الهوى يبقى هواك واغلى منك مالقيت

29

-
بعد عدَة من الأيام
تأقلب العائلة بوفاة شخص عزيز على الكُل وحزنهم
بيت عقاب |
عبدالرحمن الي كان بحالة غريبه وهو للان ماشاف وجد الي كان مايبي يشوفها طلعت وجد بعدما تزينت لعقد قرانها وبياخذها زوجها بدون زواج بسبب عبدالرحمن وامر الجد سُليمان بعدم رضاة بالزواج وهو حتى مامر على وفاة ولدة شهر
وجد بجراءة : انا جاهزه
عبدالرحمن الي وقف وهو يمد لها العقد توقع : بعد ماتوقعين اذلفي برا تلقين زوجتس ولاعاد تجي
وجد بخبث : شفيك طيب!! ترا مو انا السبب بموتة!
عبدالرحمن الي صرخ : اسكتيي ماكان الميت ابوي وابوتس
وجد الي قطبت ملامحها بصدمة منه
وقفت ام عبدالرحمن: لاتصرخ عليها!!
عبدالرحمن ناظرهها بحدة : تسويين نفسك بريئة وانتِ شيطان من تحت لفوق
وجد الي دمعت عيونها : انا اختكك ياعبدالرحمن!!
عبدالرحمن بعتاب :  اختي ماتسبب بموت ابوها من كثر الحقد والغيرة
وجد بكت بكذب : ولله اعمتني
عبدالرحمن الي جن جنونة : طيبب!!! غرام اعتذرتي منها ؟؟؟ لا اكيد انتِ ذابحتس كبريائس ولله اذا مو عشان امي كان ذبحتس وافتكيت منتس !!! انتِ اخت!
وجد الي حست انه جرحها بقوة طلعت بسرعة وهي تمسح دموعها وترتب ميكبها وتلبس عبايتها بعد توقيعها طلع خلفها عبدالرحمن وهو يعطي الشيخ دفتر التوقيع
ناظرت الديرة وهي تناظر لا عمانها ولا جدها جوو وباركو لها العكس الديرة كلها كرهت وجودهاّ بعد علمهم بسواتها في اختها وصار وجودها وعدمة واحد عندهم
ركبت وهي تناظر صالح الي سكر بابها متجهة لبابة ناظرته وهو يحرك السيارة اجتاحها توتر غرييب وكانها ماتعرفة
لف عليها صالح بتعجب : نزلي الطرحة!
وجد لفت عليه باستغراب من امره : حنا للحين بالديرة!
صالح ضحك باستفزاز : ابي اشوف الوجهة يشبة الوجهه الي دايم ينرسل لي
وجد الي توترت من كلامة وضحكه واسلوبه تستغرب!!
انقلب حالها الي كانت مبسوطة قبل ربع ساعه وهي تلبس اجمل الفساتين متناسية وفاة ابوها من فرحتها بزواجها من حب حياتها لَكن انصدمت لـ ان ركبت سيارته مدت يدها برجفه وهي تنزل طرحتها وتطلع شعرها له
صالح الي طالع باعجاب مزيف : اوووه طلعتي اجمل منها
وجد الي طالعت فيه باحراج : شكراً
ناظر صالح يدينها الي على ركبتيها متوتره تضغط عليها مد يده وهو يمسكها يقربها لوجهه ويُقبلها
ناظرت له باحراج وهدووووء تناظر حركاته معها
-
بيت ذياب |
ام عناد بابتسامه: ياهلا بزوجة ولديّ
غرام باحراج: اهلاً
ام عناد بابتسامه: تعالي اجلسي يابنيتي عناد ماصحى؟
غرام بابتسامه: لا ياقلبي نايم
ام عناد: كيفتس وكيف الحمل معتس عسى حفيدي مو متعبتس
غرام ابتسمت : تونيّ ياخاله بالاسبوع السابع
ام عناد: كملتي شهرين صح؟
غرام ابتسمت: اسبوع واكمله
ام عناد بابتسامه: الله يبارك لكم يارب ويجي بخير وصحة وسلامة
غرام ابتسمت باحراج : امين يارب
دخلت العنود للبيت: غراااميي
ضحكت غرام: شفيك
العنود ضمتها بقوة : أشتقت لك يومين ماشوفتس وانتِ معي بنفس البيت!!
غرام بتعب : شنسوي نومنا متخربط الظاهر
العنود : شفيتس بسم الله عليتس يعورتس شي ؟؟؟؟ انادي عناد
غرام بسرعة : لالا وش تنادينه مافيني شي تعب عادي ويروح ياقلبي انتِ
العنود بابتسامه: خوفتينيّ تخيلي رحت الرياض مع سعود
غرام بابتسامه: كيفها؟
العنود بذوبان : تجنن تجنن ياغرامم ياحظتس ورحت تسوقت
غرام بابتسامه: وش شريتي
العنود الي طلعت الكيس : شريت لبنت اخوي
غرام بخجل : ورينيي
العنود الي طلعت ملابس صغيييره لبنوتة
غرام ببراءه : اففف ياحلوها عنوديي
العنود بابتسامه: تتهنى فيها بنوتتكم
ام عناد بعصبية : قومي قومي يالعنود لايكثر هرجتس وتتعبينها بسوالفتس وسوي قهوة اخوتس بيقوم الحين
العنود بتعب : يمه تعبت تونيّ راجعه
ام عناد: اقولتس قوميّ
قامت العنود بتحلطم : ماكاني عروس بتزوج بعد شهرين
ناظرتها غرام بصدمة : بعد شهريين!!
العنود ضحكت : تستاهلين ماعلمتس نومتس مخربط
غرام : تكفيين عنودي وش البسس! بينفخ بطني قدموه
العنود ضحكت: يالله اقنعت سعود وتبيني اقدم!! لو بيده بيحطه بكرة
غرام تاففت
ضحكت العنود وهي تمشي للمطبخ