الهوى يبقى هواك واغلى منك مالقيت

4

سبحان الله وبحمده سبحان الله العظيّم ..
الحمدلله دائمًا وأبدا ..

عناد قام متوجهه لغرفه العنود يفهم السالفه بس سُرعان ماوقف عند الباب وهو يسمع العنود تمدح الطلعه وغرام تسولف عليها فتح الباب بقوه
العنود بتوتر : شفيك عناد افتح الباب بشويش جالسه اكلم
عناد بعصبيه مُفرطه : انتِ محد خربتس غير غرام طالعه معها اليوم بدون لا يدري عنتس ليه!!!
العنود بخوف انه درا : دقيقه افهمك طيب ، غرام قفلي
عناد : لاخليها تسمع عمي وابوي لادرو انكم طالعين بدون شورهم وش بيسون ها علميني انتِ وهي فسختي الحياء يالعنود
العنود قامت : مافسخت الحياء ولا شي ولا طلعنا بدون علم احد ام غرام تدري وامي تدري وعطيتها علمّ رحنا اخذنا قهوه ورجعنا شفيك !
كانت غرام تستمع لصوتَه وهو يهاوش تأففت بقرف منه ومن تفكيره الحجري قفلت من العنود وراحت تسوي لها قهوه ..
-
عناد | العنود ،
عناد تقدم من العنود ومسك يدها بقوه : شفيني أجل؟ امي تدري وامها تدري ' وبتهديد' : طيب وإذا أبوي درى وش بيصير؟
العنود بدموع وقهرَ : عناد لاتصير زي أبوي واخواني تفكيرك قديمه خلك واثق فيني طول عمري م صرت زي البنات جامعه وحرمتوني طلعات وحرموتني شتبون أكثر أمنعو مني الاكسجين أحسن! محد يحس فيني الا غرام تدري منزمان ودي أجرب القهاوي والكوفهيات الي الكل يتكلم عنها الا العنود عمرها م شافتها !
عناد : تعاليني ! تعاليني قولي يعناد أباك توديني للمحل الفلاني ! وبوديتس وانا م اشوف الدرب تعاليني قولي يعناد بخاطري قهوه من المحل الفلاني ! م بردتس لكن تطلعين من ورانا ليه؟ م وراك رجاجيل تصيرين هايته مثلها
العنود بمدافعه : عمرر غرراامم م صارت هايته! الا قويه ونص طول عمرها تاخذ شورها من راسها مو من احد تهتم في نفسها وما تطق ل إي احد خبر لكن آه يحسرتي علي انا الكل يمشي علي ويدوسني أبسط امنياتي تنقتل قدام عيني و ..
عناد بماقطعه : هايته ونص وأشكالها مفروض تننضرب لين يطلع الدم من راسها ويرجع عقلها لمكانه عبايات أقصد فساتيين تلبسها ازرق اخضر احمر بني وتسميها عبايه!!! تطلع ووجهها حاطه عليها مليون تبن وشعرها حتى شعرها م سترته وتقولين مو هايته الشرهه والله على عمي
العنود بدموع: خلصت كلام؟ ليكون بعد بخاطرك شي وودك تفرغه فيني
عناد: كلمه وحده وما تنعاد ولو انعادَت كلمتي راح أكسر راستس وراسها بعد ! أقطعي علاقتس فيها وبس
العنود ببكى : حتى بحياتي بتتحكم فيهاا لييه!!! ليه امييو وافقت اروح معها ليشش تحرمني ليششش حتى صديقاتي بتختارهم لييي
عناد: هذا كلمتي وما تنعاد
العنود بصراخ: أذذلفف الله ياخذك
عناد برفعة حاجب : من متى دعيتي علي؟ علميني متى؟ من بعد م جات هالجربوعه
العنود جلست بتعب على السرير تكافح شهقاتها لا تطلع ..
عناد آسره قلبه وبقوه م عمره هاوشها لكن بنظره ! هذا الصَح وبنظره أو نظر الجميع " غرام صديقه سيئه "
طلع من الغرفه ووهو وده يعتذر لها ويقول أسف لكن تربى بمكان ! قانونه " الرجال م يعتذر لو مسوي أكبَر الاغلاط" لكن فكر بطريقه ثانيه شلون يراضيها ..
، اعطت شهقاتها الحُريه وكانت تدفن وجها بالمخده عشان محد يسمعها انقهرت منه ! شلون يفكر كذا ومتى بيتعدل حالها أنقهرت ان غرام سمعت كلامه وأكثر شي قهرها أنه هاوشها وغرام تسمع ..
-
تشرب قهوتها بروقان وصوته يتردد ب أذنها غمضت عيونها بقرف من طاريه وتفكيره الجاهلي قررت تبعده عن تفكيره وترسل للعنود ( عنوديَ حُبي شصار ؟ أنتِ كويسه؟ ) وأرسلتها لها توجهت للغرفتها غُرفه لا بأس فيها سرير باللون الابيضَ  والتسريحه نفس اللون شكلَها دائري والارفف متوزعه قريب منها بالزاويه مرايهَ طويله بشكلَ متعوج , تقدمت للتسريحه جلسَت على الكرسي وهي متضايقه انها السبب بالي صار مع العنود لكن كانت تردد بنفسها
" نخليَها تجرب طعم الحياه لو شويَ "
بدت تمسح ميكبها وتسوي روتين العنايه الخاص ببشرَتها ، حطت على إيدينها كريم وتوجهت للدولاب أخذت منَه بجامه حرير مكشوفة اليدين باللون البيجَ , فتحت الرف السُفلي أخذت شراب أبيض لبسته لانها حست بالبرد  , طاحت خصلات من شعرها على وججهَا تأففت بطفش " نوع شعرها ستريت وآه يالمعاناه! تقدمت أخذت شباصه ورفعت شعرها ب اهمال لكن كانت خصلات شعرها عنيدَه وطاح البعض منها على وجهها زفرت بطفش ورجعت خلف اذنها والباقي مرفوع ب أهمال , طلعت من غرفتها وشافت وجد قدامها ابتسمت ب شّر ،سوت نفسها مشغوله بجوالها الي ب إيدها وصكت بكتف وجد ضحكت بسخريه : أوه م شفتك !
وجد : عمى ! طول عمرك عمياء م بتشوفين
غرام : أكييّد أكييّد بكون عمياء بحبك ي أختي ههههههههههه
وجد بقرف : يع ! أنتي تحبيني الصراحه اتمنى يحبني عدوي ولاتحبيني أنتي
غرام : هههههههههه ولا أنا ابغى أحبك شعور متبادل

