وصلت لديرتكم
العنود : الحمدلله على سلامتس
نجلاَ : الله يسلمك ، غرومة ماجت؟
غرامّ : غرومة عند العروسة
نجلاَ بابتسامه: ياحيوانه ولا قلتي لي انك وصلتي
غرام بابتسامه : توني وصلت حياتي
نجلاَ : الحمدلله على سلامتك يلا بنوتاتي ماطول عليكم بقفل
العنود : معسلامه
غرام : باي حياتو
وقفت العنود ونطقت : امشي ننزل لهم اول ماجيتي رقيتي معي بتاكلني امي الحين
غرام وقفت وهي تضحك : اوكي
دخلو للصالة
ابو عناد : يالله انك تحييها
تقدمت غرامّ وهي تسلم على عمها وتجلس بجانب العنود وتسولف مع عمها وزوجة عمها وبدُور اندمجو في السوالف لـ مقاطعتها بدخُوله : ياولد فيه احد
أخذت جلالها بدور وهي تتغطى
ابو عناد : ادخل ادخل عناد
عناد : السلام عليكم
ردو السلام
مشى وهو يجلس بجانبهَا : أخواني لاحقيني جايين
ام عناد بابتسامه : زين نجمتع كلنا
لَف على غرام بهمس : ماعندتس جلال؟
غرام باستغراب همست : وليه؟
عناد : اخواني بيجون الحين
غرام اشرت على عبايتها : عندي عباية هِنا
عناد : عباتس ماتغيرت للحين!
غرام برفعه حاجب : لا ولا بتتغير
عناد : تغيرينها
غرام رفعت حاجبها بتحدي : لا
عناد بانزعاج : بعدين نتفاهم
دخلو محمد وفهاد : ياولد
عناد لف لغرام الي تغطي نفسها بعبايتها
ام عناد : ادخلو ياولدي
دخل فهاد ومحمد وهم يسلمون على امهم
نطق فهاد : اخبارتس يابنت العمّ
غرام ماستوعبت ولا ردت عليه
لفت عليها العنود وهي تضربها : ايي شفيك العنود
العنود : فهاد يكلمتس
لفَت عليه : هلا
فهادّ : اقول اخبارتس
غرام : تمام كيفك انت؟
فهادّ بصد : الحمدلله يسرّتس الحال
العنود همست لها : شفيتس وش تفكرين فيه
غرام بابتسامه: مافكر بس ماستوعبت بنت العم
العنود ضحكت : تتعودين
غرام بتعب : ودي اروح انام مره تعبانه
العنود : تعالي اوديتس لغرفتس الجديدة
غرام وقفت : عن أذنكم بروح ارتاح تصبحون على خير
ابو عناد : خذي راحتس يابنتي تمسين على خير
ابتسمت لعمها وهي توقف مع العنود
دخلت غرام تشوف غرفته وكيف قديمة لكنها حلوه
جلست على السرير وهي تنزل عبايتها وتتأمل تفاصيل غرفتة قاطع تأملها دخوله
تقدم وهو يوقف عند طاوله نطق وهو ينزل شماغه وعقاله : عجبتس غرفتي
غرام : لا
عناد التفت عليها :بنام قوميني على صلاة الفجر أصلي مع اخواني وابوي
غرام ناظرته بطرف عين : انا منبه؟وبعدين وش مقصر معك تحط وقت يصحيك فيه
عناد بعصبيه خفيفه : وبعدين معتس انتِ تراتس زوجتي وواجب عليتس تخدمين وتطيعين زوجتس
غرام بكرهه : للمره الالف زوجتك على الورق ، وماني منبه
عناد خزها وهو ينسدح على فراشه
غرام ناظرته بكره ووقفت : بنام عند العنود
عناد وهو مغمض : لا
غرام وقفت : انا ليه اقولك
عناد : اقعدي مكانتس ولا اشوفتس عند الباب
غرام بعصبيه : نعم؟؟ وش ذا التحكم ريموت عندك؟
عناد : اصبحي اصبحي وراتس ملكة بكره
غرام انقهرت وهي تنسدح وتحط مخدات بينهم
-
صباَح الملكة | الساعة 12 الظهر
غرام : صباح الخير يا أحلى عروسة
العنود ابتسمت باحراج : صباحتس نور
غرام جلست : وش الخطة
العنود باستغراب : وش الخطه
غرام : هههههه يعني وش بتسوين شفيك سرحانة
العنود : هههههههه أسفه ،، للمشغل معي انتِ اكيد!
غرام برفعه حاجب : طبعاً
العنود ابتسمت : غرومة ودتس بفطور
غرام وقفت : وين انتِ العروس خليك انا بسوي
العنود تعرف ان غرام ماتعرف تسوي لكَن : بنشوف وش بتسممينا اليوم
غرام ضحكت : لاتغلطين
مشت غرام للمطبخ وهي متوهقه ماعندهم عامله برضو!
