Chapter 144
ဘေးနားတွင်ထိုင်ကာ နားထောင်နေသည့် ကျွင်းဟွိုင်လန်က နောက်ဆုံးတွင် မျက်မှောင်ကြုတ်လိုက်ပြီး စိတ်ရှုပ်ထွေးစွာဖြင့် မေးလိုက်သည်။
" ဘယ်နေရာနဲ့ စစ်သည်ဘယ်လောက်ကိုလွှတ်မယ်ဆိုတာကိုရော အရှင်မင်းကြီးက အမိန့်မပေးလိုက်ဘူးလား... "
ဒီလောက် အရေးကြီးတဲ့ သတင်းအချက်အလက်ကို ဘာလို့ သေချာမပြောထားပါလိမ့်...
ကျင်းယီဝေ့က ခေါင်းခါပြီး ပြောလိုက်သည်။
" အဲဒါကိုတော့ တော်ဝင်အမိန့်တော်ထဲမှာ မပြောထားပါဘူး..."
ရွှယ်ယန် ရယ်လိုက်သည်။
" ထင်တဲ့အတိုင်းပဲ..."
ကျွင်းဟွိုင်လန်က နားမလည်နိုင်ဖြစ်သွားသည်။
" ကျင်းယီဝေ့တွေက ချန်အန်းကို တိတ်တဆိတ်ပဲ ဝင်သွားကြတာ... ချန်အန်းမြို့ထဲရောက်ပြီးသွားရင် သူတို့ရောက်လာတာကို သိနိုင်တာ တုန်းချန်ပဲရှိတော့တယ်... တုန်းချန်ရဲ့ မျက်လုံးတွေကနေ ထွက်ပြေးလို့မရဘူးဆိုတာ ငါသိပါတယ် အခုတော့ သူတို့ဘာလုပ်မယ်ဆိုတာပဲ စောင့်ကြည့်ရတော့မှာပေါ့..."
" ဒါဆိုရင် သူတို့ဘာလုပ်ကြမှာလဲ..."
ကျွင်းဟွိုင်လန်က မေးလိုက်သည်။
ရွှယ်ယန်က သူ့ပခုံးကိုနှိပ်ပေးနေဆဲဖြစ်ပြီး ရေးကြီးခွင်ကျယ်မဟုတ်သည့်ကိစ္စကို ပြောနေသကဲ့သို့ အသံက တည်ငြိမ်နေသည်။
" ဧကရာဇ်က အဲ့လို မရေမရာအမိန့်မျိုးကို ထုတ်ပြန်တာဆိုတော့ ဘယ်သူမှ မထင်ထားတဲ့လူမျိုး ဖြစ်နေမှာပဲ... ရှုကျုံးလျန်ကလွဲပြီး တခြားသူ မရှိနိုင်ဘူး..."
" ရှုကျုံးလျန်တဲ့လား... အဲ့ဒါ ရှုရှန့်ရဲ့သား စစ်သူကြီးရှု မလား..."
ကျွင်းဟွိုင်လန် မျက်မှောင်ကြုတ်လိုက်သည်။
ရွှယ်ယန်က သူ့ကိုပြုံးပြလိုက်သည်။
" ဧကရာဇ်က အရမ်းရက်စက်မှာတော့မဟုတ်ပါဘူး သူတို့ကို နောက်ဆုံးတစ်ကြိမ် အခွင့်အရေးပေးဦးမယ်ထင်တယ်...တကယ်လို့ ရှုမိသားစုက ဧကရာဇ်အတွက် ယွင်နန်ဘုရင်ကို ရှင်းပေးနိုင်မယ်ဆိုရင် သူတို့ ငွေအလွဲသုံးစားလုပ်ထားတဲ့ကိစ္စကို ကျော်သွားလိမ့်မယ်... အရင်က ဘယ်လောက်ပဲ သံသယဝင်စရာတွေ လုပ်ခဲ့ပါစေ ရှုမိသားစုကို အသုံးချနိုင်သရွေ့တော့ ဧကရာဇ်က တခြားကိစ္စတွေကို မျက်ကွယ်ပြုထားမှာပဲ..."
YOU ARE READING
အပိုင်း၂ အကြမ်းဖက်ဝတ္ထုထဲကဇာတ်လိုက်မရဲ့အကိုကြီးဖြစ်လာတယ်
General Fictionဒီကနေအပိုင်း၁၄၀ကနေစဖတ်ပေးကြပါနော်