وجد : إييه زينَ تدرين انه متبادل يلا ! تقلعي
غرام : ههههههههه اعصابك حُببي؟ صرتي انفعاليه ليش؟
وجد: اوف منك يالبزره تقلعي
غرام : آوه ! يحلوها من كلمه بزره أحسن من عجوزه
وجد شافت غرام كلامها استفزازي عرفتّ مبتغى غرام ! أنها تقهرها قررت تشغل كيّدها ،
وجد: ههههههههه
غرام استغربت ضحكتها لكن نطقت وهي تسبلّ بعيونها : أكيد تضحكين على نفسك
وجد  : هههههههههه صدق انك مجنونه
تجاهلتها ودخلت غرفتها سكرت الباب
غرام أنهارت ضحك ، وبصوت عالي : م درييَت م درييَت أنك حساسه هههههههههه
وجد انقهرت بزر وفوق هذا ! تتطاول عليها ، حاولت تكبح غضبها لكن للاسف خانها طلعت من الغرفه وأركضي ل غرام وشدت شعرها بقوه
وجد: أعلمك مين الحساسه الحين
غرام : آه يالمريضه ! فكييني لا أكسر وجهك
وجد تجاهلتها وكلَ وحده منها ترفس الثاني بقوه مضاعفه للي قبل طلعت ورد وفاطمه على الصوت ! وأنصدمت وكل وحده تسحب بنتها
فاطمه بقهر: أبعديي بنتك يورد لا تذبح بنتي
ورد تحاول تسحب غرام : بسس ! بسس! مو بزررااانن فكيها يغرام
غرام إيّد شاده فيها شعر وجد وإيدها الثانيه وجَه وجد ،
دخل عقاب عليهم وبصوت جهوريَ وبغضب : بسس ! بس يالي م تستحون
ابتعدت غرام عن وجد ووجد حرفيًا صايره شرشبيل الديّره ، ضحكت ورد بخفه على اشكالهم
عققاب : الا يالي م تستحون مربي لي بنات ولا ثيران!
غرام بدلع : بابا ! هي الي بدت
عقاب : اننطمي انتي وياها فضحتوني بالعرب وبالحريم وبالي عندي فارقو لغرفكم واذا جاني خبر طلعتو ولاشي والله ان تتكسر العصا هذي على ظهوركم  وبصوت أعلى : فاارررقووو
غرام مشت لغرفتها وهي ترفع حواجبها ب انتصار على وجد و وجد ميته قهر ..

انستا iiwahum_