အပိုင်း၂ အကြမ်းဖက်ဝတ္ထုထဲကဇာတ်လိုက်မရဲ့အကိုကြီးဖြစ်လာတယ်

Chapter 164

   

တာ့ခ်များက ယန်ဒေသကို ဝန်းရံထားချိန်တွင် ရွှယ်ယန့်ကို ကယ်တင်ခဲ့ပြီး တာ့ယုံနယ်စပ်သို့ ပို့ဆောင်ပေးခဲ့ကာ အသက်ရှင်ကျန်ရစ်နေသော ယွင်ယန်သံမဏိမြကင်းစစ်သည်များကို ရွှယ်ယန့်အတွက် ယနေ့အချိန်ထိ ထိန်းသိမ်းပေးထားခဲ့သူဖြစ်သည်။

ရွှယ်ယန်က စားပွဲတွင် တိတ်ဆိတ်စွာထိုင်နေသည်။

   

တော်ဝင်စာကြည့်ဆောင်ထဲမှ စားပွဲခုံကြီးကို အလွန်တန်ဖိုးကြီးသည့် သစ်မာတစ်မျိုးဖြင့် ထွင်းထုထားပြီး ထောင့်လေးထောင့်ကိုလည်း ရွှေကွပ်ထားသည်။ မျက်နှာချင်းဆိုင်မှာ စင်မြင့်ပေါ်တွင် ကျောက်စိမ်းဖြင့် ထွင်းထုထားသည့် အဖိုးမဖြတ်နိုင်သော ပစ္စည်းများရှိသည်။ နီလာဖြင့်ပြုလုပ်ထားသာ့် အမွှေးတိုင်ထွန်းသည့် အိုးထဲတွင်လည်း ငါးကြီးအန်ဖတ်များရှိနေသည်။

နေရာအနှံ့တွင် ရွှေ‌၊ ငွေ၊ ပုလဲနှင့် ကျောက်စိမ်းများ မရှိသော်လည်း ဘုရင်တစ်ပါး၏ ခမ်းနာထည်ဝါမှုများကို ပြသနေသကဲ့သို့ ထင်ရသည်။

ဤနေရာကြောင့် လူပေါင်းများစွာ သွေးမြေကျခဲ့ရသည်။

ဧကရာဇ်ချင်းဖျင်နှင့် သူ၏ညီအစ်ကိုများ တိုက်ခိုက်ခဲ့ကြသည်မှာလည်း ထီးနန်းကြောင့်ဖြစ်သည်။ ယခုအချိန်တွင်လည်း ရွှယ်ယွင်ဟုန်က စွန့်စား၍ ဧကရာဇ်ချင်းဖျင်ကို အဆိပ်ခတ်ခဲ့ခြင်းဖြစ်ကာ သူ အလိုရှိသည့်အရာကလည်း ထီးနန်းသာဖြစ်သည်။

ရွှယ်ယန် မျက်လုံးလှန်ပြီး ဘေးပတ်ပတ်လည်ကို ကြည့်လိုက်သော်လည်း ပင်ပန်းမှုနှင့် စိတ်ကသိကအောက်ဖြစ်မှုကိုသာ ခံစားရသည်။

မကြာမီအချိန်တွင် ကျီနန် ရောက်ရှိလာသည်။

ရွှယ်ယန်က ယခုချိန်တွင် နန်းမြို့တော်၌ ရာထူးအကြီးဆုံးဖြစ်နေ၍ ယွင်ယန်သံမဏိမြင်းစစ်သည်များကလည်း လွန်ခဲ့သည့်နှစ်နှစ်အချိန်အတောအတွင်းကကဲ့သို့ အမှောင်ထဲတွင် ပုန်းကွယ်နေရန် မလိုအပ်တော့ပေ။ ရွှယ်ယန်က ယန်ဒေသကို သူကိုယ်တိုင် ပြန်လည်သိမ်းပိုက်ရန် စိတ်ပိုင်းဖြတ်ထား၍ ယွင်ယန်သံမဏိမြင်းစစ်သည်များကို ချန်အန်းမြို့တွင်သာ ထားတော့မည်ဖြစ်သည်။