مشت لدرج وهي تفتحه وتاخذ الطاوة وتقلبها على الغاز
وتقطع بصل وعيونهاّ تدمعّ
دخلّ عليها وهو يلقي سلامة لفت عليه وهي مقهوره منه وسفهته نطق : علامتس تبتسين
غرام بدون تناظر له : بصل قدامي وش تشوف
قعد على الكرسي وهو يناظرها تقطع البصل
حست بنظراته وهي تلف : مضيع شي؟
عناد بابتسامه: جاز لي وضعتس وانتِ تقطعين وجلست
غرام ناظرته بطرف عين: فلم مسلسل عندك؟؟
انتهت من تقطيعها ومشت تفتح الثلاجة وهي تاخذ بيض
وتكسره على طاوتها وتطبخ ابريق الشايّ على النار تحت نظراته لها بعدما أنتهَت وقف هو ياخذ الصينيه : ثقيلة عليتس هاتيها
غرام برفعه جاجب : نعم؟ مافيه شي ثقيل عطني
عناد : مو وقت عنادتس يابنت الحلال هاتيها اعاونتس
غرام بعصبيه: انا مسويته صح! انا اشيله وخر
عناد مسك الصينيه وهو يشيلها : سلامات
سفهها وهو يمشي للجلسة عند أخته
العنود باستغراب : علامكم
عناد : معناده ماشيل الصينيه مدري شعلامها
غرام بكرهه : انا مسويتها انا أشيلها انت شدخلك الحين
عناد : احمدي ربتس شلتها عنتس
غرام جلست : محد قالك شلها ليتك قاعد
العنود ضحكت: عناد تودينا المشغل
عناد باستغراب : وشنهو المشغل ذا
غرام : مشغلل هير ستايلز وميكب
عناد : شنهي ذي اهرجو زين شبلاكم
العنود بضحكه : قصدها كوفيرة ومكياج نتجهز عشان الملكه
غرام ماقدرت وهي تضحك عليه
عناد : ابشري ياوخيتي أوديكم
العنود : تسلم ياخوي
-
الساعة 2
وقف عناد عند مشغل
ناظرته غرام بصدمه : هاذا مشغل؟؟؟
العنود : شبلاتس
غرام : منجدك العنود بتسوين شعرتس هنا
العنود : ليه
غرام بقرف : المكان مره نوو ماحبيت
عناد بطرف عين : تحسبينه نفس حق الرياض
العنود : غرومة ليه بالعكس حلو احسه وانتِ بزواجتس وملكتس مارحتي هنا
غرام بادلتها : لا سويت كل شي بنفسي عندي أجهزه
العنود بعصبيه : وراتس ماقلتي لي كان اخذتها
غرام بابتسامه: مدري حسبت ودك تروحين وتوقعت مشغل كويس مو كذا! احس فجاءه بيطلع فار مستحيل انزل رجعوني البيت
عناد : بنت المُدن مو متعودة على ديارنا
غرام : اكيد مو متعوده!
عناد : مردتس بتتعودين
غرام بضحكه: ليه تحسب اني بقعد معك طول العمر
عناد بهدوء : أبلعي العافيه لايجيتس شيً مايسرتس
العنود دقتها : الله يهديكم مو وقته ملكتي مابقى عليها شي
عناد حرك للبيت عشان يتجهزون
-
غرفة العنود |
واقفه غرام تسوي ميكب وشعر العنود بعدما أنتهَت دخلت ام عناد بابتسامه: ماشاءالله تبارك الله مكياجتس حلو
العنود بابتسامه : غرومة سوته ياقلبي
ام عناد مسحت على كتف غرام بابتسامه: اي شي تسويه غرام يطلع حلو تسلمين يابنتي
غرام بابتسامه : الله يسلمك تستاهل عنوديي ،، خالتي تبين اسوي لك؟
ام عناد بابتسامه: لاخلصتي انتِ صوتي علي
غرام : أبشري
ام عناد : يلاه بروح اجهز واجيتس
غرام بابتسامه: بنتظارك ياقلبي
طلعت ام عناد وقفت العنود : غروومه ساعديني ارفعي شعري بلبس الفستان
غرام باستغراب : تلبسينه الحين؟
العنود : عشان ماتوهق بعدين
غرام بابتسامه: تعالي
ربطت شعرها وهي تقول : بروح غرفتي اتجهز تبين شي
العنود بابتسامه : سلامتس حياتي ماقصرتي
غرام ضمتها : الله يوفقك يارب ،، اخلص واجيك
العنود ضحكت : تمام ،
طلعت غرام متوجهه لغرفته دخلت وماكنت متوقعه بيكون موجود مشت للتسريحه وهي تكمل ميكبها بعدما انتهَت وقفت لـ دولاب مع انظاره عليها طلعت فُستانها ولفت عليه : ببدل
عناد وقف يجهز ملابسة ونطق باستغراب: بدلي؟
غرام : ايه يعني أطلع
عناد : بدخل اتروش خذي راحتس
مشى لدورات المياة وهو يسكر الباب
غرام بدلت بسرعة وهي تعدل فستانها وتاخذ شنطتها وتطلع للعنود
وتسوي ميكب لخالتها
-
واخيراً..
-
-
ملكة سعُود بن نايف & العنود بنت ذياب |